Page Text
________________
मणोरमा - कहा
तओ अंकाअंक संचारिज्जमाणस्स, सिणेहभरनिब्भरं बहुजणेण अणवरयमवयासिज्जमाणस्स, अम्म-धाइप्पमुहपरियणाण वारंवारं परिचुंबिज्जमाण - मुहकमलस्स, पंचवण्ण-मणि-कुट्टिमतलम्मि परिगिज्झमाणस्स, निवाय निप्पकंपगिरिकंदर-समल्लीणा सोगवार- पायवस्सेव सुहं-सुहेण पवड्ढमाणस्स वोलीगाणि अट्ठवरिसाणि । पत्थ-तिहिकरण-मुहुत्तनक्खत्त-वासरे समप्पिओ लेहायरियस्स । कमेण वढतो जाओ बावत्तरिकला - वियक्खणो । पसत्यवासरे समं हारएण आणिओ रायमंदिरं कुमारो । दाऊण परिओसदाणं विसज्जिओ राइणा उवज्झाओ । कुमारो वि पवड्ढमाणो पत्तो तरुणीयण-मोहणं जोव्वणं ।
१६
तओ चिंताणंतर संपज्जंत-सयल - समीहियस्स, नरभव-सलाहणिज्ज - सुह - संदोह - लालियस्स, निरुवम-रूव-सोहग्गाइगुणगण - सालियस, पंचविह-विस्य सोक्खमणुहवंतस्स कुमारस्स ।
वासारत्तन रेसररज्जं, घणमलिण उष्णइपहाणं । अबणितो सुयणमणं व, निम्मलो आगओ सरओ ।। १२३ ।। वियसिय- सिय- कमलायर - निम्मल- वियसंत-कास- कुसुमेहिं । दठ्ठे सरय समिद्धि, हसियं हरिसेण व वर्णोहि । १२४ | कालु सवज्जियाई, परिणाम -सुहाई सुप्पसण्णाई। सज्जन-हियय-सरिच्छाई, जम्मि सोहंति सलिलाई । १२५ । वायवसागय-वर-गंध- सालिगंधेण मोहिया धणीयं । सणियं गच्छति पहेसु, जत्थ पंथा समत्था वि ।। १२६ ।। सरमिसाल - गोवा महुरगीएण मोहिया हरिणी । न चरंति तिणं न पियंति पाणियं चित्त लिहियं व्व । १२७ । सुविसुद्ध उभय-पक्खेहि, महुर- भणिएहिं पवरचरिएहिं । सुयणेहिं व हंसेहि, विभूसिया सरवरुच्छंगा ।। १२८ ।। घण-कसिण- मेह-मुक्को, सिय- जोन्हाए य भरियभुवणयलो । आनंदितो सथलं पि महियलं उग्ग [ओ] चंदो ।। १२९ ।। जत्थ य पामरतरुणीहिं, सरस - समताल - पहय-हत्याहिं । गामरत्थासु गिज्जइ, रासो अइ-महुर-सद्दाहि ।। १३० । इथ एरिसम्मि सरए संपत्ते सयल - जंतुसुह - करए । कुमरो उज्जाणसिरिं, दट्टु चलिओ सपरिवारो ।। १३१ ॥ धवल - गइंदारूढो, धवल - जसो धवल-ऊसिय-छत्तो | धवलाहिं चामराहिं पवाइओ धवल-वरवेसो ।। १३२ ।। जय-जयसद्दाऽपूरियदियंतरो मागहेहि थुव्वतो । पत्तो परमानंद मयरंदं नाम उज्जाणं ।। १३३ ।।
उत्तिणो मत्तवारणाओ, पवत्तो विचित्त केलीहि कीलिउं कमेण उज्जाणसिरि समणुहवंतो पत्तो सच्छ-सीयलजल-तरंग-रंगत-हंस- कारंड - चक्कवाय मिहुणोव [सो] हियं, सयवत्त-सहस्वत्त- नीलुप्पल - कल्हार- केरव कुमुय-नलिणि-सोगंधिय-गंध-लुद्ध-त-भ्रमर-नियर संगीय-माणगुणगणं, पवग-पकंपिर-पउम-संड- पडत-मयरंद-संदोह - पिंजरिज्जमाण-सलिलं । एवं सरसियं अवइण्णो कुमारो सवयंसो मज्जिओ जहिच्छाए ।
तओ उत्तरिऊण जाव नेवत्थं गिण्हइ ताव निसुयं सरसी समासण्ण-लया- मंडव - संठिएण केणावि दुक्ख-सूयगं गाहा-जुयलं पढिज्जमाणं— सारस ! घण्णोसि तुमं, जोऽणुगओ पिययमपयंतं । ण पत्तो विओगजणियं, अहमिव तो दुक्खदंदोलीं । १३४ | हा ! कत्थगया गुणवई, न याणिमो केण वा तुमं हरिया ? । किं सुहिया ? अह दुहिया ? कह चिट्ठसि ? कहसु पसिऊण ।। १३५।।
एयं सोऊण गओ कुमारो तमुद्देसं । दिट्ठीय लया मंडव - मज्झ विरइय- नलिनीदल-सत्थर - निसण्णो अणवरयमुक्क-घोरंसु-संसित्त-धरणी-तलो एक्को वणिय-जुयाणओ । पुच्छिओ कुमारेण - " भद्द! कि निमित्तं सदुक्खमिमं गाहाजुयल पढियं ? केण वा कारणेण निरुद्ध सद्दं अंसु-जल- भरिय- लोयगं रोइज्जइ ? कहेसु जइ अकहणीयं न होइ ।" तेण भणियं
हिसुन दुहिओ, जो न वि दुक्खस्स निग्गहसमत्थो। कह तम्मि पसाहिज्जइ, दुक्खं अइ दुक्खिए हिं पि । १३६ । ते विरला सप्पुरिसा, जे परदुक्खेण दुक्खिया हुंति । परवसणं दट्ठणं, विरला मोणं पि कुव्वंति ।। १३७।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |