Page Text
________________
सम्मत-बीय-लंभो णाम पढमो अवसरो तत्थ य धणदेवकहाणगे सोमवसुकहा
२१
नच्चंतेसु पाउलेसु, आऊरिज्जमाणेसु संख-जुयलेसु, अविहव-नारिसिर-संठिएसु पुरओ पदसिज्जमाणेसु जलपुण्ण-कलसेसु, जयजयारवभरियभूवणंतरालेसु सुहमंगलाणि पढ़तेसु मागहेसु, उवएस-सयाणि दितेसु ताय-परियण-बंधुवगेसु, आसीससहस्साणि पयच्छतेसु अंबा-पमुह-नारी-निअरेसु, दितो दाणं तक्कुयाण महाविभूईए निग्गओ नयराओ। थेवंतरं गंतण पणमिया जणणि-जणया। अण्णेसि पि पणओ जहाजेद्र। ठिया ते तत्थ । अहं पि गंतूण मिलिओ सत्थस्स। समारो वेगवई-नामियाए वेसरीए, गुणवई वि सुहासणे। गम्मइ अणवरय-पयाणएहिं पुव्वाभिमुहं । एवं च कइवयदिणेहि पत्ता ताराउरं नाम नयरं। आवासिओ नयर-बाहिरियाए सत्थो। एत्थंतरे नयरारक्खिय-पुरिस-परिवेढिओ, गलावलंबिय. सरावमालो, तिण-मसि-विलित्त-गत्तो, भयसंभंत-लोयणो, तरल-तारयं सवओ निरिक्खंतो,[भू]डरासहारोविओ वज्जंतेण विरस-डिडिमेणं], तिय-चउक्क-चच्चरेसु हिंडाविऊण वज्झ-ठाणं निज्जमाणो दिट्ठो मए एगो तक्करो। सो वि दटठण महासत्थ-सन्निवेसं मरण-भय-भीओ लहिऊण अंतरं सत्थाभिमुहं पहाविओ। "हण-हण-हण' त्ति भणभागा समग्गिणखग्गा मग्गाओ समागया दंडवासिय-पूरिसा। 'सरणं सरणं' ति, जंपमाणो पत्तो सो [मे] समीवं । भणिओमए--"भट । थिरो भवाहि, नत्थि ते भयं” । रुद्धा मह पुरिसेहिं आरक्खिय-पुरिसा। पेसिओ मए नारायणो नाम बंभणो। पुच्छ्यिा तेण गंतूण “कहेह-'किमवरद्धमणेण ?' साहिओ तेहिं “जहेस चोरियं कुणतो पाविओ।"
तओ ते पुरिसे थिरिकाऊण गओहं रण्णो दंसण-निमित्तं । पडिहा[रो] निवेइओ । पविद्वो। ढोइयं पाहडं । कय-पणामो निसण्णो उचियासणे । पुच्छ्यिं राइणा-"कओ भवं ? कत्थ वा [ग]तव्वं ? कि कारणं पउर-पाहुडेण, दसणं कयं ?" मए भणियं-“देव ! रयणपुराओ सुवण्णपुरं पइ वाणिज्जेण पत्थिओ। पउर-पाहुडेण देवस्स देसणं कारणेण कयं ।" रण्णा भणियं-'केरिसं?' मए भणियं-"महाराय ! को वि पुरिसो चोरियं कूणतो नयरारक्खियपुरिसेहिं पाविओ । वज्झ-ट्ठाणं निज्जतो पलोइऊण मह सरणं पवण्णो। तस्साभय-पयाणेण पसायं कुणउ देवो।" रण्णा भणियं-"अभयं तस्स।" मए भणियं-"कयत्थोहमिमिणा।" राइणा कयसम्माणो समागओ निय-सत्थं । निवारिया रायपुरिसेहिं आरक्खिय-पुरिसा। ण्हवाविओ अप्पणा सद्धि तक्करो। नियंसाविओ वरवत्थ-जुयलं। पुच्छिओ मए"अज्ज ! कि कुलं परिगहियं भद्देण ? किं नामधेयं वा भयंतमवगच्छामि ? कहं वा कयत्थणमिमं पाविओ ?" सविसायं जंपियं तेण-- "को किल कुलस्स दोसो,को दोसो जणणि-जणथ-बंधूण।जाईए नत्थि दोसो, दोसो नणु नियथ-कम्माण।।१५५।। निय-परिमल-भरिय-दिगंतरेसु बहुलोय-पत्थणिज्जेसु। सिर-धारणिज्ज-धवलेसु,हुंति कुसुमेसु किन्न किमी।।१५६।। तो महाभाग ! निम्मल-कुल-मयंक-लंछणस्स का कुलपुच्छा अम्हारिस-जणस्स ? तह वि तुह पुच्छंतस्स कहिज्जइ ।"
आसि इहेव नयरे सयल-नेगमप्पहाणो नियगुणगणभरिय-भुवणोदरो सोमो व्व सोम-दंसणो सोमदेवो नाम सेट्री। सोमा से भारिया। ताण पुत्तो सोमवसू नाम अहं । उवरएसु जणणि-जणएसु अहिट्टियं मए घरसारं । वच्चंति वासरा, समारूढो सयलवियारागारं नव-जोव्वणं । मयविस-विहलंघलो गओ व्व निरंकुसो सव्वओ हिंडिउमारद्धो।
अण्णया उज्जाणगएण दिवा मए मगहसेणा नाम गणिया । अह पीइए पेसिया तीए पढम दिट्रिदुई पच्छा निय दासी । गओ अहं तयंतियं । कओ तीए उवयारो। रंजियं मह माणसं । नीओ निय-मंदिरं। ठिओ तत्थ जहेगदिणं तहा दस वासाणि। पइदिणं दिज्जतो खीणो घर-सारो। निद्धणो संवुत्तो मगहसेणा वि पुव्वपओगेण चेव पत्थेइ दविण-जायं । अहं पि अज्जं देमि पभाए देमि, ति दिण्ण-वयण-धणो ठिओ कइवि दिणाणि । अज्ज पूण रयणीए अवगण्णीऊण नियकुलं, अवलंबिऊण नीय-जण चेट्रियं खत्त-खणण निमित्तं पत्तो धणसार-सेटि-मंदिरं। सच्चवियदिसा मंडलो खत्तं खणंतो दिट्टो नयरारक्खिएहिं, कयत्थिऊण दढं निवेइओ राइणो । तेण वि वज्झो आणत्तो, वज्झ-ट्राणं निज्जंतो कहवि पलाइऊण तुह सरणं पवण्णो।" मए भणियं-"धण्णो तुम जो एवं निय-चरिय दुमिओ पच्छायावमुव्वहसि । अलमुव्वेएण? तुह साहारणा एसा मह-लच्छी।" तेण भणियं--"अलं लच्छीए, परलोग-हियं किंपि
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |