Page Text
________________
सम्मत्त-बीय-लंभो णाम पढमो अवसरो तत्थ य कावालियसाहणी टप्पर-कण्णो अइचिविड-नासियागरुयचिन्विरदुप्पेच्छो । विच्छ्यकयसेहरओ, जलंतसिहिकुंतल-कलावो । तक्का[लुक्कत्तियरुहिरालनरचम्मनिवसणो खुद्दो । अयगरुअकडियबंधो, विसहरकयकंकणक रालो। रत्तच्छो खर-दसणो, सुप्पमुहो करह-कंधरो रुद्दो । कंठ-विलंबिर-नर-मुंड-मालिया-मंडिय-सरीरो॥१०९।। नर-रुहिर-वसापूरिय-कवाल-कयलोल-लोयणनिवाओ । जम-जीहासमरुहिराल-कत्तिथालिहणचलरसणो।। संवड्ढिऊण दूरं, गुरुपण्हि-पहार-पहय-मही-वीढो। हसिऊण हहा ! सद्देण नरवई पेच्छिउं लग्गो ॥१११।।
तओ तं तारिसं मंत-साहण-विहि-विग्घमवलोइऊण तयभिमुहं पत्थिओ पत्तो तयंतीए । अट्टहास-भरियभुवणयलो सविसेसं पहसिओ वेयालो। अचलिय-सत्तेण भणिओ राइणा--"भो! किमेवमसमंजसं हसिज्जइ?" तेण भणियं-"तह चेव चरियं?" रण्णा भणियं--"केरिसं?" वेयालेण भणियं-"ज तओ बहपुण्ण-पावणिज्जं रज्जसुहमज्झिऊण इमस्स भिक्खायर-सिरिसेहरस्स दुस्सिक्खियमंत-साहगस्स वयणेण इहागंतूण अप्पा खणमेत्तजीविओ कओ।" राइणा भणियं-"महाभाग! नत्थेत्थ हसियव्वस्स कारणं जओखणमेत्तदिट्ठ न? हिं पाणविहवेहिं अत्थिय-जणस्स । जइ करेइ उवयारो, कहिं पिता किं न पज्जत्तं? ।।११२।। अज्ज वा कल्ले वा, मरियव्वं एत्थ संसओ नत्थि । ता जइ गरुयणकज्जे, मरिज्जए ता धुवं लाहो ॥११३॥ धण्णाण धणं तह जीवियं च काओ विनस्सरो चेव । देव-गुरुणं कज्जे विणिओगं जाइ अणवरयं ।।११४॥ खण-मेह-जीवियं पि हु जायइ जीवाण आउयखए वि । ता पययम्मि वइयरे तुह हास को पसंसेइ ? ॥११५॥"
एवंविह नरवइवयणसवणाणंतरमेव कोवानलापूरिज्जमाणहियएण, गुंजा-फलद्ध-सरिसं लोयण-जुयलं वहतेण, तिवलीतरंग-भासूरं भालयलं पयासंतेण, रोसवस-निय-दसणदद्राहरेण, कक्खागयपरिसजयलं "अरे ! सुदि8 करेसु जीवलोग', इच्चाइ रायाणं भणंतेण उल्लालिया दाहिणकरेण कत्तिया [वेआ]लेण । रण्णा वि इसि विहसिऊण दिण्णा दिट्टी दाहिणकरपइट्टिए खग्ग-रयणे, संखुद्ध भूय-पिसाय-जक्ख-रक्खसा, संछण्णं नहयलं कोऊहलागयसूर-सिद्ध-विज्जाहरेहिं । तओ कत्थ-वग्गंता, कत्थ हक्कंता, मत्तमयगला इव परोप्परं मच्छरमुव्वहंता, जुज्झियं पवत्ता नरवइ-वेयाला । भणिओ नरवई वेयालेण-“भो ! अाणकयपोरुसाभिमाणो पहरसु ताव तुम, पच्छा करालदुव्वार-कत्तियापरिगओ मह दाहिण-करो पहरिस्सइ।" राइणा भणियं-"किमहं भवओ विहीणो जेण पढमं पहरिस्सामि ? तुमं चेव पढमं पहराहि ।" एवंविहनरवइ-वयण-सवण-कुविएण मुक्को कत्तिया-पहारो नरवई पइ वेआलेण। दक्खत्तणओ वंचिओ नरिदेण। तओ कुंभदलण-दंतुरो कंपाविओ दाहिणकरेण करवालो नरवइणा, सन्जिओ पहारो, पहओ दाहिणकर-मणिबंधे पेयाहिवो। पडिया कक्खंत-कराओ कत्तिया। जाओ विलक्ख-वयणो वेयालो। पुणो वि खणंतरेण उक्खित्त-दढ-कढिण-मुट्टिप्पहारो धाविओ रायाभिमुहो । नराहिवो वि गयाउहमभिमुहम्मि तं दळूण पेयाहिवं विमुक्क-खग्ग-रयणो सम्मुहमावडिओ। गहिऊण चलणेसु पक्खित्तो नहयले वेयालो । जयजयारवं करतेहिं वंतरेहि मुक्का गयणंगणाओ कुसुम-वुट्ठी सुर-सिद्ध-विज्जाहरेहि, दूरिभूय-भय-संभंत-लोयणेहिं भूय-पिसाय-जक्ख-रक्खसेहिं । पूणरवि भणिओ सो राइणा--"भद्द! अणुसंधेहि पूणो वि पोरुसं। करेहि करपणइणी कत्तियं, पहरसू जहिच्छाए।" सो वि अदिण्ण-पडिवयणो चित्तलिहिओ चेव ठिओ । राइणा चितियं-'पराजय-पराभवं सरमाणो वोत्तुंपि न समत्थो एस, ता अवणयामि एयं केण वि कहतरेणं' ति, चितिऊण भणिओ राइणा-"महाभाग! चिट्ठउ ताव संगाम-संकहा, महंतं मे कोऊहलं, कहेहि जइ कहणीयं, किं ते वाम-दाहिणकक्खागयं दीसइ ? किं वा ते अहिणवपसूया वग्घी विव वयणकंदराओ लालाविला जीहा अनवरयं निग्गम-पवेसे करेइ ?" वेयालेण भणियं-'सुणसु ।' 'एस ताव उज्जेणी वत्थव्वगो कवाल-कुंडलो नाम वामकक्खंतरे महावइगो । इमो य दाहिण-कक्खंतरे इमस्स चेव उत्तर-साहगो कालजमुणो नाम खत्तिय कुमारो । दो वि इमे महाकालुज्जाणे अज्जेव अविहाणेण मंतं साहयंता एयावत्थं मए पायिवा ।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |