Page Text
________________
२९२
मणोरमा-कहा
_ नम्मयातीरे कोसकलसं नाम नयरं । मंजुभद्दो नाम भिक्खू परिवसइ। सो पुण सहिरण्णो मुणिओ एगेण धुत्तेण । वंदिओ समागंतूण। पुच्छिओ भिक्खुणा-“भद्द ! कत्तो समागओ?" तेण भणियं-"सिंहलदीवाओ देसदसणत्थं परियडामि ।" भुंजाविओ भिक्खुणा। समागया रयणी। ठिया सहालावेण । न समप्पेइ अत्ताणयं भिक्खू । पभाए भणिओ तेण भिक्खू “भयवं! वच्चामि।" भिक्खुणा वि मोणं कयं । निग्गओ धुत्तो। नयरबाहि गंतूण पडिनियत्तो कर-गहियतिणो। जंपियं भिक्खुणा-"किमेयं तुह करे?" तेण भणियं-"सिरविलग्गं न याणियं तुह तिणं गयं। तस्स समप्पणत्थमागओ।" रंजिओ भिक्खू ।" अहो! निरीहया, अहो! अलुद्धय त्ति' संपहारिऊण भणिओ भिक्खुणा-"भद्द! पडिवज्जसु भिक्खुवयमेयं ।" तेण वि पडिवण्णं । दिक्खिओ। अतिणहिंसगो त्ति नामं कयं। सिक्खिया भिक्खु-किरिया। मंजुभद्दो वि सहिरण्ण- भूयलं मोत्तूण नन्नत्थ सयणाई करेइ । लक्खिओ धुत्तेण-जहा कारणेण होयव्वं ।।
अण्णया लहिऊण अंतरं, गहिऊण सुवण्णयं, पलाणो धुत्तो। मंजुभद्दो वि हरियहिरण्णो विसायमावण्णो मोत्तूण तं नयरं गओ अण्णम्मि नयरे। दिट्ठो तत्थ सो धुत्तो। भणिओ भिक्खुणा-“समप्पेहि सुवण्णयं ।" तेण भणियं-"न मए गहियं ।” भिक्खुणा भणियं-“एहि मंतिसगासे।" गया दो वि। साहिओ भिक्खुणा वइयरो। धुत्तेण भणियं"अमच्च! संतं पावं जइ मए कस्स वि संतियं तिणं पि गहियं अलियं वा भासियं ता निरत्थिया समंतभद्ददिक्खा।" मंतिणा भणियं-"सुद्धो वराओ।" विसज्जिओ। गओ सट्टाणं । एत्थ वि एसेव वइयरो जइ इमस्स वयणं सच्चं ति तक्किस्सह ।
तओ मुद्दावियं घरं मंतिणा। कारागारे पक्खित्तो ससुओ संखसारो। इमं सोऊण संति-निमित्तं पूइऊण पवरकुसुमेहि संतिनाहघरपडिमं संखसार-धरिणी अरिहसुंदरी विणयविहियंजली आणंद-जल-भरियलोयणा एयं थोउमाढत्ताजो किर भीममहण्णवु भुय दंडिहिं तरइ। तुह असेसगुण नियरह सो वण्णणु करइ । गुरु अणुरायपणोल्लिय संसयतमतरणि । तह वि पयट्ट जिणिद तुज्झ हउं थुइ-करणि ॥५१२।। जय कुरुवंस-विभूसण ! अच्चब्भुयचरिय। पुहइछत्तु गिरिहंडकरण विक्कमकलिय । खम तिक्खुक्खयखग्गखविय कोहारि भड । अज्जववज्जविणासिय [दु]ज्जय नियडि नड ॥५१३।। माणसेल मुसुमूरणलोह विमुक्क पहु। भवि भवि सामियसंतिसरण महु होज्ज तुहुँ । दुग्गइ-गमणनिरंभण दुटुिंदिय दलण। सेवागयसुरसामिमलि अच्चियचलण ॥५१४।। कामकुंभिकुंभत्थल-दारण-खर-नहर । नियसद्देणाऊरिय जोयणमत्त घर । पुरवरपवरकवाडवियडवरवच्छयल । नियगुणगण निऊरुंब करंबिय भवणयल ॥५१५।। दसणनाण चरित्तय चित्तिय भवि[य]जण । वरविसकंदोतार दीहर नयण । निरूवमरूय विणिज्जिय दुज्जय रइ[र]मण । [हेम] कमलकयचरणमत्तमयगल [सम] गमण ॥५१६।। देवासुरनरलोयणअलिकुलकमलवण । अणुदिणु हिमगिरिसिहर धवलझाणेक्कमण । सुरकयविट्ठरसंठियकिण्णर [नर] महिय। तुह पहु पायहं सेव अभव्वह दुल्लहिय ॥५१७।। मोहमहल्लगिरिदकुट्टण-कुलिस । गुरुदालिद्ददवाणल झोसणघणबरिस गोउर फलिह-विसाल सुसोहियबाहुजुय । विस्ससेण-अंगुभव अइरादेवीसुय ॥५१८॥ [मय]गलगज्जिरं पासंडिसंडमय । विविह पयार समज्जिय तवसिरिकुलभवण । दो खंडी कय चंडदुटुदप्पप्पसर । रायहरिणसद्ल सुकोमल पवरकर ॥५१९।। लोयालोयपयासण केवलनाण धर । तिहुयणसिरिह पणयह मोहहर ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |