Page Text
________________
२९०
मणोरमा-कहा जो जयकरो देवो सो तुरियं धाविओ दिसं पुवं । समिलं घेत्तूण पुणो धावइ अवरो य अवरेण ।।४६०।। बहु जोयणलक्खिल्ले महासमुद्दम्मि दूर-दुत्तारे । पुव्वंते अवरंते जुगं च समिलं च घेत्तूण ।।४६१।। एवं कयकोऊहलतरलियचित्ता पुणो वि मिलिऊण । सायरतडम्मि होउं अह एवं भणिउमाढत्ता ।।४६२।। पुवम्मि तडे जूयं अवरे समिला य अम्हि पक्खित्ता । जुयछिद्दे सा समिला कयाइ पविसेज्ज पेच्छामो ।४६३ । अह पेच्छिउं पवत्ता सा समिला चंड-वाय-बीईहिं । उच्छालिज्जइ बहुसो पुण हीरइ रय-तरंगेहिं ।।४६४।। उच्छलिया वि बहुसो निच्छोला चंडवीईहिं । उच्छालिज्जइ बहुसो पुण हीरइ रय-तरंगेहि ॥४६५।। उच्छालिया वि बहुसो निच्छोला जाइ सायरजलम्मि । तरमाणी घेण्पइ तंतुएण तत्तो वि मच्छेण ।।४६६।। भच्छाउ कच्छभेणं कमढा [ओ] ? कुम्म तओ भुयंगो । तत्तो मयरो मयराउ सुसुमारो लहुं लेइ ॥४६७।। तेण वि मुक्का उत्थल्लजलहिकल्लोलपेल्लिया संती। अड्डविय९ वियरइ सायरसलिले अपारम्मि ।।४६८।। घोलिज्जंती अच्छइ न य कह वि लहेइ तं जुयच्छेडं । जा सयलं चिय खुटुं देवाणं आउयं ताणं ।।४६९।। एसो किल दिळेंतो साहिज्जइ अबुहबोहणट्ठाए । जो एस महाजलही सो संसारो दुरुत्तारो ।।४७०।। जा समिला सो जीवो जं जुयछिडे तयं तु मणुयत्तं । जे देवा दोण्णि इमे राग-द्दोसा य ते जाण ।।४७१॥ तेहिं सुरसण्णिहेहिं कसाय-मय-ट्ठाण-संपरिडेहिं । पाहिं जीव समिला वक्खोडियमणुय-छिडं तु ॥४७२।। अह राग-दोसवसओ चुक्को मणुयत्तणाउ सो जीवो । चुलसीइ जोणिलक्खेसु भमइ दुखेहि संतत्तो ।।४७३॥ तिरियत्तणम्मि पत्तो गरुयमहादुक्खदूमिओ निच्चं । संवसइणंतकालं तत्तो नरएसु धोरेसु ।।४७४॥ अह दीणो दुहदुहिओ परपरिभवभायणं भव-समुद्दे । कम्मपवणेण जीवो भामिज्जइ भमिय समिल व्व ।४७५। कालेणं बहुएण वि सा समिला जह-न पावए छिडं । तह मणुयजम्मचुक्को जीवो न य लहइ मणुयत्तं ।४७६। इय दुल्लहलंभं माणुसत्तणं पाविऊण जो जीवो । न कुणइ पारत्तहियं सो सोयइ संकमणकाले ॥४७७।। जम्मण-मरण-परंपर-संजोय-विओय-दुह-सयावत्ते । पुण्णरुत्तं आहिंडइ एस जिओ गब्भवसहीसु ।।४७८।। किंचसा चंडवायवीई-पणुल्लिया अवि लभेज्ज जुगछेडुं । न य माणुसाओ भट्ठो जीवो पडिमाणुसं लहइ ।४७९। अह कह वि लहइ जीवो मणुयत्तं तं पुणारियखित्तेसु । धम्माधम्मविवेगो न नज्जई जत्थ जीवेहिं ।।४८०।। भरहेरवयविदेहेसु चेव दुलहो जियाण किल जम्मो । तत्थ वि जाइ-कुलाई तत्थ वि [य] सुधम्म-पडिवत्ती।४८१। कह कह वि माणुसतं आरिय-खेत्ताइ संगयं लद्ध। कुतमय-मोहिय-मइओ जिणधम्म कुणइ नो जीवो।४८२। जह कायमणियमज्झे बेरुलिओ सरिस-वण्ण-संठाणो । असयण्णेहिं न नज्जइ गुणसथसंदोहभरिओ पि ।४८३। एवं कुहम्ममज्झे धम्मो धम्मो त्ति सरिस उल्लावो । मोहंधेहि न नज्जइ गुणसयसंदोहभरिओ वि ।।४८४।। जह नलवेणु-वणेसँ कह वि तुलग्गेण पाविओ उच्छ्र । न च लेंति केइ बाला रससारगुणं अलक्खित्ता ।।४८५।। तह कुसमयवेणुमहावणेसु जिणधम्मउच्छु-विच्छेओ । मूढेहिं नेव नज्जइ सिव-सुह-रससारभरिओ वि ।४८६। जह बहु तरुवरगहणे समुग्गयं कप्परुक्खतरुरयणं । मुढेहिं नेव नज्जइ कप्पिय-फल-दाण-दुल्ललियं ।४८७। तह कुसमयतरुगहणे जिणधम्मो कप्पपायवसमाणो । मूढेहिं नेव नज्जइ इच्छियफलदाणसुहओ वि।४८८। जह मंताणं मज्झे मंतो बहुसिद्धिसिद्धमाहप्पो । मइवियलेहि न नज्जइ सरिसो सामण्णमंतेहिं ।४८९। तह कुसमयमंतसमूहमज्झपरिसंठिओ इमो धम्मो । दुम्मेहेहिं न नग्जइ सिद्धिसयंगाहरिद्धिल्लो ।४९० । जह सामण्णे धरणीयलम्मि संतं पि वर निहिमहंतं । न भुणइ न चेव पावइ न भुंजइ तं फलं कह वि ।४९१॥ तह धम्मरयणभरियं जिणधम्मनिहाणयं सया सहियं । अबहो न याणड चिय मण्णड सरिसं कतित्थीहि ।४९२। इय एसो जिणधम्मो पयडो वि निगूहिओ अउण्णाणं । दिह्र पि नेव पेच्छइ न सुणइ साहिज्जमाणं पि १४९३।
Nain.Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |