Page Text
________________
मणोरमा कहां
२२
करेमि, to भवओ fa fraकारण-बंधुस्स परमत्यओ उवयरियं ।" "सोहणमज्जेण मंतियं" ति सम्माणिऊण वत्थाइणा विसज्जिओ । गओ सट्ठाणं सोमवसू ।
अम्हे व पइदिण - पाणएहिं वहमाणा दुम्मासमेत्तेण कालेन पत्ता सुवण्णपुरं । दिट्ठो राया । कयसम्माणा ते तत्थे [a]हरिउमाढत्ता । [विढत्ताओ] वरिसेण दो सुवण्णकोडीओ । भणिओ हं सहायपुरिसेहिं - "सत्थवाहपुत्त ! चिरकालो समागयाणं, गम्मउ संपयं सनगरं ।" मए भणियं - " गच्छसु भवंतो सुवण्णयं गहाय, नाहमप्पडिपुण्ण इण्णो नियत्तिस्सामि ।" तओ ते मोणमासिया । अहंपि विमण-दुम्मणो ओ तओ परिभ [ मं]तो गओ सुवण्णपुरसमासण्णं गंध[ट्टि ? ]नाम उज्जाणं । दिट्ठो तत्थ मज्झे स [ह]यार-तल- निविट्ठे महावइग- वेसधारी - सोमवसू । सो वि मं दट्ठूण संभमवसलुलंत - जडाकलाओ सम्मुहमुट्ठिओ अंसुजलाविल- लोयणेण भणियं सोमवसुणा -- " सहलो मे जीवलोओ जं तए सह दंसणं जायं।" परं परघर - भिक्खाभोई अकय संचओ सुयणे विघ[र] मागए कि उवयारं करेउ अम्हारिस जणो ? तहवि मए सह अज्ज भवया भोक्तव्वं, न अण्णहा मे मण निव्वुई।" पडिवण्णं मए । नीओऽहमणेण उज्जाणमज्झसंठियं चंडियाययणसमास नियमढे । कओ तवस्तिजणाणुरूवो उवयारो । समागया भोयण - वेला । निमंतिओ सोमवसू एगेण सेट्टिणा । तेण भणियं - " अज्ज मह अतिही सभागओ, ता एत्थेव कारेहि भोयग सामग्गियं जेण सहिया चेव भुंजामो ।” तहेवकयं सेट्टिणा। भुत्तो सह-जोगेण । पारद्धा परोप्परं संकहा । वोलीणो वासरो । समागया रयणी । सोमवसुणा भणियं -- 'अज्ज तए एत्थेव वसियव्वं ।' तत्थेव वुत्थोहं, पुच्छिओ सोमवसुणा -- "केवइयं कालमिह भवया चिट्ठियव्वं ?" मए भणियं -- 'विही वियाणइ ।' सविसाय- वयण-संकिय-हियएण पुच्छिओ हं सोमवसुणा " तुह समागमामयरस - पाण-सुहियंपि दुहियं मे मणो जायं 'विहिवियाणई' त्ति को एयस्स वयणस्स परमत्थो ? साहिओ निय-पइण्णा विसेसो । सोम-वसुणा भणियं—–“केवइएणं दव्वेणं पडिपुण्णो होइ ?" मए भणियं – “ अट्ठारसहिं सुवण्णकोडीहिं, इह पुण सव्वभंड - विक्कण वि दो चेव कोडीओ विद्वत्ताओ । अओ 'विही बियाणइति जंपियं ।" सोमवसुणा भणियं -- "महई ते पइण्णा कया, न ववसायमेत्तेण संपूण्णा होई ।
अत्थि य इओ नवहिं जोयणेहिं पुव्वदिसावहू-मंडणी, अणेगसिद्ध-गंधव्व-विज्जाहर-सयसेविओ, गयणग्गसिहर-सं [च]ओ, निसिसमयसमुज्जलंतोसहिवलयसमुज्जोविय-धरणिमंडलो पंचसिहरो नाम गिरिवरो । गओ हं तत्थ कयाइ कयंत कवालेण गुरुणा सद्धि । दिट्ठो समंतओ हिडिऊण सो पव्वओ । समागया भोयणवेला, समाहरियाणि मए कंद-मूल-फलाणि । गओ एवं सच्छ-सीयल-सलिलोवसोहियं गिरिनदं । कथा तत्थ पाणवित्ती । वीसमियं खणमेगं सहयारछायाए, संवाहिया मए गुरु-चलणा, विस्सामियं सरीरयं सुप्पसण्णेण भणिओ हं गुरुणा - "वच्छ सोमवसु ! घुणखइय-कट्ठ ं व जराए जज्जरियं मह सरीरं । पत्तभू[ओ] तुमं, अओ दंसेमि किंपि कोऊहलं । " मए भणिय - 'अणुग्गहो ।” तओ दंसिया गुरुणा कमलोयर - जक्खेण कयाहिट्ठाणा अणेगवण-संडमंडिय- सिहरि - सिहरंतराल - संठिया एगा रस- कूविया । साहिओ मे गुरुणा साहणकप्पो । जहा -- 'दुण्णि जणा एत्थ रसगाहगा एगो बलि विहाणं काऊण अंतो पविसइ, बीओ बाहि ट्ठिओ चेव रज्जूए बंधिऊण तुंबयं अंतो पक्खिवइ, पुव्व-पइट्ठो तं रसस्स भरेइ, पच्छा सो तत्थेव विवज्जइ । इयरो रसं गहाय गच्छइ ।' मए पुण मंत-सेवापुरस्सरं समाराहिओ कमलोदरो । छम्मासेण तुट्टो भणिओ अहमणेण"वरं वरेहि ।” मए भणियं - "एस चेव महवरो- 'जइ कहवि पओयणवसेण इमं रस- कूवियं अहं पविसेज्जा महसीसो पसीसो बा जाव सत्तमपुरिसो तए न बाबाएयव्वो ।' पडिवण्णमेयं जक्खेण न य मज्झ किं पि तहाविहं पओयणं संजायं, तुह उण जइ हवेज्जा तो एत्थ पविसिऊण साहेज्जसु " । मए भणियं -- 'महापसाओ ।' निरूविया समंतओ रस- कूविया, कयाणि साहणाणि । दिण्णाओ तत्थेव मह गुरुणा थंभणिमाइयाओ पहाण-विज्जाओ । समागया सट्टाणं । कइवयदिणावसाणे पयंडपवण - पहय-पईबो व्ब अत्थमिओ में गुरु । काऊण मय किंच्चाणि एस्थेवाहं ठिओ । अज्ज पुण अणुकूल विहिवसे तुमं दिट्ठो । विस्सरियं गुरुवियोग-दुक्खं । परं करेसु एगं तवस्सिजन - पत्थणं गम्मउ मए सह पंचसिहरपव्वयं, जेण संपज्जइ ते समीहियं । जइ न एयं करेसि तो गुरुवयण खंडण कारीणं गई पावेसि ।” सुणिय निब्बंधेण पडवणं मए तव्वयणं ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |