Page Text
________________
.१०
मणोरमा-कह
संकलं । विरइओ सरस-सुगंधसार-सुमेहिं सिरम्मि सेहरो। बद्धं दाहिणकरे कंकणं । मेलिओ मयणियाए करो करेण । भमियाणि सराव-कय-कइव-अंगार-परिपेरंतेसु चत्तारि मंडलाणि । भुत्तो वहु-वरेण एगथाले चेव सुह-संभारो कंसारो। काऊण जलसोयं गहियं पंच सोगंधिय-तंबोलं। हरिस-वस-निब्भराए पुरओ होऊण जंपियं मयणियाए-“धनचंद!. अज्ज तुमं धणचंदो सोहग्गसिरि, तुम पि इच्छ्यि -वर-कर-गहणेण अज्ज सोहग्गसिरी। कओ मए कहकहवि पुण्णमंताण समागमो। अओ परं विही पमाणं" ति, भणिऊण विरमिया मयणिया। मंदमंदं जंपियं दुग्गिलेण 'विही पमाणं' ति, नत्थित्थ संदेहो।
तओ सद्देण 'न एस धनचंदो' ति, नाऊण मयणियाए साहियं । सोहग्गसिरीए भणियं--"जइ एवं तो लहं नियघरं वच्चह। तहेव कयं, नुवन्ना नियपल्लंके सोहग्गसिरी । रविकरतविय-थल-गय-सफरीव तल्लोवेल्लि कुणमाणी विलविउमारद्धा--- अबला जणम्मि पहरसि, तत्थ विकण्णायणम्मि निक्करुण । मोत्तूण सूर पुरिसे, सच्चमिणं जं अणंगोसि ॥९२।। न कुलं न यावि सीलं, न गुरुयणो नेव बंधव-जणो वा । वणिज्ज पि न गणियं न तो वि सो पियथमो जाओ।९३। सो वि न दिट्ठो जो किल परिणीओ कहवि अंधयारम्मि। विनडियम्हि विहिणा न कण्णया नेव परिणीया ।९४। अह हयहियय ! बहुदुक्ख-जलण-जालोलितावियं पि दढं । फुट्टिहसि कहण निग्विण लोहं व घणपहयं ॥९५।।
एवं विलवमाणी भणिया मयणियाए सोहग्गसिरीआरंभे च्चिय विरसाइं तहय विरसाइं करणकालम्मि । मंदालोच्चिय कज्जाइं एत्थि [मूढा] दूमिप्ति ।।९६।। जइ तुह सुहेण कज्जं निरंतराएण मयसिलिंबच्छि । तो अइकिलेसबहुलो पियो जणो नेव कायव्वो॥९७।। एवंविह कज्जकरो वसणे वि हु धीरओ जणो होइ । काऊण जो विसायं, करेइ सो तिणसमो सुयणुं ।९।। ता मोत्तूण पलावे, साहसमवलंबिऊण खणमेगं । चिट्ठसु सयणिज्जगया [ए]त्थ किं बहुवियारेण ? ॥९९।। अहमवि कहेमि गंतूण, तुज्झ जणणीए वइयरं एअं। मा सच्चं हवउ इमं न य जारो नेय भत्तारो॥१०॥
एवं भणिऊण गया मयणिया । साहिओ सव्वो वि सोहग्गसिरिमाऊया[ए] वइयरो । तीय वि संभमखलंतपयसंचाराए गंतूर्ण साहियं अमच्चस्स । सो वि किंकायव्वमूढो चिट्ठइ।
एस चेव वइयरो विक्कमसारराइणो धारिणिदेविअंगसमुब्भवाए अणंगसिरिनामियाए कण्णाए सव्वो समाणो वट्टइ। नवरं तीए समरसेणसामंत-पुत्तो अमरकेऊ दिट्ठो। भणिया नियधाई वियक्खणा--"अंब! अमरकेऊणा सह केण वि पयारेणं जहा मह पाणिग्गहणं संपज्जइ तहा करेसु अण्णहा नत्थि मे जीवियं ।" पडिवण्णं वियक्खणाए। गया अमरकेऊसमीवं । कहिओ अणंगसिरि वइयरो। तेण भणियं-"मह पिया पुव्वपुरिस-परंपराए चेव विक्कमसारराइणो सेवगो। तं न जुत्तं मह एरिसं काउ' ति, पडिसिद्धा वि अदिणे-दिणे समागच्छइ जाव एग दिणणा छम्मासा। तह विन पडिवज्जइ अमरकेऊ।
. तओ दुग्गिलागमण-वासरे काऊण निच्छ्यं गया अमरकेऊ समीवे वियक्खणा । सोबालंभ-वयणगब्भिणं भणिओ-अमरकेऊ! "किं तमं रायबीएण न. जाओ? सिणेहाणरत्त-पियजपा-परिभवो वा न तुम पीडेइ ? जेण पइदिणं सिणेह-सलिलेण सिच्चमाणो वि सणसिंदूरगंठि व्व निव्वरयरो होसि, छम्मासे जाब किलेसिओ अप्पा, अज्ज विहिं वा पडिसेहं वा करे" त्ति, । उवरोहसीलयाओ प्रडिवण्णं तेण । तीए भणियं-"जइ एवं तो समइक्कते रयणिए पढमजामे एगागिणो राय-पहपच्चासण्ण-पासाय-गवक्खग-हिट्ठ ठाइयव्वं । पिच्छिहसि तत्थ तुमं लंबमाणी मुट्टिगेज्झमझं. वरत्तं, सा तए ईसिवालणीया दढयरं गहियत्वा य। अओ परं जहा. जुलं अम्हे चेव करिस्सामो". त्ति सिक्खविय गयावियक्खणा । गमणसमए 'न सुंदरमेयं' ति, चितिऊण न गओ. अमरकेऊ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |