Page Text
________________
सम्मत्त-बीय-लंभो णाम पढमो अवसरो तत्थ य मुग्गवाणियदिढतो
वोलीणा कइवि दियहा । न जायं सुमिण-दसणमवि एवमण्णाणि वि बहुजणजणिय-पच्चयाणि भुवणविणिग्गयजसाणि, पोराण-जणिय-माहप्पाणि, देवयारूवाणि समाराहयंतीए समइक्कंता छम्मासा न उण पुण्णा आसा।
तओ पारद्धा बहुसुयजण-सेवा। पउत्ता तेहिं नाणाविहा मंत-जोग-चुण्णा। पाइया बहुप्पयाराणि खार-तुवरकडुय-ओसहाणि। अप्पा चेव तेहिं कयत्थिओ। जओ भणियं-- सो को वि नत्थि देवो, न दाणवो न वि य जाणु-यजणो वा । जो पत्थिओ न तइथा, देवीए पुत्तकज्जेण ॥७९॥ तह वि न हु कज्जसिद्धी, संजाया पुव्व-पुण्ण-विरहेण । एग वि सुत्थिय-जणं, न सहइ अहवा विहि एसो॥८०।।
तओ देवी गरुय-सोग-संभार-भरियमाणसा परियणाणुरोह-विहिय-पाण-भोयणा, परिसुसिय-सयल-सरीरावयवा, हिम-दड्ढ-कमलिणीव विच्छाया, दिट्ठा अण्णया राइणा। सुमरियपुव्व-वुत्तंतेण पुच्छ्यिा चंदलेहा-"किं न कओ देवीए पत्त-निमित्तं देवयाराहणाईओ उवाओ ?" चंदलेहाह-"उवाय-सहस्सा कया, केवलं उच्छु-पुष्पं व निप्फला जाया, अओ तेण दुक्खिया सामिणी।" - राइणा भणियं-"देवि ! अलं विसाएण, करेहि सव्वं पि हाण-विलेवणाइ करणिज्ज। अंतो छण्हं मासाणं जइ ते मणोरहे न पुरेमि तो जलणं पविसामि।"
चंदलेहाए भणियं-"अलममंगलेण" राइणा भणियं-"जइ वयणेण मंगलं होइ तो किं न देवीए पुत्तो हवइ।" . . चंदलेहाए भणियं-“देव ! लोयववहारेण मंगलाणि कीरंति । परमत्थेण पुण पाणिणं निय-कम्माणि चेव सुहासुहकारमाणि।"
राइणा भणियं-"जइ एवं तो न नज्जइ कम्माणि वि बंधगाणि तो तहा जइस्सं जहा अचिरादेव देवी पुत्तमुहमवलोएइ।"
एत्थंतरे नियपओयणवसेण एवमेयं' नत्थित्थ संदेहो, जंपियं केण वि परियणमझाओ, फुरियं रण्णो दाहिणलोयणेण, निसुओ संख-सद्दो, गुलुगुलियं गंध-हत्थिणा, हिंसियं पहाण-तुरंगमेण । तओ राया सुह-सउण-परंपराजणियपहरिसो, वियसिय-वयण-कमलो दिटठो देवी चंदलेहाहिं । भणियं च चंदलेहाए-“सामिणि ! हरिस-परिव्वसो च्चिय देवो दीसइ। किं कारणं?" तीए भणियं-"सूटठ नायं, परं तुम चेव पुच्छे कारणं जेण ममा वि मण-निव्वइ होइ।" त. काऊण पणामं जंपियं चंदलेहाए-“करेउ पसायं देवो, कहेउ जइ अकहणीयं न होइ? कि वो हरिसस्स कारणं?" राइणा भणियं-"सुह-सउण-परंपरा।" इसिं विहसिऊण जंपियं चंदलेहाए-"देवि! संपूण्णा ते मणोरहा, जओ देवो दुब्बल-वणिओ इव सउपायत्तं कज्जसिद्धि मण्णेइ।" राइणा भणियं-"चंदलेहे ! सउण-सज्झा कज्ज-सिद्धी सयलजणसम्मयमेयं । किं न सुओ तए मुग्ग-वाणियगदिळंतो?" तीए भणियं-"न सुओ सामी । जेण सामिणी वि खणमेत्तममुणा विणोएण सुहिया हवइ।" राइणा भणियं-'सुणसु' । ..
.. अस्थि इहेव भारहे वासे पमुइय-पामर-सयसमाउलो, आरामुज्जाण-वावि-पोखरिणि-समाउलो, दुप्पय-चउप्पयधण-धण्ण-हिरण्ण-सुवण्ण-सोहिओ, मज्झिमखंडमंडणो, धरिणी-तिलयनगर-समासण्णो, 'सालिग्गामो' नाम गामो। तत्थ णं विहल-बवसाओ, सुविणे वि असंपण्ण-मगुण्ण-पाण-भोयणो, जर-दंडी-खंड-निक्सगो, आजम्म-दारिद्दिओ 'दुग्गिलो' नाम वाणियगो परिवसई।
सो तत्थ पुव्वकवकम्मदोसेण उदर-भरणमेत्तमवि लाहमलहितो मुग्गवडियं गहाय धरणीतिलयं पत्थिओ। पत्तो कमेण नयर-बाहिरियं दिट्ठो सिद्धपुत्तेण। पुच्छिओ-“कत्तो भवं?" तेण भणियं-“सालिग्गामाओ। वाणिज्जेण किमत्थि
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |