Page Text
________________
तइय अवसरे अणत्थादंडविरमणे धणगुत्तधणजक्खकहा
२९१ अह तं सुणेइ कत्थ वि तह विय सद्धं न सो तहिं कुणइ । मिच्छाकम्म-विमूढो न य जाणइ सुंदरं लोए ।४९४। जह पित्तजरय-संताव-डाह-डज्झंतवेविरसरीरो । खंड-घय-मीसियं पिहु खीरं अह मण्णए कडुयं ।४९५॥ तह पाव-पसर-संताव-मूढहियओ अयाणुओ जीवो । पायस-खंड-समर-रसं जिण-वयणं मण्णए कडुयं ।४९६। जह तिमिररुद्धदिट्ठी पयडपयत्थे कि नेत्तेण णो मुणइ । रत्तंधो वा रयणीए नेव जह किं पि पेच्छेइ ।४९७। तह पावतिमिरमूढो पेच्छइ धम्म कुतित्थि-तित्थेसु । पयर्ड पि नेव पेच्छइ जिणधम्मं मोहपडलंघो।४९८। जह कोसिय-पक्खिगणो पेच्छइ राईसु बहलतिमिरासु । उइयम्मि कमलनाहे न य पेच्छइ अप्पयं पि फुडं ।४९९। तह मिच्छादिट्ठि जणो कुसमयतिमिरेसु पेच्छए किंपि। सयलुज्जोइयभुवणे जिणधम्मदिवायरे अंधो ।५००। जह सामण्णे पाए समयं सिज्झंति बहुतरा मुग्गा । कंकडुया के वि [चिरेण] कढिणा ।५०१।। तह जिणवयण यासण-मय-तवियस्स कस्सइ जणस्स । कंकडुयस्स वि चित्तं मणयं पि न होइ मउययरं ।५०२। एवं के वि जिया सोऊण वि जिणवरिंदवयण इं । न य सद्दहति मूढा कुणंति तुठ्ठि कुसत्थेसु ।५०३। जह पउर कट्ट-काणण-वणदव-दज्झतभीसणं जलणं । दळूण जाणइ नरो डज्झिज्जइ सो न य पलाइ।५०४। तह सत्तुमित्तघरवासजलणजालावली पविट्ठो वि। जाणइ डज्झामि अहं न य नासइ संजमं तेण ।५०५। जह वि नरो जाणेई एसो चोरेहि मूसए सत्थो। न य धावइ गामं पइ जा मुसिओ दुट्ठचोरेहिं ।५०६। तह इंदिय चोरेहि पेच्छइ पुरओ मुसिज्जइ लोओ । जाणइ अहं पि मुसिओ संजमगामं न अल्लियइ १५०७। इय भो न य पाविज्जइ मणुयत्ते पाविए वि जिणधम्मो । न सुए वि जओ जायइ सद्धा-चारित्त-धम्म ति ।५०८। तो जाणेसु य एवं दुलहं भवसायरे भमंतस्स । जीवस्स संजमं संजमम्मि अह वीरियं दुलहं ।५०९। लहिऊण वि सामग्गि एयं संसारवा सभीएहिं । धम्मे च्चिय धगबद्धो कायव्वा भवविरत्तेहिं ।५१०।
एवं सोऊण संजायसद्धेण निय-निय-भूमिगाणुरूवा कया लोएण धम्मपडिवत्ती। एत्यंतरे पुरिसेण मणुगम्ममाणो समागओ पुण्णभद्दो नाम सेट्टिपुत्तो कयगुरुवंदणो निसण्णो सुद्धधरणीतले । सहायपुरिसो वि आसणे नियय वत्थं दाऊण पुण्णभद्दस्स चरणमद्दणं काउमाढत्तो। वारिओ तेण । तह वि न विरमइ विणयकरणाओ। तओ पुच्छ्यिं पुण्णभद्देण-"भयवं! किं कारणं वारिज्जंतो वि न एस विरमइ ?" सूरिणा भणियं-“सोम ! सुण एत्थ कारणं ।"
अत्थि इहेव भारहे वासे वसंतपुरं नाम नयरं। परमसम्मद्दिट्ट्ठी संखसारो नाम सावओ तत्थ परिवसइ । चक्कदेवाभिहाणो तस्स य घरदासो सम्मओ सयलपओयणेसु।
अण्णया वसणाभिभूएण अवहडा तेण दस दीणारसहस्सा । विलसिउमारद्धो । संजायसंकेण निरूवियं ठाणं संखसारेण । न पेच्छइ दीणारे। भणिओ तेण चक्कदेवो-“साम पुव्वयं समप्पेहि दविणं । तुज्झ वि किंपि दलइस्सामि।" न पडिवण्णमणेण । दंडो दंसिओ। तेण विन वसमागच्छइ । पडिभणइ य-'निहाणं तए लडिल्लयं । जइ न तुसिणिओ चिट्ठसि ता रायउले साहिस्सामि।" सेट्ठिणा चितियं-“एयं पि एत्थ संभाविज्जइ।" विसायावण्णस्स वोलीणा जामिणी। पभाए सखेयं भणिया अरिहसुंदरी-"पिए ! पेच्छ जं कयं चक्कदेवेण ।" तीए भणियंपिय ! पच्चूसह पावहरु, नामु न लइ[यइ] ताहं । लोइं कड्ढिवि दूरिकरु, कहिउ कलंक न जाहं ।५११।
अलमिमस्स नाम-गहणेण विसायकरणेण वा। अण्णया अंबाडिओ संखसारसुएण रहंगएण चक्कदेवो। तेण वि पउट्ठचित्तेण नरवइपुरओ निहाण-लाभो सूइओ। आणाविओ राइणा संखसारो। पुच्छिओ निहाण-वइयरं । तेण भणियं"न मए आजम्माओ तिणावहारो वि कओ दूरे रायविरुद्ध-निहाण-गहणं ।" चक्कदेवेण जंपियं-"अहो! पच्चक्खावलावो सरिसो तुमं अतिणहिंसगबंभणस्स।" मंतिणा भणियं-"को एस अतिणहिंसगो?" चक्कदेवेण भणियं
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |