Page Text
________________
१२
मणोरमा-कहा
करणं, समाइसउ भयवं जं मए कायव्वं ?" महावइगेण भणियं-"को अण्णो तुम मोत्तूण तवस्सि-जण-वच्छलो, निय-पुव्वपुरिसेहितो वि समहिया ते गुरुयणे भत्ती। असाहारणा दुइंस-दमणे सत्ती । अप्पडिहया वियरइ तिहुयणे वि कुंदेंदु-निम्मला कित्ती। तत्त-तवणिज्ज-सन्निहा सरीरस्स दित्ती । अहरियमयरद्धय-रूक्-संपया सरीरावयवसंपत्ती । ठाणे तुमं धम्मतरायपयट्ट-खुद्दजण-रक्खिय-धम्मियणो चउरासमगुरु-रज्ज-महाभर-धुरा-धरण-धोरेय-कंधरो पंचमलोगपालो भण्णसि ।" नियगुण-वण्णणा-सवण-संजायलज्जो अहोमहो संतो भणिओ अघोरघंटेण नराहिवो--"महाराय ! कल्ले काल चउद्दसीए गंतव्वं मए अग्गेयदिसाभाए रयणायरोव[कंठसंठियं महाभेरवं नाम मसाणं । कायव्वा तत्थ खाय-रंगार-कुंड-रत्तचंदण-रत्त-कुसुम-बलि-धूयाइया सामग्गी । भवया वि खग्ग-रयण-सहाएण रयणि-पढमपहराइक्कमे तत्थेव समागंतव्वं ।" पडिवण्णं राइणा कयपणामो निग्गओ कावालिओ गओ सटाणं । कया पुव्व-वण्णिया सामग्गी। गहिओ भेरवारवो नाम डमरुओ। कसिण-चोदसीए महाभेरवमसाणे, आलिहियं रत्त-चंदणेण मंडलं, पूइयं रत्त-कणवीर-कुसुमेहिं, पक्खित्तो डमरुयडमारावपुरस्सरं मसाणपरिपेरंतेसु बलीडमरुय-सद्द-सवणेण संखुद्धा समंतओ भूय-पिसाय-जक्ख-रक्खसगणा । निसण्णो समागंतूण मंडल-सभीवे कावालिगो। नराहिवो वि अइवाहिऊण वासरं गमिण पढमजामं जामिणीए कयवीरवेसो कूविय-जम-जीहासंकासं करे काऊण करवालं अलक्खिओ नियपरियणेण निग्गओ पच्छिम-वारेण नियमंदिराओ। पत्तो मसाणं, दिट्ठो य मंडलासण्णनिसण्णो किंचि अव्वत्तं मुणुमुणायंतो महावइगो । पणमिऊण भणिओ राइणा-"समाइसउ भयवं जमम्हेहि कायव्वं?" महावइगेण भणियं-"नरनाह ! कसवट्टओ एस कज्जसिद्धिए। अज्ज मरियव्वं वा तरियव्वं वा? भवंति एत्थ नानाविहाओ विहीसियाओ, ताओ पढम उत्तर-साहगं भेसयंति, पच्छा मंत-साहगं। अओ तुहायत्ता इमा कज्जसिद्धी।" इसि हसिऊण भणिओ से नराहिवेण-"भगवं ! जावेस दाहिणकरे इयं किंवाणो न ताव तए कस्सवि भाइयव्वं ।” महावइगेण भणियं-"जइ एवं तो दाहिणदिसाभाए मसाण-सयसंकड-जलनिहितडे भवाहि।" तहेव कयं राइणा ।
इओ य अघोरघंटेण सिहाबंधपुरस्सरं पारद्धो मंत-जाव-विही । एत्यंतरे सहसा चेव थरहरिया मेइणी । संजाया महानिग्घाया। कुलालचक्कं व भमियं दिसाअक्केण निवडियं' नहंगणाओ छिण्ण-जलण-जालाणुकारिणीहिं उक्काहिं । फेक्कारियं समंतओ भीसणाराव-भरिय-दस-दिसाहिं सिवाहिं । किलिकिलियं डाइणीहि । घुक्कारियं घोरसद्देण घूयडेहिं । कुहुकुहाइयं भूएहिं, अट्टहासाइयं पिसाएहिं, उब्भिय-भुयदंड-भीसणेहि नच्चियं कबंधेहि, निय-पुच्छप्पहार-पहयधरणीतलेहिं बुक्कारियं मयंदेहि, अंजणगिरि-सिंहर-सन्निहेहिं वरिणयं (?) मत्तमातंगेहिं।
तओ तं तहाविहं विग्घसंघायमवलोइऊण दिण्णा दिट्ठी अघोरघंट, तेण नरवइणा दिट्ठाणि य तदंतरा काई वि. करह-कंधराणि, काइं वि लंबाहराणि, काइं वि जलंत-जलण-जाला-कराल-कविल-लोयणाणि, काई वि गय-महाइं, अयगरुरय-सरडा-परडा-गोणस-गोहा-सप्प-विच्छय-कयाहरणाणि । तं तारिसं बिभीसियावइयरमवलोइऊ अचलिय-सत्तेण समवलोइयं खग्गरयणं महिवइणा, उवसंता बिभीसिया खणंतरेण । पुनरवि गज्जियं गरुयसद्देण नहंगणं, वुटु रुहिरधाराहिं, पयंडपवणोल्लिया पडंति महीए महीरुहा ।
__ तओ तम्मि कायरजण-हियय-दारणवियंभिए भयकारणे, पुणो वि दिण्णा दिट्ठी अघोरघंटाभिमुहा नरवइणा, दिट्ठो अघोरघंटस्स अप्पणो य अंतरा महातालो व्व पवड्ढमाणो वेयालोकर-कयकरवाल-नरं दाहिणकक्खागयं बहेमाणो। वामाए महवइगं धारितो भूरि विलवंतं ।।१०३।। कक्खागय-पुरिसाणं, देहं उक्कत्तिऊण कत्तीए। पिसियाई सोणियाई, खायंतो तह पियंतो य॥१०४॥ सजल-घण-तिमिर-कज्जल-भमरावलि-महिसं-गवलसमवण्णो । चंडो उत्तासणओ, चंदकला-कुडिल-दाढालो। विसमयर-मडह-वच्छो, चुडिअ कवोलो अईव दुप्पेच्छो। पलथ-पणच्चिरचंडियउयरोदर-करओ धणियं ।
___JainEducation International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |