Page Text
________________
मणोरमा-कहा
नाणगब्भस्स दक्खिण्ण-पहाणयाए अत्थि तीए उबरि पक्खवाओ सिणेहमेतं च, न उण रागबुद्धी। सा पूण अणवरय-पवड्ढमाण-मयणेण [उद्दीक्यि-सरीरा दरिसिय-विविह-वियारा महुर-मम्मणुल्लावेहिं तस्स चित्तमक्खिवइ । एवं गच्छइ कालो।
अण्णम्मि दिणे लज्जं मोतूण पयडमेव पत्थिओ सो तीए। न पडिवण्णं तेण । तओ सा पओसमावण्णा अणवरयमेव छिद्दाणि गवेसिउमारद्धा छिहमलाहमाणी) नियग-मइविगप्पियाणेग-मिच्छावियप्पणा-समाउल-माणसा चितेइ रइसुंदरी-'सोहणं हवइ जइ पडइ कहिं पि एस वयपिज्जे, न कुणइ को वि आयरं, परिहरिज्जइ परिवायगेहिं, निवासिज्जइ नयराओ राइणा, हवइ दीह-दुक्खभायणं ।” एवंविहकिलिट्ठ-परिणाम-दूसिया, अण्णया गया नाणगब्भवंदणा-निमित्तं। दिट्ठो धणावहसेट्ठि-सुयाए पओयणबसागयाए सद्धि सपरिहासं जपतो नाणगब्भो। रइसुंदरीए भणिओ सविसेस-संजाय-मच्छराए-"अरे, वेसविडंबग! अणामीर-कुलहर! विमुक्कमज्जाय! अणज्ज-परिहासमवलोयणेण सह कणंतो अत्तणो विन लज्जसि?" एवमसंत दोस-वसियं काऊण गया रायमंदिरं रइसंदरी। वोलीणा जामिणी पभाए गया पिउणो पाय-वंदणत्थं। पुच्छिया ससिणेहं राइणा--"वच्छे ! कि तुममज्जमुव्विग्गा विय लक्खीयसि ?" रइसुंदरीए भणियं-“ताय-दसणविडंबणा ममं पीडेइ।" राइणा भणियं-"केरिसी ?" तीए भणियं--"अत्थेत्थ अणुच्चरणीय-नामधेओ, अणेगमंत-तंत-चुण्ण-जोग-निमित्त-कूड-कवडकुसलो, लिंगमेत्तधारी, धम्मायरण-परम्मुहो, अजहट्ठिय नामो नाणगब्भो नाम परिव्वायगो। सो तेहिं तेहिं जइ-जण-बिरुद्धावरणेहिं दंसणं विडंबेइं त्ति, जणो मंतेइ। अज्ज पुण सक्खमेव मए अप्पणा दिट्ठो । जाया मे चिंता जइ ताओ न एयस्स निग्यहं करिस्सइ तो सेसपरिव्वायग-वम्गो वि
मायरंतो न संकिस्सइ।" "वच्छे! सव्वं सोहणं भविस्सइन तए खेओ कायव्वो।" एवं संभासिऊण विसज्जिया रइसुंदरी । आणाविओ नाणगब्भो। सावेसं भणिओ राइणा-"नाणगब्भ ! जइ-जण-विरुद्ध-समायारो तुम सुणिज्जसि?" तेण भणियं---'कहं?' राइणा भणियं-- “परिचत्त-निय-घर-पुत्त-कलत्त-सुहि-सयण-संगस्स पर-घर-भिक्खाभोईणो, परकयासमनिवासिणो कि ते पोयणं निमित्त-मंत-संत-जोम-चण्णेहि ?" नाणमभण-भणियं--"न किं पि तहाविहं मोत्तूण लोगदक्खिण्णं।" राइणा भणियं---'अथावा रंकारी तुम' ति, वच्छाए मे कहियं।" नाणगब्भेण चित्तियं-- "पुव्ववुग्गाहिओ एस, न सक्किन्जइ पग्णवे ? मोणमेव संगवं" ति, चितिऊण मोणमासिओ। सविसेस-संजाय-संकेण भणिओ पुणो वि राइणा-"संपमं भोणं कयं ?" नाणगभेणं भणियं--"कि बहुणा ! पिच्चक्ख-सयल-लोयववहारो भयवं विण्हू वि याणइ।" राइमा भणियं-'न उणे वच्छी रइसुंदरी? ता एस ते दंडो-“वेसं वा मुयाहि मह देसं वा?" किं कायव्व-विमूढो चिंतिउमाढत्तो नाणगब्भो-कहमेयाए ममोवरि असाहारण-भत्ती आसि? कहं वा एवं असंत-दोसारोयणं? अहबा विचित्ताणि चेव अविवेय-बहुलाणं महिलाणं हिययाणि भवंति। इस्थियाहि नाम विसहरगइ व्य कुडिल-हियया परछिद्द-गवेसिया य, किंपाम-फलं व मुह-महुरा परिणई, मारणंतिया य, सरिय व्व नी[या]णुसारिणी उभयपक्ख-खयकारिगा य, विज्जुलब व्वं खदिट्ठ-नट्ठा सरीर-संताव-दायगा य, दीक्य-सिह व्व सिणेहहाणिकारिणी मालिण्ण-निबंधणा य, किं बहुणा? 'अकंदरा वग्धी, अभोयणा विसूइया, सउस्सासं मरणं, अरज्जुयं बंधणं, निप्पंक मलिणं, अग्गि-रहिओ दाहो, मुत्तिमता आवया, वाही चलतिया, नरयनगर-पासाय-सिहरमारुहताण समा सोयाण पंतिया।' एवं चिंतयंतो भणिओ राइणा-"कि मंतीकयं ?" नाणगब्भेण भणियं-- "देसं मुयामि न उण वेसं ।” राइणा भणियं"जं ते रोयइ ।" कंओ निव्विसी । वित्थरिओ एस वइअरो सम्मि पुरवरे—'जहा लोगो एयं पयंपइ तहा परंपरिओ समुव्वहइ, 'रइसुंदरीए ! बद्धं अलियऽभक्खाण-दाण-पच्चयं तिव्वमसुहकम्मं । अण्णया अट्टज्झाणेणं मरिऊण समुप्पण्णा विंझाडवीए सियाली । समुप्पण्णो दारुणो मुहरोगो । सडइ खंड-खंडेहिं जीहा, पणट्ठा भोयणरुई, पडइ पइदिणं सरीरबलं, सीयंति सयलअंगाणि, पवट्टइ अरई, पणट्ठा चंकमण-सत्ती, तण्हा-छुहाकिलता तिव्ववेयणाभिभूया मरिऊण समुप्पण्णा अयाए कुच्छिंसि अयत्ताए । तत्थवि मुह-रोगेण मरिऊण समुप्पण्णा तम्मि चेव मयरे अणंगसेणाए विलासिनीए कच्छिंसि दारियत्ताए । उचियसमए पइटावियं नामं अणंगसुंदरी। महम क्यसेष पालिज्जमाणी, पचारमत्थाहरणाईहिं लाशिममाणी पत्ता जोवणं । पूक्कयकम्माणभावेण अणिट्रा
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |