Page Text
________________
१८
मणोरमा-कही
बाणो संवत्तो; तह वि तुमं चेव मह सरणं; अओ जं जुत्तं करेज्जसु त्ति" भणंतो गहिऊण मत्थयाओ सहयार-मंजरि सवयंसो निग्गओ। समागओ नयर-दुवारं । विसज्जिया वयंसया गया निय-निय-भवणेसु। अहमवि सुहंकर-साहिओ गंतुण नियमंदिरे नुवण्णो वियणदेसावट्टियमंचए। पत्ता भोयणवेला। कया ताएण मह गवेसगा। न दिट्ठो। तओ पूच्छिओ सुभंकरो-“अरे! तुम सयासन्निहिओ, वच्छ-धणदेवस्स ता कहिं सो संपयं चिइ?" तेण वि साहिओ सव्वो वि कपणा-दसणाणुरायपमहो वइयरो। तं सोउं सुभंकरेण समं समागओ ताओ। दिदो परिमिलाण-सयल-सरीरावयवो दीहण्हाणि-नीससंतो अहियं । करे घेत्तूण भणिओ-"पुत्त ! तहा करिस्सं जहा सिज्झइ वच्छस्स समीहियं। उ8 सु कूणसू ण्हाण-भोयणाइयं ।" उट्रिओहं संपाडियं ताय-वयणं । बीयदिणे सुभंकराओ जाणियं मए जहा को ताएण मह समीहिय-साहणत्थं पयत्तो. परं निष्फलो जाओ।
तओ विगलिओ मे आसा-बंधो। समप्पन्नो सरीर-संतावो, वियंभिया अरई, विगलिया भोयण-रुई। एयावत्थं ममं दठ्ठण जंपियमंबाए--"वच्छ ! मा तुममधिई करेसु। पहाणयरमण्णं कण्णयं तुह निमित्तं वरिस्सामो।" एयं सोऊण संतत्त-घय-पडिय-जल-बिंदु-संदोहेण बहुगुणयरं समुद्दीविओ मह सरीरे संतावानलो ।
तओ वारिया ताएण अंबा, अलमिमाए संकहाए। पुणो वि तहा जइस्सामि जहा सुही होइ वच्छो। एवमलियसंधारणाए ममं धीरविऊण गओ ताओ। अहंपि कत्थवि रइं अलहमाणो वोलीणाए पढमपहराए रयणीए, निद्दाभरनिब्भरं पसुत्ते परियणे, पविरल-संचारासु नयर-रत्थासु, "अरे ! को एस गच्छइ-को एस गच्छइ" त्ति, पए-पए पयंपमाणेसु थाणंतरेसु निहुय-पयसंचारो करे काऊण असिधेणुयं तमेव उज्जाणं पत्थिओ। पत्तो य पूइऊण कामदेवपडिमं तत्थेव एगकोणे नुवष्णो जाव चिट्ठामि ताव निसुओ मए मंद-मंदो पय-संचारो। चितिउं पवत्तो-“किमेस तिरिओ? किं वा तक्करो? उयाहु मह समाण-दुक्खो चेव को वि वराओ?" एवं चिताउरो जाव चिट्ठामि ताव दुवार-देसे होऊण बहुदुक्ख-पब्भार-संरुद्ध-कंठेण खलंत-वयणं जंपियं केणावि-'भयवं रइवल्लह ! पुणो दुल्लह-दसणअम्हारिसजणस्स ! जइ वि इह भवे अवहीरिया हं तए तहवि जम्मतरे तहा करेज्जसु जहा नेवंविहदुक्खाण भायणं भवामि' त्ति, भणिऊण मुक्का कुसुमंजली, निवडिया विसमसर-चरणेसु ! ।
तओ मए चिंतियं-हंत !. इत्थिया सद्दो वि य लक्खीयइ ? कोमल-वयण-सूयगो खलंत-वयणत्तणओ सदुक्खो य अहवा किमिह परचिंताए अप्पा वि पाणसंसयमारूढो वट्टइ।' एवं चिंतयंतो जाव चिट्ठामि ताव निसुओ मए हाहारवसद्दगब्भिणो पलावसद्दो। . ..
... तओ संजाय-करुणा-परिणामो गहिया असिधेणूओ निग्गओ रइवल्लह-मंदिराओ। तुरिय-तुरियं सद्दाणुसारेण गओ थेवं भूमिभाग। ..
तओ "भयवंतो लोगपाला परित्तायह। परित्तायह। भयवईओ वणदेवयाओ! पसायं काऊण करेह रक्खं, इमाए असमिक्खियकारिगाए कन्नाए कुलसंतिकारिणि कुलदेवए सया सायरेण पूइया तुम सेट्टिणा सया संनिज्झा होज्ज संपयं। हा! ह्याम्हि मंदभाइणी" एवं बहप्पयारं विलवमाणा दिदा एगा इत्थिया। समासण्णी] होऊण भणिया मए-- "सुंदरि ! कत्तो ते भयं ? किं निमित्तं वा सदुक्खं रोइज्जइ?" तीए भणियं-"महाभाग ! एहि ताव वियरसु पाणभिक्खं कुविय-कयंत-समवलोइयाए पाण-संसयमारूढाए कण्णयाए। पच्छा सव्वं साहिस्सामि ।" मए भणियं-- "सुंदरि ! कत्थ सा कण्णगा?" "इओ समागच्छउ भवं" ति भणमाणी पुरओ पत्थिया सा, अहं पि तीए पिटुओ। ताव गयाणि जाव एगा सरसी। दिट्ठा तत्थ असोगपायव-साहाए लंबमाणी उत्तरियवास-पास-निबद्ध-कंधरा मनुयलोगासंभावणिज्जलायण्ण-रूव-सोहग्गाइगुणगणाहरण-विहुसिया सुरसुंदरि व्व उडढं वेहायसमप्पइउ-कामा ईसिसासमागमाणमिणिज्जमाणजीविया का वि कण्णया । गओहं तीए समीवं विज्जविखित्तकरण गहिया असोगसाहा, अवणामिऊण अहोमही छिण्णो छुरियाए पासओ। साहारिऊण चित्तन्नयाए मक्का धरणीयले निरुद्ध-सर्यालदिय-वावारा, चित्तलिहिय व ठिया खणंतरं । संखुद्धा सविसेसं चित्तण्णुया, समासण्णसरसीओ आणियं मए नलिणीपत्त-पुडएण पाणियं, सित्ता सव्वंगे सुसलिलेण,
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |