Page Text
________________
तइयअवसरे निसाभोयणोवरि माणुसुभाणुकहा
२८७ [सुभाणुभाणुणो । पत्ता उज्जाणं । दिट्ठा तत्थ नागरयाण धम्मदेसणं कुणंतो बहुसीस-परिवारिओ विमलभाणू नाम आयरिओ। गया ते वि तत्थ । निसुया धम्मदेसणा । जाओ देसविरइ-परिणामो। पडिवण्णो जहागमं दुवालस-भेयभिण्णो सावयधम्मो। बीय-गुणव्वए कया भाणू- सुभाणूहिं इमा पडिवत्तीजा जीवं मे भयवं सत्थ-सरीराण अध्पवसगाण । अण्णत्थ अणाभोगाइएहिं नियमा इमे अम्हा ।४२५॥ दुविह-तिविहेण मंस नियमो मे मज्ज-मक्खण-महण । अण्णाय-फला पंचुंबरिं च नियमे अण्णोसहि य ।४२६। ओसहकज्ज परिवज्जिऊण नायं अणंतकायं पि । गोरसमीसं विदलं निसिभत्तं कारणेण विणा ।४२७। दो-कण-माणे चोप्पड दो-करिसा भोयणे य अन्भंगे । छप्फुल्लाणं कट्ठा पण्णसयं तीस पूगाओ।४२८। अट्ठी उ सचित्ताई विगइ चत्तारि दम्मसयमुल्ला । [...] तिपल विलेवणं करिसमेगं ति ।४२९। अट्ठमि चउद्दसीसुं बंभं एक्कासणं निओगेण । मासम्मि दोण्हि ण्हाणा विसेसकज्जं पमोत्तण ।३३०। बीया पंचमि एक्कारसीसु पालेमि बंभचेरं तु। पज्जोसवणम्मि तहा बंभ एक्कासणं नियमा ।४३१। इंगालाइए पनरसकम्माइं वज्जिमो निओगेण । इय पडिवत्ति काउं वंदिय सूरिं गया दोवि ।४३२।
विहरिया अण्णत्थ सूरिणो। तेसि पि जहा गहिय-वय-परिपालणा-परायणाण वच्चइ कालो।
अण्णया असुहकम्मोदएण अकल्लाणमित्तसुबंधु-बंभणेण सह संगई काउमाढत्तो भाणू । वारिओ सुभाणुणा न विरमइ।
अण्णम्मि दिणे रयणीए गओ सुबंधु-मंदिरं "अहो ! समए समागओसि ।' भोत्तव्वमज्ज मए सद्धि । भणभाणेण गहिओ दाहिणकरे। अणिच्छतो वि बला भोयाविओ कंदाइं। विण्णाओ एस वइयरो सुभाणुणा भणिओ एगते-“वयंस ! न सोहणं तए समायरियं जमेगं रयणीए भुत्तं, बीयं अणंतकायं । ता उभयस्स वि गुरुपुरओ सुद्धि करेहि।" तेण भणियं-"रयणिभुत्तस्स सुद्धि करिस्सामि। अचित्ताणंतकायपरिभोगे को दोसो?" सुभाणुणा भणियंपत्तेय-वणेहितो सचित्तसाहारणम्मि गुरु-दोसो । अचित्ते थोवयरो दिलो दिटिप्पहाणेहिं ।४३३। भणियं चसोऊण जिणपडिकुटु अणंतजीवाण कायनिप्फण्णे । गेही य संगदोसा अणंतकाए अओ वज्जे । ४३४।
अचित्तस्स वि तए पच्चक्खायं । अओ गुरुसमीवे पायच्छितं पडिवज्जाहि । ‘एवं' ति पडिवज्जिऊण गओ भाणू । मिलिओ बंभणस्स । साहिया तस्स सुभाणुसिक्खा । ईसि हसियं जंपियमणेण-"आलप्पालमेयं न एत्थपरमत्थबुद्धी कायव्वा ।" तस्स वयणेण सो निद्धंसीभूओ जहा गहिय नियमे भंजिउमारद्धो । पुणो वि भणिओ सुभाणुणा-"कया ते रयणिभोयणसुद्धी?" नियडिपहाणयाए भणियमणेण-"कया।" सुभाणुणा वि चितियं-"सलज्जो चेव सोहणो। मा कयाइ गुणं पि पावेज्ज [अओ] न पेरिओ [त्ति] तेण' ।" - अण्णया निय घरे भाणुं मोत्तूण गामंतरं गओ सुभाणू । अविवेयबहुलयाए महिलायणस्स, अणाइभवब्भत्थयाए विसयाणं समुप्पण्णो सुभाणु-घरिणीए भाणुस्स उवरि सिणेहाणुबंधो । पुलोइओ साहिलासाए दिट्ठीए । पयट्टो अणायारो। आगओ गामंतराओ सुभाणू । विण्णाओ एस वइयरो सामण्णेण वयणाओ। न सद्दहियं तेण।
अण्णया अप्पणा पच्छण्णं निरूवियं तेण। दिलृ ताण दुच्चरियं । ठिओ आयारसंवरं काऊण सुभाणू। खंडिया पुव्वपडिवत्ती। पयणुईकओ पणओ। उवयरइ विसेसेण भाणुप्पहा । तहा वि मंदसिणेहो चेव सुभाणू । जओ । नेहस्स विरोहियसंधियस्स पच्चक्ख दिढविलियस्स । उदयस्स व ताविय-सीयलस्स विरसो रसो होइ ।४३५।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |