Page Text
________________
मणोरमा-कह
लाहो न वा?" सिद्धपूत्तण भणियं-"केरिसा भे सउणा जाया?" तेण भणियं-“घर संठियस्स चेव गमणसंकप्पकाले छीयं पच्छिम-दिसाए । घराओ नीहरंतस्स पिटुओ छीयं । गामाओ नीहरंतस्स वामा सामा जाया। नगर-पवेसे वि दाहिणं'त्ति । सिद्धपुत्तेण भणियं-“अहो ! सोहणा सउणा, सयल-समीहिय-संपायगा। जओ भणियंठाणट्ठियस्स पढम, चिय कज्ज किपि काउकामस्स । होइ सुहा-असुहा, चिय छीया दिसिभागभेएण ॥८१।। पुवदिसा धुयलाभ, जलणे हाणी जमालए मरणं। नेरइए उव्वेयं, पच्छिमए परमलच्छी य ।।२।। वायव्वे सुहवत्ता, धणलाहो होइ उत्तरे पासे। ईसाणे सिरिविजयं, रज्जं पुण बंभठाणे य ।।३।। पह-पत्थियस्स संमहा, छीया मरणं नरस्स साहेइ। वज्जेह दाहिणं पुण वामा पुट्ठीए सिद्धिकरा ।।४।। हवइ पवेसे वामा, असुहयरा दाहिणा सुहा चेव। पुट्ठीए हाणिकरा, लाहकरा सम्मुही छीया ॥८५।। निग्गमे सोहणा वामा, पवेसे दाहिणा सुहा। सूलि-सूलिसरा सामा, नरो पुणेहि पावई ॥८६॥ ... . ता भद्द ! तुम सुह-सउणनिरिक्खिओ, परमफलं पाविहसि ।" एवं भणिऊण गओ सिद्धपुत्तो । दुग्गिलो वि इमं सोऊण पमुइय-माणसो मोत्तूण धरणीए मुग्गवडियं उब्भिय-भुओ, मोक्कलसिरोरुहो, निय-पायप्पहार-पहय-धरणीतलो, नच्चिउं पवत्तो । दिट्ठो य नयराओ नीहरतेण हत्थिखंधगएण विक्कमसार-राइणा । पुच्छिओ समासन्नपुरिसो। "अरे ! किमेस जक्खाइट्टो वाउलो वा जेणेवमसमंजसं नट्टविहिं पयट्टेइ ?' पुच्छिओ गंतूण पुरिसेण-"अरे ! किं करेसि?" तेण भणियं--"ककारो ते मत्थए निवडउ मह पुण सुह-सउणफलं संपज्जउ ।" पुरिसेण भणियं-"कुविय-कयंतालोइयमहाराओ पुच्छावेइ लहुँ साहेहि ?" तओ तेण भयभीएण “नमो पुवकय-कम्माण, रण्णे वि राउलमम्हाणं," ति भणमाणेण साहिओ सुह-सउण-वइयरो। तेण वि गंतृण राइणो । तं सोऊण कोवम्वगओ राया समाणत्तो दंडवासिओ"अरे ! अणुहवउ पसुमुह ! सउणफलं । तुम पि नगरे गंतूण पडहएण घोसाविज्जा । 'पंचदिण मज्झे बहिरागयं मुग्गवडियमवि गहिस्सइ तस्स राया महादंडं करिस्सई'।"
तेण वि तहेव संपाडियं रायसासणं पविट्ठो दुग्गिलो नयरमज्झे । गओ आवणवीहीए। दिट्ठो नियहट्ट-निविट्ठण धनसारसेट्टिणा। हक्कारिओ हत्थसण्णाए। समागओ दुग्गिलो। निसण्णो। दिण्णासणे, मुक्का मुत्तोली, पुच्छिओ सेट्ठिणा-“किमेत्थ कियाणयं ?" तेण भणियं-"मुग्गवडियामयं ।" तओ वामहत्थ-पंचंगुलीहिं मुहमच्छायंतेण तरलतारयं दिसोदिसि निभालयंतेण, दाहिणकरं भुज्जो-भुज्जो विसज्जणकए फेरयंतेण निहुयं जंपियं धनसारसेटिणा "-अरे ! संखनिहिसरिस! अवसर, ममावणाओ। अलं तह संगेण ।" एवं खर-फरुस-वयण-निब्भच्छिओ वि कज्ज मकज्जमबुज्झंतो अणट्रिउकामो वि बलाओ करे घेत्तुण निद्धाडिओ सेट्रिणा । विलक्ख-वयणो नयर-मज्झेण हिडतो पत्तो दुम्मह-वाणियगस्स आवणं । दिदो तेण । साहिऊण पुच्छिओ- "किमेत्थ ?" तेण भणियं-“मुग्गवडियं ।" तओ कयं दुम्मुहेण कयंत-भिउडीभीसणं वयणं । जाओ रत्तच्छो। जंपियं--"निय नाम सरिसं नत्थेत्थ कोइ आरक्खिय-पुरिसो रायसेवगो वा? जो एयस्स रायसासणाइक्कमकारिणो द्र-वाणियगस्स निग्गहं कारेइ ?" एयं सोऊण भयभीओ उतो चेव गहिओ दंडवासियपूरिसेण दुग्गिलो । सो गाढं कयत्थिऊण नीओ पंचउल-समीवे । "एस रायसासणमइक्कमंतो मए पाविओ । जं जत्तं तं करेह त्ति।" भणिऊण गओ पुरिसो। पुच्छिओ तेहिं दुग्गिलो। “किं तुममित्येव वत्थगो उयाहु आगंतुगो?" तेण भणियं--“सालिगामाओ समागओ।" तेहिं भणियं--"कि न सुयं तए पंच दिणाणि जाव मुग्गवाणिज्ज-निवारणागभं महाराय-सासणं?" तेण भणियं--"न सुयं ।" तओ संजायाणुकंपेहि ‘मा भुज्जो वि एयं करेज्जसु' ति, भणंतेहिं विसज्जिओ सो तेहिं । गओ नयरगोअरपच्चासन्न-संठियं सुण्णावणमेगं पविट्ठो तत्थ तमंधयाररयणीए तण्हा-छुहाकिलंतो, विसन्नमाणसो चितिउं पवत्तो-- जणणीए खयकारय, बहुजणपरिभूयविहलववसाय । सथलपुरिसत्थवज्जिय, धणहीणधिरत्थु ते जीयं ।।८७।। दारिद्द-गरुय-मोग्गर-पहरण-पहओ पणट्ठचेट्ठो। जं दुग्गओ वि जीवइ, तं मण्णे गरुय-पाव-फलं ।।८।।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |