Page Text
________________
मणोरमा-कहा
एयं सोऊण पणमिच्छताए पडिवण्णो तीए जिण-धम्मो। जाया समणोवासिया। पडिलाहेइ फासुएण एसणिज्जणं असण-पाण-खाइम-साइमेणं समण-संघं । पूएइ परम-विहिणा भाव-सारं पडिमाओ वीयरागाणं । करेइ अट्रमि-चाउसिउद्दिट्ट-पुण्णमासिणीसु पडिपुण्णं पोसहं ।
अण्णया धम्मजागरियं जागरमाणीए समुप्पणा चिता--"धण्णा णं भरहाइ-चक्किणो जे तिणं व पडग्गलग्गं उज्झिऊण छ-खंड-मेइणि निक्खंता । धण्णाओ णं राइमइपमुहकण्णयाओ जाओ निरुवम-सोहग्ग-गणेण बहजण-पत्थणिज्जाओ वि विसमिव मण्णिऊण विसयगणं पव्वयाओ। अहं पुण संसारवास-निबंधणालंबणरहिया वि दारुण-दोहग्ग-दूसिया वि न पव्वयामि । अहो ! मे अजाणत्तणं, अहो! मे अविवेगित्तणं, अहो! मे तुच्छत्तणं, अहो! मे संसाराभिनंदत्तणं, अहो! मे अदीद-दारिसित्तणं, अहो! मे इंदिय-वसित्तणं, अहो ! मे कम्म-गरुअत्तणं, अहो! मे जहिच्छा चारित्तणं" ति. चितयंतीए पभाया रयणी। उग्गओ अंसुमाली । कयं गोसकरणिज्जं। घर-चेइयवंदणं काऊण गया साहणि-समीवं। वंदिया महत्तरा । सूओ तयंतिए साहुधम्मो । संजाय-चरणपरिणामाए भणियं सोमसिरीए-"भयवइ ! संसार-भयुव्विग्गा पव्वयामि तुम्हाण समीवे।" महत्तराए भणियं-"उचियमेयं, विण्णाय-संसार-सरूवाणं, जिण-मय-भावियमईणं, सव्वेसि पि सत्ताणं।" वंदिऊण महत्तरं गया सभवणं सोमसिरी। साहिओ निययाभिप्पाओ जणणि-जणयाण । तेहिं अणुण्णाया पसत्थवासरे महया विच्छडडेण पव्वाविया सुभंकरायरिएणं । समप्पिया जिनमइ-महत्तराए सोमसिरी। गहिया दुविह-सिक्खा। सिक्खिओ किरियाकलावो। अहिज्जियाणि एक्कारस-अगाणि करइ छट्टट्ठमाइ अइदुक्कर तवच्चरणं । मज्जइ मणार्ग जाइ-मएण ।
____ अण्णया मरिऊण समुप्पण्णा सोहम्मे-कप्पे देवित्ताए । परिपालियं तिणि पलिओवमाणि आउयं । तओ चुया पूव्व-भव-कय-जाइमयदोसेण समुप्पण्णा सज्झगिरिसमासण्णाए महाडवीए सबरित्ताए । पत्ता जोव्वणं । अईव इट्टा पुलिंदस्स । अदिट्ठ-पिय-वियोगा ईसाइविवज्जिया सयासन्निहिय-कंद-मूल-फलासणा, निज्झर-झरंतसीयल-सलिल-पाणपमुइयमाणसा सुहंसुहेण कालं गमेइ । जओसाहीण फलजलाणं अदिट्ठपियविप्पओगसुहिथाण। असुयखलजंपियाणं सुह[हेऊ होइ वणवासो] ।।१७९।।
इओ य धणसारो नाम सत्थवाहो कोसंबिपुरीओ सुसम्मपुरं पइ पत्थिओ । घोसणं करेइ--"जो मए समं समागच्छइ तस्साहं खाणेण वा, पाणण वा, वत्थेण वा, पत्तेण वा, संथार-कंबलेण वा, ओसहेण वा, भेसहेण वा, दंडेण वा, छत्तेण वा, जाणेण वा, वाहणेण वा, पाणहाहि वा उदंतं वहामि । एयं सोऊण पयट्टा बहवे कप्पडिय-तडियादओ। जगंधरायरिएण वि पेसिओ सत्थवाह-समीवे साहु-संघाडओ । भणिओ तेण सत्थवाहो-"बहु-सीस-परिवारा जुगंधराभिहाणसरिणो तए सह समागच्छंति, जइ तुमं छुहियाण वा, पिवासियाण वा, थक्काण वा, वाहि-पीडियाण वा, सत्थ-पब्भट्ठाण वा, चितं करेसि?" सत्थवाहेण भणियं-“समागच्छंतु सव्वेण भलिस्सामि।" चलिया सपरिवारा सूरिणो। पसत्थवासरे ठिओ नयरबाहिं सत्थो। कया सत्थवाहेण जणसारणा, दिवा आयरिया, वंदिया सबहुमाणं, भणिओ संगमओ नाम सूअयारो"अरे! तए साहण पाण-भोयणाइ पइदिणं दायव्वं एस ते निओगो।" सूरिणा भणियं--"सत्थवाह ! साहणमकयमसंकप्पिय अप्पणट्ठा गिहत्थेहि साहियं आम-कंद-मूल-फलाइवज्जियं असणाइयं कप्पइ । भणियं च" 'आरंभनियत्ताणं, अकिणंताणं अकारविताणं । धम्मट्ठा दायव्वं, गिहीहि असणाइयं सुद्धं ॥१८०।। धण्णा देंति उ सुद्धं, धण्णथरा जे उ लिति सुविसुद्धं । धण्णा दिता लिंता, धण्णा ठाणं सिवं पत्ता ।।१८१॥"
तहेव पडिवण्णं सत्थवाहेण । गंतु पयट्टो सत्थो । गम्मइ सुसम्म-नयराभिमुहं। कमेण वच्चंतो पत्तो महासालाडविमत्थए सत्थो । घोसावियं सत्थवाहेण-“भो ! भो! सत्थजणा! कारह जल-संबल-संगहं सविसेसं । पउणीकरेह सयलसत्थाणि, जेणाडवि पविसम्ह।" तहेव कयं । वीसमिओ तत्थेव दिणदुगं सत्थो। तओ पविट्ठो महाडवि बूढा तिण्णि दिणाणि। चउत्थ-दिणे सविसेसं भय-भीओ रवि पि बढो। पीडिया सत्थ-लोया, पहाणपूरिसेहिं विण्णत्तो सत्थवाहो-'निरंतरपयाणएहि पीडिओ सव्वो वि सत्थ-जणो, ता कीरउ उप्पयाणयं' पडिवण्णं तेण । वाइया उप्पयाणय-काहला । आवासिउमारद्धो सत्थो। आयरिया वि पभायावस्सयं काऊकामा एगंतमवक्ता पारद्धमावस्सयं ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |