Page Text
________________
सम्मत्त-बीय-लंभो णाम पढमो अवसरो तत्थ य मुग्गवाणियदिढतो
काऊण गरुयखेयं, दीहं उण्हं च नीससिऊण । गहिऊण मुट्ठिमेगं मुग्गाण अह खाइउं लग्गो।।८९।। धूली धूसरियंगो, खर-फरुस-सिरोरुहो मलिणवत्थो । निप्पडिकम्म-सरीरो,मुणि व्व निथमेण परिहिणो।।९।। इंदिय-पसर-निरोह काउं दाऊण मत्थए मोटें । भूमीए चेव सुत्तो, संझा समयम्मि सो तत्थ ।।९१।।
इओ य तम्मि चेव नयरे राइणो सव्वाहिगारी मइविहवो नाम मंती परिवसइ । जयावली से भारिया। चउण्हं पुत्ताणमुवरि बहूहिं उवाइय सरहिं सोहग्गसिरिनामिया एगा चेव तीए दारिया। अईव वल्लहा तेसिं । सम्मया सयलपरिअणस्स। कमेण वड्ढमाणा पत्ता मयरद्धय-महाणिहाणभूयं जोव्वणं। कारवेइ पिया उचियवर-गवेसणं।
अण्णया धवलहरगयाए पियंकराभिहाणसहीसहियाए सोहग्गसिरीए दिट्ठो रायमग्गेण गच्छंतो पढम जोव्वणे वट्टमाणो नलकूबरो व्व परमरूव-रमणीओ धणदत्तसिट्टिसुओ धणचंदो। दंसणाणंतरमेव गया सोहग्गसिरी मयणबाणगोयरं । हियसव्वासा? विम्मण-दुम्मणा दिट्ठा पियंकराए । भणिया य “सहि, सोहग्गसिरि ! किं कारणं निरुद्धसयलिदियवावारा परमजोगिणि व्व किंपि झायंती तुमं दीससि ?" तीए भणियं--"न किपि तहाविहं ।" पियंकराए भणियं--"अकहिज्जमाणं पि जाणियं मए, परं तुह मुहाओ सुयं निस्संसयं हवई' त्ति कलिय पुच्छिज्जसि ।” तीए भणियं"कहेहि, ताव पेक्खामि तुह मइकुसलत्तणं?" पियंकराए भणियं-"धणचंददंसणं तुह पयइविवज्जास-कारणं।" सोहग्गसिरिए भणियं-"सोहणं नायं पियसहीए, परं पडियारं चितेसु।" पडिवण्णमेईए । कया भिण्ण-रहस्सा सोहग्गसिरिधाई मयणिया। भणिया--"पिय सहि! सोहग्गसिरीए जं कज्जं तं तुह चेव कज्ज, परं अविदियं तुह कहिज्जइ।" तीए भणियं--"कहेसु।" साहिओ तीए सोहम्गसिरिसंतिओ धणचंददंसणाणुराय-वइयरो।. जायाओ दोवि एगचित्ताओ।
अण्णया गया मयणिया धनचंदमंदिरं । निसण्णा आसणे । पुच्छ्यिा धणचंदेण-"किमागमण-पओयणं?" सणियं सवर्णते होऊण साहियमिमीए । “वच्छ ! तुह पाणिग्गहणकए गाढं परितप्पइ मंति-तणया सोहग्गसिरी। भणइ य जइ न मे धनचंदो पई तो पाणे परिच्चइस्सं, एवं नाऊण जं उचियं तं करेहि।" तेण भणियं--"गच्छसु तुम, नियहियएण मंतिय जहाजुत्तं तहा साहिस्सामि।" गया मयणिया।
चिति उमाढत्तो धनचंदो---'अहो ! संकडमावडियं । जइ ताव सब्भाव-सिणेहाणुरत्ता पिययमा परिहरिज्जइ तो सा जलण-पवेसेण वा कव-निवडणेण वा विस-भक्खणेण वा उब्बंधिऊण वा अत्ताणयं मरिज्जा, तं न संगयं । अह पच्छन्नमेव तीए पाणिग्गहणं कीरइ तो नियकुलमइलणं, विरोहो य अमच्चेण सह जायइ, तो अलं मे पच्छण्णपाणिग्गहणेणं त्ति' निच्छयं काऊण टिओ धनचंदो।
बीयदिवसे समागया मयणिया। पुच्छिओ तीए सेट्ठि-सुओ-कि मंतिओ ? पडिसिद्धा तेण, तहवि · न दिया। पइदिणमेव गमणं कुणमाणीए समइक्कंता एग-दिवसेण ऊणा छमासा । तहवि न जाया कज्जसिद्धि । छमासपूरगो य सो चेव वासरो जत्थ दुग्गिलो मुग्गवडियं गहाय समागओ । कयनिच्छया गया तम्मि दिणे मयणियाए भणिओ धनचंदो-"अज्ज सोहग्गसिरिसमीहियं करेसु इत्थीवहं वा पडिवज्जासु?" उवरोह-सीलयाए पडिवण्णं धणचंदेण तब्बयणं । तीए भणियं-“जइ एवं तो नयरपुव्वगोउरसमासन्न-सुन्न-हट्टे पविरल-जणसंचारुव-रयणीए गन्तूण चिट्ठियव्वं ।" एवं ति, तेण पडिवणं । गया मयणिया । साहिओ सोहग्गसिरीए सव्वो वि वइयरो । कया तक्कालोचिया विवाह-सामग्गी । गहियो सराव-संपुडे काऊण अग्गी। गयाओ तत्थावणे । विरस-परिणाममेयं ति कलिऊण न समागओ सेट्रि-सूओ। 'धणचंद धणचंद' ति, मंदमंदमुल्लवंतीओ पविद्वाओ ताओ सुण्णंधयारहटमज्झे । इओ तओ करपरामरिसं कुणंतीण लग्गो हत्यो दुग्गिलय-सरीरे। करे घेत्तण उढियारिओ मयणियाए। भणिओ य सपरिहासं । “अहो! सूहिओ जणो, जो एवं वज्जभारमंगीकाऊण निच्चितो सुयइ।" दुग्गिलेण चितियं-"हंत !! किमेवं कयत्थिऊण अज्जवि न कयत्थो विही। करेउ जं से रोयइ ।" ढिओ तुसिणीओ, विलित्तो कप्पूर-पूरकालागुरु-सम्मिस्ससारसिरिखंडेणं सव्वंगेसु मयणियाए। नियंसाविओ सेय-सुकुमालवरवत्थ-जुयलं । पिणद्धो सिरोहराए नित्तुलामल-मुत्ताह]ल-हारो । लंबावियं कंधराए कणय
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |