Page Text
________________
सम्मत्त-बीय-लंभो णाम पढमो अवसरो तत्थ य धनदेवगुणवईण पुव्वजम्मवुत्तंतो
इओ अदिट्ठजलासएहिं भणिओ सत्थवाहो पुरिसेहिं “नत्थेत्थ जलं जावज्जवि न गाढं तवेइ दिणयरो ताव गम्मउ।" सत्थवाहेण भणियं--"एवं भवउ।" सहसा संचलिओ सत्थो न नाओ आयरिएहि । कयावस्सया जावागया ताव न पेच्छंति । तओ ससंभंता पत्थिया सत्थमग्गेण । गया थेवं भूमि-भागं । न दिट्ठो सत्थो । पब्भट्ठा मग्गाओ। किं-कायव्व-विमुढा मज्झाइविं पविट्ठा । तण्हा-छुहाकिलंता एगत्थ वणसंडे निविदा । भणिया सूरीहिं साहणो-"संपयं किं-कायव्वं । दुरुत्तरं वसणमावडियं । छुहा-पिवासाहि दुटु-सावएहितो वा मरियव्वं । ता कारह साहसं । पयच्छह संपयच्छह आलोयणं, उच्चारेह विसेसेण महव्वयाई, भावेह सयलजीवेसु सम-सत्तु-मित्तत्तणं, अवलंबेह धीरजण-चेट्रियं, पडिवज्जेह निरागारमणसणं, जेण पर-लोयस्स आराहया होह।" साहहिं भणियं--"सोहणमाइ भगवंतेहिं अवसरो एयस्स।" इमं सुणिऊण सहसा चेव परुण्णो एगोखडगो। समासासिओ कोमलक्यणेहि सूरीहि ।
तओ समाइट्ठो रायवंस-संभवो विक्कम-बलो नाम मणिवरो। गच्छ तुमं थेवंतरं । समारुहिऊण समुण्णयपएसं, निरूवेह मा कयाइ गाम वा, गोउलं वा, तावसासम वा, पच्चासन्नं हवेज्ज, एयम्मि खुड्डुगे रुयमाणे अणसणं पि दुक्करं।" तहेव कयं साहणा। थल-सिहर-समारूढो दिटठो पूलिदेण । आरोवियं कोदंडं संधिओ सरो। पूच्छिओ पूलिंदीए-"नाह ! किमयं ?" तेण भणियं-"पिए ! किपि अव्वत्तं दूरे चलमाणं दीसइ । सुइरं निरूविऊण संजाय-जाइ-सरणाए जंपियमिमीए--"नाह ! संहर सरं। मनिवरो वि य लक्खीथइ।" तेण भणियं-"कहमकयकज्जो संहरिज्जइ सरो ?" सबरीए भणियं---
कुंभि-कुंभ-तड-दारण-सोंडीरिम-पयड । मथवइ-मथदल-वट्टण पुरपोली-विथड ॥ सरह-संघ-वित्तासण-गव्व किणकधर । मणिवरि पिय ! पहरणहं अदोहहं जीवदथा वरहं । करुणामयरहरहं पिथ! पहरंतु पडेसि नरइ तुहं मुणिवरहं ।।१८२।।
पुलिंदो वि तव्वयणेण संहरियसरी गओ साहसमीवं । पुच्छिओ तेण साहू--"किं निमित्तं तुमं सुण्णारन्नमिम पविट्ठोसि?" साहणा वि साहिओ वइयरो । समागओ तेहिं समं सूरि-समीवे । कया सूरिणा धम्म-देसणा। कल्लाण-भायणतण[ओ) जाओ तेसिं भद्दग-भावो। निमंतिया कंद-फलाईहिं साहुणो। सुरिणा भणिय--"न साहूणं सचित्ताणि कंद-मूलफलाणि कप्पंति, जलं पि न सहाव-संठियं सुज्जइ।" सबरीए भणियं-"भयवं ! सुमरिय-पुन्वभवा सेविय-सामण्णा सयमेयकप्पाकप्प-विहिवियक्खणाहं। संति णेगे चिरसंगहियाणि कंद-मूलाणि बीय-रहियाणि परिणयाणि । जलं पि खरसमीरणुम्मूलियर[य]-पावियसंगेण रत्तवण्णं, अओ गिण्हह जइ भे रोयइ ।” आयरिएहिं चितियं-'एयावसरे एयंपि संगयं, पिवासिया साहुणो।' पुलिदेहि दिण्णं, गहियं गलिऊण पाणियं ।
तओ नीया पुलिदेहि गिरिगुहापुहे। पविट्ठो गुहं पुलिंदो। नीणियाणि कंद-मूल-फलाणि । भणिया सबरी सबरेण"देहि पिए ! मुणीण दाणं ।” ‘एवं' ति, भणिऊण निरूविओ तीए अप्पा, देयं गाहगा य । तओ सदुक्खं परुण्णा । पुच्छ्यिा सबरेण---"पिए ! कि हरिसट्ठाणे विसाओ कीरइ ?' तीए भणियं--"पिययम ! इमे सभणा भगवंतो नाणाविह-गामनगरेसु दाण-विहि-वियक्खणेहिं, चरण-विभूसिएहिं, धवल-धवल-हरसंठिएहि, नरनारिगणेहि, पवरासण-पाण-खाइम-साइमेहि पडिलाहिया । अहं पुण पसु-सरीसा दाण-विहि-कुसला वि तस्सामग्गीरहिया गुहामुह-संटिया, दाणं पि जहण्णं कंदाइ, तेण मे विसाओ । जओ"पट्टण माणुस धवलहर, वर असणई अहलाई । अवसरि पत्तहं पत्तहं जाइं न कज्ज-कराई ॥१८३।। निब्भर-जलई सुपाणिथई, वण-फल वर-असणाई । सबरई पट्टण-माणुसइं, गुह र धवल-हराई ।।१८४॥" ''तण्हा-छुहा-किलता, अवसर पत्ते पिए ! सुपत्तम्मि । जाणुवओगो को ताण कुणइ मोल्लं पि पसथच्छि ! ।१८५। ता मोत्तण विसायं, देहिच्छाए कंदमाईयं । दुलहा पुणो वि सुंदरि ! सुपत्त-सामग्गिया अम्ह ।।१८६।।"
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |