Page Text
________________
सम्मत्त-बीय-लंभो णाम पढमो अवसरो तत्थ य धणदेवकहाणयं
१७
परवसण-हरिसियमणा मुहमहुरा पिट्ठओ भसणसीला । बहवे उवहासपरा, कलिकाले दुज्जणपहाणा ।।१३८।। ता कह कहमि अइदुक्खिओ वि निथ-दुक्ख कारणं कुमर! जीवेण कयं वेयओ जीवो च्चिय संपयं पथय।।१३९॥"
कुमारेण भणियं--"महाभाग ! अम्हाण मज्झे ता कोइ सज्जणो वि हावे]ज्ज ता कहेसु नियदुक्खकारणं । वणियजुवाणएण भणियं-जइ एवं ता सुणउ कुमारो।
अत्थि इहेव नयरे धणाहिवो ब्व अपरिमिय-धणाहिवई धणसारो नाम सेठी । धणवई से भारिया। ताणं च मज्झिमवए वट्टमाणाणं बहूहि उवाइय-सएहिं अहमेगो पुत्तो जाओ । उचिय-समए पइट्टावियं 'धणदेवो' त्ति, नाम । जाओ अट्ठवारिसिओ। समप्पिओ लेहायरियस्स । जाओ सयल-कला-वियक्खणो। अण्णया सिणेहसारं भणिओहं ताएण'वच्छ ! पुवकय-सुकयाणुभावेण तुममेत्य समुप्पण्णो। संति मह घरे सत्तदविणकोडीओ। विलसेहि जहिच्छाए, नत्थि ते निवारणा।'
तओहं पहाणवत्थ-निवसगो, वराहरण-विभूसणो, पहाण-पण्ण-बीडयाऽसुण्णवाम-हत्थो, सार-सिय-कुसुम-विसरविरइय-सिर-सेहरो, कप्पूर-पूर-परिमलुब्भड-सारसिरि]खंडविहिय-विलेवणो, मित्तसंघसंपरिवुडो, आरामु[ज्जा]णकाणणपहाण-ठाणेसु तायसिरिं विलसिउमारद्धो । अण्णया समागए वसंतमासे मयरंद-सुंदरुज्जाण-पइट्ठिय-मयरद्धय-मंदिरे पयट्टे महामाह]सवे पहाणपूओवगरण-भरिय-पडलय-छज्जियाहत्थे नीहरते समंतओ नगर-नारीजणे कोऊहल-हय-हियओ नियवयंस-परिवारिओ अहं पि उज्जाणाभिमुहो पत्थिओ । दिट्ठा य मए कइवयसहियण-संपरिवुडा कसिण-सिणिद्ध-केसपास-निबद्ध-सरस-सुगंध-कुसुम-संचया, अट्ठमीनिसायर-सरिस-भालयल-विणिम्मिय-मिगनाहि-तिलया, नीलुप्पल-दललोयणा, पिक्क-बिबाहरोट्ठी, मुह-विणिस्सरंत-सुरहि-सास-गंध-लुद्ध-समावडंत-भमर-निवारण-वावड-दाहिणकरा, पंचवण्ण-रेहा-रेहिर-ति[सरिय]-समालंकिय-सिरसेहरा, वाम-हत्थेगय-सरस-सहयार-मंजरि वहमाणी, सार-सीयल-नितुलामलहारावलीविराइय-वच्छत्थला, कुंभि-कुंभ-विब्भमथण-जुयलमुव्वहंती, मुट्टिगेज्झ-मज्झं रंभा-थंभ-समाणमूरु-जुयलं धरमाणी, करिसम-जंघा-जुयल-जणिय-जण-विम्हया, कुम्मुन्नय-चारु-चलणा, आयंब-नह-मणि-किरण-संवलिय-रवि-करकराल-पयास-पयडिय-चरणंगुलि-विभागा, सच्छ-सिरिखंड-कय-सरीर-विलेवणा, पहाणपट्टणग्गय-चारु-चीणंसूयनियंसणा, पढमजोव्वणे वट्टमाणा कामदेव-पडिमं पूइऊण पडिनियत्ता एगा कण्णगा। अहमवि तीए।
तओ तं उत्तट्ठ-मिग-साव-लोयणं अणिमिसाए दिट्ठीए निज्झायंतो ताव ठिओ जाव समइक्कंता महई वेला। मुणियमणोगएहि एत्थंतरे भणिओ हं नियवयंसएहि-"वयंस धणदेव ! एसा अज्ज वि कण्णया एत्थेव निवासिणी साणुरागा य तुमम्मि लक्खीयइ । अओ संपज्जिस्सइ भवओ समीहियं । संपयं गम्मउ । न सोहणमेत्थ चिरकालावत्थाणं" ति, सोऊण ताण वयणं दुब्बल-गोणि व्व कद्दमखुत्ता उद्धरिया कह वि मए दिट्ठी मुह-पंकयाओ तीसे। तत्तो खलंतचलणो वि तं पइ वलंतादिट्ठीओ । मयणसरसल्लियंगो, उज्जाणाभिमुहमुच्चलिओ ।।१४०।। दोसु पहेसु न गम्मइ समयं एयपि अण्णहा जायं । तं [ज] पुरओ मह काओ पच्छाहुत्तं मणो वलियं ।।१४१।। सा विहु मं पेच्छंती, पुणो पुणो तरलतार-नयणाहि । सुण्णम[णा] संपत्ता, नियभवणं सहियण-समेथा ।।१४२।। रण्णे सा वसिमे सा पंथे सा जत्थ तत्थ सा सत्ति । अहयं पि मण्णमाणो तम्मयमिव तिहुयणं सथलं ।।१४३।। उज्जाणे संपत्तो मित्ता]णुरोहण कायमत्तेण । दीहं नीससिऊणं, सहकारतलम्मि उवविठ्ठो ।।१४४।।
___ सुहंकराभिहाणदासचेडेण समाणीयं नलिणीदल-पुडएण पाणीयं, कयं चलणासोयणं, सीयलसलिलण सित्तं मह सरीरयं, पवीइओ वत्थंचलेण, संवाहियाणि अंगोवंगाणि, दीहुण्हनीसास-पिसुणियपउरदुक्खेण मित्ताणुरोहेण समवलोइया उज्जाणसिरी। तओ पविट्ठो कामदेवमंदिरं । दिट्ठो नयर-नारीहिं पवर-पुप्फ-मालाहिं पूइओ वामपास-पइट्ठिय-रइ-सिरोहराविणिवेसियकरो, अणवरय-डझंत-कालागरु-कप्पू
णवरय-डझंत-कालागरु-कप्पूर-पूर-समुच्छलिय-बहल-धूमधयारियगब्भहरो, हरेणा वि अप्पडिहयसासणो भगवं मयरकेयणो । पूइऊण कयपणामेण विण्णत्तो मए-“भयवं! पंचबाणो वि तुमं, अम्हारिसजणस्स सहस्स
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |