Page Text
________________
१.४
मणोरमा - कहा
जं पुण जीहा गयं पुच्छसि ? तं पि निसामेहि । एसा घराई सव्वत्थ अखंडियप्पसरा नव-नव पिसियांस [ण] उसिणोसिणसोणिय-पाण-लालसा भवतं पुरओ उवट्टियं दट्ठूण एवं निग्गमपवेसे करेइ ।" रण्णा भणियं - " जइ एवं तो साहीणमिमीए ।. मह मंस-सोणियं ‘अम्हारिसनिग्गुण-जणे वि एवमवधरंतेण कओ भयवया पडिपुण्णापरो" त्ति, भणमाणेण समप्पिया निय कत्तिया वेलेण । इसि हसिऊण भणियं राइणा - "महाभाग ! दिव्व-माउहमिणं तुहकरावट्टियं चैव चिट्ठेउ । भवओ पओयणं पुण इमा चेव सया सन्निहिया मह किवाणी करिस्सइ" त्ति, जंपमाणेण कड्ढिया असि धेणुयाल छिण्णं वामोरुणो पिसिय- सगल मेगं दिनं वेआलस्स । परितुट्ठो सो वन्नणापुरस्सरं सिरं धूणयंतो खाइउं पयतो । एवमनवरयं खंडप्पाणेण छिण्णो सव्वो वि वामोरु । वेयालेण भणियं -- "संपयं पिवासिओ कत्थ - वच्चामि ?" रण्णा भणियं-"किमेवं चिताउरो ? जेण भोयणं दिण्णं स पाणियं पि वियरिस्सइ ।" एवं भणिऊण वाहिया दाहिण उरुम्मि छुरिया । निग्गया भिंगारमुहेणेव सोणियधारा ओड्डियं हेटुओ कवालं वेयालेण, भरियं सोणियस्स, पीयं घुटुघुडएण । एवं बीयं तइयं पिपाऊण परामुट्ठमुदरं दाहिणकरेण । आभोइओ सत्तगुणो नरवइस्स दिट्ठे पवड्ढमाणो । तओ उवसंहरिऊण विगरालरूवं काऊण जहावट्टियरूवं विअरिऊण करयंजलि पुरओ होऊण भणिउमाढत्तो-निरुवमसाहस सोंडी रथाए परकज्जकरणयाए य । तुट्ठोहं तुह नरवरु (र) सा वरसु वरं जहिच्छाए ।। ११६॥
1
राणा भणियं - " जइ तुट्ठ े तुमं वरप्पयाणाभिहो य ता इमस्स मंत साहणसमुज्जगस्स महावइगस्स समीहियं साहेहि । एयम्मि कए कयं चेव मह समीहियं । "
तओ वेयालेण गंतूण भणिओ कावालिगो-- “ तुट्ठोहं ते नरवइवयणेण भणसु जं करेमि ।" तेण भणियं - 'सुमरिएण समार्गतव्वं ।' तहेव पडिवण्णं वेयालेण । तओ समाहूओ राया अघोरघंटेण समागओ य भणियं राइणा"भयवं ! किं सिद्धं ते समीहियं ?" तेण भणियं - " तुह संन्निज्झेण किं न सिज्झइ ? "
एत्यंतरे करयलंजलिणा जंपियं सिरिसेहरेण -- “ कयं मे तुह वयणं संपयं महत्थणं करेउ महाराओ ।" रण्णा भणियं -- 'केरिसं ?' तेण भणियं -- "करेमि भे कि पिपियं तं पडिच्छियव्वं महाराएण । अण्णहा नत्थि मे मणनिव्वुई।" नाऊण निब्बंधं भणियं राइणा - " जइ एवं तो तहा करेउ मज्झभागो जहा अचिरा [देव] देवी पियंगुमंजरी पुत्तमुहमवलोएइ ।”
तओ समप्पिया वेयालेण ति समुहसारा रयणावली । भणिओ राया--" देवी कंधरामंडणं कायव्वा जेण सिज्झइ समीहियं" ति, भणिऊण मोणमासिओ । कयपूयासक्कारो नरवर - महावइगेहि । गओ सट्टाणं सिरिसेहरेण [भणियं - ] " भयवं ! ममं पि विसज्जेसु, पुणोवि कहिं पि कज्जविसेसे सुमरियव्वो अम्हारिस जणो' त्ति, जंपिऊण पडिओ चलणेसु राया । अघोरघंटेण भणियं-
"मणमंदिरमज्झगओ, बुज्झसि अनवरयमेव जइ भणिमो । तो चाडुकरणमेयं, तुमं पि नरनाह मन्नसि । ११७ तुह सरिसोन हु अण्णो, दिट्ठो महिमंडलं भमंतेण ।" एयं पि भन्नमाणं, 'समक्खगुण - कित्तणा पडइ ।। ११८ ।। ता किं भणामि संपइ, न याणिमो मोणमेवमह जुत्तं । " तुह गुणतंतुनिबद्धं, मज्झमणो संसयारूढं ।।११९।। गच्छामि अहं पढमं, इमं पि वोत्तुं न चेव सक्केमि । जं जुत्तं तं सयमेव कुणसु नरनाह ! कि बहुणा ।। १२० ।।" 'अहिलंघिओ भगवं' ति, नाऊण कयपणामो सयमेव पत्थिओ पत्थिवो । पत्तो नियमंदिरं । पढममेव पविट्ठो पियंगुमंजरी वास-भवणं । अब्भुट्टिओ सपरियणाए देवीए । निसण्णो पवरपल्लंके कथं चलण सोहणं । तभ असमय-समागय- निद्दा [घुम्मंत]लोयणं दाहिण-कर-कय-करवालं दट्ठूण रायाणं विम्हिय माणसाए जंपियं देवीए -- "अज्ज - उत्त ! को एस वइयरो ?" राइणा वि साहिओ सव्वो वि सिरिसेहर परिओसावसाणो रयणि वइयरो । पिणद्धा पियंगुमंजरी कंधराए सहत्थेण राइणा रयणावली । भणिया य. सप्पणयं - "देवि ! सिद्धं तुह समीहियं, न त संतप्पियव्वं ।अचिरादेव भविस्सइ ते पुत्त-संपत्ती ।" पियंगुमंजरीए भणियं -- "देव-गुरु- पसाएण अज्जउत्ताणुभावेण य एवं भवउ ।". ठिओ परिहासापेसलालावेण किंचि कालं । पच्छा विसज्जिओ सेसचं दलेहापमुहपरियणो तत्थेव तुवण्णो । स्यणि
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |