Page Text
________________
२०
मणोरमा-कहा
उवयारेहिं परो च्चिय घेप्पइ अग्घंति ते तहिं चेव । इयरम्मि कीरमाणा नेहाभावं पयासंति ।।१४६॥"
चित्तन्नुयाए भणियं-"महाभाग ! जइवि एवं तहावि पडिच्छसु एयं, न अण्णहा इमीए वि चित्तनिव्वुइ होइ।" कओ तीए संभमाणुरूढो उवयारो। पारद्धा परोप्परं सिनेहसारा संकहा। अवसरं लहिऊण भणिओ चित्तन्नुयाए अहं-"असाहारणो तुज्झोवरि सिणेहाणुबंधो, ठाणंतरे य दिण्णा जणणीए एसा। न नज्ज गंधव-वीवाहेण एत्थेव परिणिज्जउ एसा, गम्मउ देसंतरं।" मए भणियं-"चित्तन्नए ! महंत कुलकलंककारणमेयं । अओ गम्मउ नियभवगं । साहिज्जउ इमीए जणणि-जणयाण वइयरमेयं । जइ विसिट्रसमायारेण संपज्जइ पाणिग्गहणं तो सुंदरं। पयारंतरेण पुण पच्छावि सुलहं चेव सोहणमिणं" ति गहिऊण गुणवई पभायसमये गया चित्तन्नुया सभवणे। साहिओ जणणि-जणयाण सवित्थरो गुणवइवइयरो। तेहिं वि 'नण्णो जीवगोवाओ' ति, कलिऊण मज्झेव दिण्णा। साहियं तेहिं तायस्स । पडिवणं ताएण। कयं सोहण-दिणे वरणयं । कमेण पत्तो विवाहवासरो। परिणीया महाविभूईए गुणवई।
तओ अदिट्ठवियोगं, पणट्ठसोगं, संपज्जंतसयलभोगोवभोग, सयलिदियाणंदकारयं सिगेहसारं, विसय-सुहमणुभवंताण वच्चंति वासरा।
अण्णया कयाइ नगराओ निग्गच्छंतो मागहजणाण अणकलवयणाहिं थव्वंतो जहारिहं मित्त-वग्गस्स दा विभजतो दिट्ठोहं नागदेवसेट्ठिसुयाए नागसिरीए पसंसिओ तीए- "अहो ! सुलद्धमणुय-जम्मो, धण्णो एसो जो एवं विलसइ ।" एयं सोऊणं जंपियं नागसिरि-सहिए गुणसिरिए"कि एसोसलहिज्जइ पिथसहि! को एत्थ विम्हओ तुज्झाजणयविढत्तो अत्थो विलसिज्जइ दुक्करं किमिह ।१४७।
सो पुरिसो सलहिज्जइ, तस्स जसो भरइ सयलभुवणयलं । जो नियभुथदंडेणं विढविउं विलसए लच्छि । १४८। सोहइ विलसिज्जती,दिज्जती वि हु विराथए धणियोनियभुयबलेण पियसहि! समज्जिया जा भवे लच्छी ।१४९। ता लज्जापयमयं परमं माणुण्णयाण पुरिसाण । जं जणय-सिरी जणणि व्व [भुज्जए] सयलजणपथडं ।१५०।"
तओ एवंविहवयण-जणिय-माणभंगो विमण-दुम्मणो तक्खणा नियत्तोहं नियभवणाभिमुहं। पणमिओ ताओ। विन्नत्तो सविणयं-"किपि पत्थेमो न तारण पत्थणा-भंगो कायव्वो"। 'एवं' ति, पडिवण्णो ताएण। भणियं मए-- "ताय ! अत्थोवज्जणानिमित्तं विसज्जेसु में देसंतरं। जाव मए वीसं सुवण्ण-कोडीओ न विढत्ताओ न ताव घरं पविसियव्वं।" एयं सोऊण मक्कं नयणेहिं सलिलं ताएण। अंबा वि निसेहं कुणमाणी समागया मह समीवं । तहवि मए न पडिवणं । तओ नाऊण .मह निच्छयं जंपियं ताएण-"दीहाणि देसतरापि लोय-संववहारो य।" मए भणियं-"लोयववहारकुसलत्तणं पि एवं चेव भवइ, पुरिसयारो वि एव निमित्तं देसंतरे। [गुणवइ ! ]तए पुण जणणि-जणयाण सास सुसराणं च सुस्सूसणं कुणमाणीए ठाइयव्वं ।" एवं सुणिय बाहजल-भरियलोयणाए जपियं गुणवईए-- "ताएण मह न कज्जं न य जणणीए न था वि सथणेहिं । सासुय-ससुरेहिं पि हु पओषणं नत्थि मह कि पि ।१५१ । जत्थ तुमं तत्थाहं, कि बहुणा एत्थ संसओ नत्थि । तुह विरहे पुण पिथयम ! निथमा पाणे परिहरामि ।।१५२।। अह भणसि तुमं सुहिया विदेस-गमणाणि विस[म]रगाणि । तत्थवि न मज्झ दुक्खं, तए समं संचरंतीए।१५३।। रण्णं पि हु वसिमसमं गिरि वि नगरं परो वि बंधुवणो। परदेसो वि स देसो]पिथथम! तं जत्थ दीसिहसि।१५४।"
मुणिय तयभिप्पाएण मया वि भणियं-"पिए ! जहाजत्तं करिस्सामिन तए संतप्पियव्वं" ति, समासासिया एसा। समागओ गमणवासरो।
तओ कयण्हाणविलेवणो, विविमंगलोवयारो, निवडिओहं जणणि-जणयाण-चलणेसु, भणिओ अंबाए"वच्छ ! गुणवई वितए सह समागमिस्सइ।" "ज अंबा आणवेई" ति भणिऊण पढ़तेसु माहणेसु, गायंतेसु गायणेसु,
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |