Page Text
________________
३२
मगोस्मा कहा
सोऊण सबरवयणं, हरिस-वसुल्लसिय-पयड-पुलयाए । पडिलाहिया मुणियरा, सबरीए सुद्ध-भावाए ॥१८७।। 'मनुयाउयं निबद्धं भोगा य समज्जिया पुलिंदेहिं । दुग्गइ दुहाण दिण्णो दोहि वि सलिलंजली तेहिं ॥१८८।। जओनायागय सुविसुद्ध-सद्धा-जलेण सिच्चतं । जायइ सिव-सुह-फलयं सुपत्त-खेत्ते गयं दाणं ।।१८९॥
पडिपुण्णं काऊण वंदिया मुणिवरा, साहूहिं समं चेव गयाणि गुरुसमीवं । भणिओ गुरु पुलिदेण-"भयवं! भुंजह तुब्भे निराकुला, अहं पि दुट्ठ-सावय-रक्खणट्ठा समारोवियकोदंडो किंचि समासन्नो चेव चिट्ठिस्सामि ।" भुत्ता विहि-पुव्वं साहवो, समागयाइं सबराई। कया धम्मदेसणा। भाविया पुलिंदाणं । जाओ तेसिं अभिग्गह-गहण परिणामो। दिण्णो गुरुहिं पाणिवहनियमो। पडिवण्णो तेहिं । समोयारिया पंथे साहणो। ताव गयाणि जावं सिभंतओ। वंदिऊण भणिया सूरिणो-"भयवं! इओ परं अविसओ अम्हाण । गच्छंतु भगवंतो।" अणसद्रिं दाऊण गया गरवो। पडिनियत्ताणि । अंतरा चेव अत्यमिओ दिणयरो। भणिया सबरेण सबरी-"पिए ! तमंधयारा रयणी । दुलक्खा दुटु-सावया, वसिज्जउ एत्थ, सुए गमिस्सामो।" गयाणि एगं गिरिगुहं । तत्थ पूण एगं चेव माणसं माइ। पवेसिया तत्थ सबरी । गहिय कोदंडो ठिओ गहामहे पूलिंदो। समागओ माणुसगंधेण तं पएसं पंचाणणो । पहया पुच्छप्पहारेण मेइणी। पकंपिया गहा । भीया सबरी। भणिओ सबरो-"पिययम ! नियपाणरक्खं करेसु।" तेण वि 'भीरु न भाइयव्वं ति' भणंतेण समारोवियं धणुहं । संधिओ स]रो । जावज्जवि न मुअइ ताव सुमराविओ जीववाहा]भिग्गहं सबरीए । मुक्कतेण धणुवरं समावडिओ सीहो । निवाइओ पुलिंदो। मरिऊण समुप्पण्णो धणेसरसेट्ठि-सुओ धणदेवो । सो पुण तुमं । सबरी वि पहाए नीहरिऊण गुहंतराओ गहिऊण सबरट्ठियाणि पविट्ठा जलणं । मरिऊण समुप्पण्णा धणचंद-सेटुिणो धणावहाए भारियाए कुच्छिसि धूयत्ताए। सा पुण एसा चेव गुणवई । जम्मंतराब्भासओ एस सिणेहो तुम्हाण। एयं सोऊण समुप्पण्णं मे जाइसरणं। भणिओ सूरी-"भयवं । सयलसत्त-सुहावहे संसारसायर-तरणतरंडे निसुए सव्वण्ण-पणीए धम्मे कि मे उदासीणया ?" भगवया भणिय'--"भद्द ! पुव्वभव-मुणिदाणोवज्जिया भोगा भे चरणायरण-विबंधगा, भुत्त-भोगाण भविस्सइ तुम्हाण चरण-पडिवत्ती निव्वाण-संपत्ती य ।"
तओ हं हरिसिय-माणसो वंविऊण भगवंत समागओ निय-भवणं । साहिओ एस गुणवइए वइयरो । पस्तुिट्टा एसा। सक्सेिस-सिणेह-तंतु-संदाणियाण विसय-सुहमणुहवंताण वच्चंति वासरा । जाओ पुत्तो गुणवईए । पइट्टावियं नाम धणदत्तो। अण्णम्मि दिणे वास-भवण-पसूत्ताण चेव अवहरिया केणावि गुणबई । निरूक्यिा मए पभाए। न लद्धा कत्थवि। विओग-जलण-जालावली-करालिओ'कत्थवि रइं अलहमाणो इमं उज्जाणमामओ । गहिऊण सरमीओ सरस-नलिणी-दलाणि सहाव-सीयलं लया-हरमिणमणपविठो। विरइय-सत्थरो जाव खणमेगं चिट्ठामि ताक दिमए तरललोयणेहि इओ तो निज्झायंतं एगं सारस-मिहुणयं । जणरव-भीया उड्डिया सारसी, सारसो वि तमेवाणुगओ । तओ चितियं मएअण्णोण्णमणुसरंताण, सरस-सब्भाव-नेह-भरियाण। वरि सारसाण नेहो, मा कज्जपराण मणुधाण ।।१९०।।
"तओ मए “सारस ! धण्णोसि तुम" इच्चाइ गाहा जुयलं पहियं ता कुमार ! एयं मे उब्वेय-कारणं ।”
एत्यंतरे अट्टहासेण हसिऊण भणियं कुमारपरिहासट्ठाणेण केलिकंदाभिहाणेण वयंसएण-“अहो ! महिलामणूसो एस वणिय-सुओ, जोएदह-मेत्ते विपओयणे एवं पिलवइ?" धणदेवेण भणियं-"भट्ट ! दुज्जण-बहुलो एस कालो" सच्चवियं तए एयं।" कुमारेण भणियं-"एरिसो चेव एसो न संतप्पियव्वमज्जेण ! "
एत्यंतरे सावेसं जंपियं सुबुद्धिपमहवयंसएहि "कुमार ! खलयण-बयण-सवण-संतड्ढ-माणसो मोत्तूण नगरमेसो उज्जाणमिणमागओ जाव एसो एथवि एवमुल्लवइ ? ता. सच्चो लोगप्पवाओछड्डिवि दुज्जण-वासडा, वग्गडि गयउ पलासु । तत्थवि विहि मूलई खणई, नस्थि भवित्तिहि नासु ।।१९१।।
जइ एस असमंजसप्पलावी तुह समासण्णो चिट्ठिस्सइ ता“अम्हेहिं गंतध्वं । जओ
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |