Page Text
________________
सम्मत्त-बीय-लंभो णाम पढमो अवसरो तत्थ य धणदेव कहाणगे सोमवसुकहा
'बीय-दिणे असाहिऊण निय परियणस्स भिण्णरहस्सं काऊंण सुन्दराभिहाणं निय-पुरिसं गया दो वि पंचसिहरं पव्वयं । astri बलिविहाणं संपूइओ जक्खो, पंविट्ठो सोमवसू, रस-वियं लंबावियं मए तीरट्ठिएण तुंबयं भरिऊण रसस्स, खेमेण उत्तिष्णो । समागया साणं ।
तओ पणमिऊण सोमवसु-पय-कमलं समप्पिऊण तस्सेव रस-तुंबयं, गओ हं नियसत्थं । कयपाण - भोयणो, निमदंसण-समासासिय-सयल - परियणो, पुणोवि सोमवसुसमी मागओ । आणियं तव्वयणेण सयमेगं लोह - कुसीयाणं, कथा सुवण्णसिद्धी | खंडाखंडी कुसीए काऊण भरिया एगा अवल्ला । एवं पइदिणं कुणंतेहिं पूरियाओ पण्णासं सुवण-कोडीओ ।
तओ भणिओहं सोमवसुणा - "सत्थवाहपुत्त ! जइवि तुह वियोगकायरं मह हिययं, तहवि सिद्ध-समीहियस्स न संगयं इह ते चिरावत्थाणं । गंतूण निव्ववेहि नियदसणामएण जणणि जणयाण माणसं, धण्णो चेव संभावना समहियसाहियपओयणो लज्जोण्णयउत्तिमंगो हरिसंसु-भरिय- लोयणेहिं जणणि जणएहि परिरंभिज्जइ । " "जं भयवं आणवेइ' त्ति भणिऊण कया सामग्गी । दिण्णाओ गमणसमए मह सोमवसुणा थंभणिमाइयाओ विज्जाओ । तओ पणमिऊण सोमवसुचलण-जुयलयं, कयमंगलोवयारो, पयट्टो निय- देशाभिमुहं, कमेण बच्चतो स[त्थो] पविट्ठो सुव्वंत-भूरि-सद्दल सद्दा, वानर-विमुक्क- वोक्करभीसणाए, करि- कुविय - मइंद-दिण्ण-पुच्छ्प्पहार-कंपंतधरणीतलाए, घूयड - [ घो]क्कार-पडिसदृ-भरियगिरि-कंदरोदराए, संचरंत-गंडय गवय-महिस- रिछ-सरह - सम-संकुला [ ए ] पविरल-दीसंत जलासयाए, महाभेरवाभिहाणाए महावीए ।
२३
एत्थंतरे विगलिओ वासरो । पवाइओ पडिकूलमारुओ । अत्थमणसमए रवि-बिम्बस्सा हे ठिओ वासिओ तित्तिरो, fort पंथो सत्थस्स किव्हा हिणा । संकिय- हियएण चितियं मए - 'महई अवसउणपरंपरा, न नज्जइ कज्ज परि [ण]ई, कालण्णुणा भवियव्वं पुरिसेण' एवं संपहारिऊण कइवयपुरिस सहिएण एगंते निक्खियं रस- तुंबयं । समागओ सत्थे, कारावियं उष्पाणयं भुत्तं संखेवेण सत्यसुहडेहि, पइवइया-वयमिव अणुपालयंती दिणवइमनुगया संझा, कयावराह- कुलवहू-मुहाणीव भूयाणि दिसामहाणि, एयावसरे सहसागया मह सभीवे गुणवई, पुच्छिया मए समागमणकारणं । तीए भणियं - " अज्जउत्त ! फुरियं मे दाहिणलोयणेण न नज्जइ कहमेस महाडई नित्थरियव्वा अप्पमत्तेण होयव्वं नियसरीरे अज्जउत्तेण ।" मए भणिय - " भीरु मा भयाहि, सव्वं सोहणं भविस्सर" त्ति, जाव संठवेमि गुणवई तावुग्गओ निसायरो । निसायर व्व वणंतरे दिट्ठा दोणि पुरिसा । 'हेरय' त्ति काऊण सविसेसं संकिया सत्थ-सुहडा, खुहिओ सत्थलोगो, 'पंचपरमेट्ठि 'सरण - मुवगया सावया, 'धम्मु-संधु-बुद्ध-सरणं' पडिवण्णा भिक्खूवासया, 'सिवं सिवं' झायंति महेसरा, निय-नियदेवोवाइय aas - मुहा जाया सत्यनारीगणा, सत्यसंभमं दट्ठूण समाहूया मए नियपुरिसा । सम्माणिया वत्थाहरणाइहिं भणिया य “भो ! एस कसवट्टओ पुरिसत्तणस्स ।" जओ-
for-fare सुबहवे, सूरा सोहग्गवंतथा चेव । वहवे भमति वंका सुकवित्तण- उत्तुणा पुरिसा ।। १५६।। बहुवणि तरुणीण सो जए सुहओ । सुहडाण मणे सुहडो कई वि जो कइ-नरिदाण || १५७।।
"तो अवलंबिण साहसं आवज्जेह जयसिरिं जणेह पडिवक्ख-भड - चित्त चमक्कारं ।" वयणाणंतरमेव रणरसरोमंचिय-सरीरा सणद्धा सत्थ-सुहडा । जल- निहिजलं व सम्मुहमागच्छंतं रुद्धं सत्थ- सुहडेहि काल सेणपल्लीवइबलं । तओ-
मिलत-पउर- नाहलं, वज्जत -सत्थ काहलं । सुव्वंत सिंग-सद्दयं हिसंत-तुरय-थट्टयं ॥ छिज्जत आसतुंडयं निवडत - सुहड - मुंडयं । नासंसंत-कायरं जुज्झत सुहड-साथरं ॥ जय कालदिण्णालयं रोयति सत्थवालयं । सत्थ- सुहड - नाहलाणं पथट्टपरोप्परमा उहणं ।। १५८।।
तओ जुज्झतेसु अभंगुरेसु दोसु वि बलेसु परिगलंतेसु रयणिनक्खत्तेसु, संसयतुलमारूढाए [ध]णपाणलच्छीए रोसारुण-लोयणेण कुवियकयंत भिउडी -भासुरं वयणमुव्वहतेण गहियं [ सहत्थे ] कोदंडं कालसेण-पल्लीवइणा, पीडिया
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |