Page Text
________________
मणोरमा कहा
दो वि पासेसु सर भरिय भत्थया । पढम-जलहरो व्व निरंतर-सर-सलिल-धाराहि वरिसिउमाढत्तो भिल्लाहिवो । हयमहियछत्त-चिधसरासणा पलाइउमारद्धा सत्थसुहडा । उट्ठओ भिल्लाहिव-बले जयजयारवो । वानरेहिं बुक्कारियं । नाहि पडिसह-भरियगिरि-कंदराई वाइयाई सिंगयाई । संप[त्त]विजयं विगयभयं [भ]रं काऊण सत्थं पइ पसरियं सबरबलं । इओ तओ य [नट्ठो] सत्थजणो ।
२४
ओ गहियासखेडएण कइवयपुरिस-सहिएण जलनिहिजलं व मज्जायाए रुद्धं मए नाहल बलं । सब्भावसारं जुज्झिया मह पुरिसा खणमेत्तेण चेव सुमरणसेसा जाया 'न अण्णो उवाओ' त्ति, सोमवसुदिण्णथंभिणिविज्जाणुसरण थंभियं मए नाहल-बलं, जीव-गहिओ कालसेणो, उत्थंभिऊण नीओ सत्थमज्झे, सम्माणिओ पवर-वत्थाईहिं, पणट्ट-सत्यजणमेलणत्थं वाइया काहला । सोऊण तीए सहं गिरिकंदराइवणाहितो समागओ सत्थजणो । संभालिज्जति निय-नियमाणुसाणि । निरूविज्जति भंडाणि । सद्वाणमाणिज्जंति संत-गोणया । खणेण जाओ सत्थावत्थो सत्थो । आवासिओ पुव्वपओगेण ।
एत्यंतरे संभममागंतूण भणिओहं सुंदराभिहाणपुरिसेण - "सत्थवाहपुत्त ! पयट्टे सत्यसंभमे न नज्जइ कुओ वि गया गुणवई ।" एयं सोऊं उट्टिओ अहं । कइवयपुरिस-परिवारिओ चलिओ गुणवइ-गवेसणत्थं । पुच्छिओ कालसेणेण "सुंदर ! का ऐसा गुणवई ?" तेण भणियं - " सत्यवाहघरिणी ।" कालसेणेण भणियं - " जइ एवं तो थिरावेहि सत्थवाह-पुतं । विष्णवेमि किंचि ।" तहेव कथं सुंदरेण । समागओ कालसेगो, चलणेसु निर्वाडिऊण विण्णत्तोहमणेण"अवाय बहुला अडवी, अदिट्ठपुव्वा य तुब्भेहि, अहं चेव नियपुरिसेहिं गवेसाविऊण तुह समप्पिस्सामि । " पडिवण्णं मए तस्स वयणं । उत्थंभियं सेसनाहल - बलं । समागयं कालसेणसमीवे । पडिवण्णो कालसेणो मह भिच्चभावं । भणिया तेण निय- पुरिसा - "अरे ! सत्त-रत्त मज्झे तहा करेह जहा सत्थवाह घरिणि लहेह ।" 'जं सामी समाणवेइ' त्ति, भणिऊण गया दिसिं नाहला । हिंडिया तेहि सयलाडवी न दिट्ठा कत्थइ गुणवई ।
तओ असाहिय-सामिपओयणा अहोमुह-वयणा सत्तमदिणावसाणे कालसेणमुवट्टिया विण्णत्तो नाहलाहिवई"सामी ! नत्थि गिरिसिहरं वा, जलं वा, समं वा, विसमं वा, दरीं वा, गिरि-कंदरा वा, जाली वा, पाली वा, जंण इमाए [अडवीए] अम्हेहि गविट्ठ, न उण कहि पि गुणवइ-पयं पि दिट्ठ ।” एवं सुणिय विद्दाण-मुह-कमलोहं चितिउं पयत्तो - 'अहो ! मे वाणिज्ज- कोसल्लं ! अहिय-लाभ - निमित्तमागयस्स मूलं पि नट्ठ ।' जावेवं चिताउरा चिट्ठामि ताव भणियं सुंदरेण -“सत्थवाहपुत्त ! तुह नामंकिय-लेह - हत्थो रयणपुराओ समागओ सुमंगलो नाम पुरिसो दुवारे चिदुइ ।” मए भणियं-"लहुं पवेसेहि।” पवेसिओ । पणामं काऊण समप्पिओ तेण मह लेहो । अवहारिओ मए तयत्थो । पुच्छिओ सुमंगलो - "कुसलं सुमहियनामधेयस्स तायस्स, निराबाह-सरीरा पुत्तवच्छला अंबा ?" सुमंगलेण भणियं - "कुसली ताओ । अंबा वि तुह वियोग-दुक्ख-दुक्खिया अणवरयमणिद्दलोयणा कुसलिगी चेव ।" मए भणियं “ अहो ! अगत्थ- परंपरा, सुमंगल ! किमाइट्ठ ताएण ?" तेण भणियं - "मासमज्झे समागतव्वं" ति, एस संदेसओ । तओ मए चितियं
गुरुण आणा, तो पुण पिथ्यमा य नट्ठा मे । तो कि करेमि ? संपइ, संकडमेयं समावडियं ।। १५९ ।। हा ! विहिवास ! निक्किव ! अवरावर वसण- दाण- दुल्ललिय ! | निक्खिण ! सच्चमिणं दुक्खियदुखावतं ।। १६०।।
एत्यंतरे विसायमावणं पेच्छिऊण ममं भणियं कालसेणेण - "सत्यवाहपुत्त ! मुंच विसा [य] न विसाएण समं संपया परिवसः । कालोचियकारी चैव पुरिसो सलहिज्जइ ता बच्चउ स [त्थ] वसिमं । तुमं पुण परि [म]य पुरिससहिओ मह पल्लि समागच्छ । तहि ठियस्स तं किंपि उवायं करिस्सामो जेण तुह पिययमाए सह संजोगो भवइ । इमं पुण लज्जापयं जं पणट्ठ - धरणीए गवेसणमकाऊणं सद्वाणं गम्मइ ।" 'उचियमेयं' ति काऊण कओ मए सत्थसामिओ सुंदरो, भणिओ य, "पंचउर - पट्टणे तुम्भेहि पडिक्खियन्वं जाव अम्हे मिलामो ।" पडिवण्णमणेण अहं पि कालसेगेण नीओ नियपल्लि । काऊण उवयारं भणिओ हं तुह घर [णि] वा लहामि, जलणं वा पविसामि ? एसा मे पइण्णा । "एवं
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |