Page Text
________________
२८६
मणोरमा-कहा
आणियं सव्वं जहा घोडगस्स दिळं तहेव सम्बं कयं। विण्णत्तो सेट्ठी-चारियं हरियं दंसियं पाणियं तओ भणिया सेट्ठिणी मुद्धडेण-"मुंचह मं। पउणो सेट्ठी। एत्तियं वेज्जयं"। विसज्जिओ गओ मुद्धडो। सेट्ठी वि निरंतराइसार पीडिओ पुणो पुणो परोहडे गंतुमचयंतो गओ उक्कुरुडियाए। खणे-खणे पाउखालयं कुणंतस्स अहिट्ठाणसोहणनिमित्तं डगलाइयं गिण्हमाणस्स वायावणीय-कयवरत्तणओ दिट्ठो सेट्टिणा वत्थंचलो। कढिओ अवाणसोहणत्थं तस्सहियं नियं घरसारं। संजायसंतोसस्स ठिओ विरेओ । गहियघरसारो समागओ नियघरं । सद्दाविओ बंभणो बंभणी य। दिण्णा दक्खिणाए पत्था तंदुलाण, घयस्स लोट्टओ, वत्थजुयलं बंभणस्स, परियट्टओ बंभणीए पसंसिओ बहुजणसमक्खं संति अणेगे निमित्त-वेज्जग-वियाणया परं विजियं तुमए तिहुयणं । तुह संतियं मह घरे दविणं जीवियं च। एवं भणिऊण विसज्जिओ बंभणो। गच्छइ कालो।
___ अण्णया वासारत्ते कोडुंबियघराओ वाडि छेत्तूण नीणिया तेणेहिं बारसगोणया। पभाए कया गवसणा। न लद्धा कत्थ वि पउत्ती। सद्दाविओ मुद्धडो । पुच्छिओ निमित्तं । पउत्तो तेण जहासेसस्स तहा सव्वो पुव्ववण्णिओ विही। केवलं सो अइलज्जाउलो घरे माइ-भइणि-सुया-सुण्हाइयाण लज्जंतो गओ तलाय-पालीए। ठिओ तत्थ। जाया महईवेला। भयिवयव्वयानिओएण मुढदिसायक्का गहिय-गोणया तत्थ] आगया तेणया गोणए दळूण संजायतोसस्स विरेओ विरओ कोडुंबियस्स । जाओ सत्थावत्थो। हक्किया तक्करा पलाणा गोणा मोत्तूण । सो वि पहट्ठमाणसो गहिऊण गोणए समागओ घरं । सद्दाविओ बंभणो पूइओ जहा सेट्ठिणा।
अण्णम्मि दिणे दासीए पुरओ परुण्णा ठक्कुराणी-"हला! अहं पढमं पिया आसि इमस्स ठक्कुरस्स । संपयं अप्पिया। तेण अच्चंतदुक्खिया जओकाऊणं पिउ पणयं पढमं जं कुणइ खंडणं पच्छा । तेण महिलाण दुक्खं जायइ मरणाउ अब्भहियं ।४२३। साणंद-दइय-दिट्ठी-दिट्ठाउ जा जियंति जियलोए। जीयं पि ताण सहलं जीवंत-मयाओ सेसाओ ।४२४।
ता अत्थि को वि उवाओ जेण पुणो वि पिया भवामि ।" तीए भणियं-"अत्थेत्थ मुद्धडबंभणो । सो सव्वं जाणइ तं पुच्छामि ।" गया दासी बंभणघरे । कहियं सरूवं । बंभणेण भणियं-"सव्वं सोहणं भविस्सइ। आणेह एत्थेव । आणिया दासीए। पउत्तो बंभणेण सो चेव विही । किलेसायासद्वाणं पत्ता ठक्कूराणि । पउर-पाउक्खालयपरिक्खीणसरीरा उठेउं न चएइ । जेण अइथूलत्तदोसेण वेसत्तणं पत्ता अवगओ। विण्णत्तो ठक्कुरो अमच्चेण-"न जुत्तमेयं ठाणं । माणुसा परिणिऊण मरणकाले न पडियरिज्जइ।" गो ठक्कुरो तीए घरं । पडियग्गिया संभासिया कोमलवयणेहिं संजायसंतोसा पउणीभूया ठक्कुराणिया । ठक्कुरस्स वि जाओ तं पइ सिणेहो । कया सव्वंतेउरपहाणा संपूइओ पडिपुण्णदक्खिणाए मुद्धडभट्टो। एवं सो कालं गमेइ।
__ अण्णया देसदसणत्थं परिभमंतो सपरिवारो सरयसमए समागओ तं गाम नराहिओ। जाया रायउत्तस्स दारुणी
यणा । पविसंति सत्थविसारया वेज्जा। न जाओ कोइ गणो। आदण्णो राया। सोऊण पसिद्धि सहिओ मद्धडभट्रो। दंसिओ कुमारो । तेण भणियं-“पउणेमि ।" तहेव पउत्तो सव्वो वि घोडयविहि । पउत्तमेत्ते वि मओ कुमरो । कुविओ राया।
माराविओ दुक्खमारेण मुद्धडो । जहा [मुद्धडो] कूडवेज्जएण खयं गओ एवं तुम पि गमिस्ससि जइ न विरमसि ।" भाणुणा भणिअं-"अज्जप्पभिई नियमो मे वेज्जयकरणस्स।" कयाइ मिलियाण जाया धम्मकहा भाणुसुभाणूण-'सोहणं भवइ जइ सविसेसं धम्माणुट्ठाणं किं पि कीरइ' । एवंविह-वासणाए सुत्ता तत्थेव । थेववेलाए वज्जियाई देवमंदिरेसु पाहाय-तुराई । उल्लसिओ रवि-रह-सारही। पणासियतमंधयारा समागया दिवसलच्छी। रुंटत-भूरिभमर-भर-भज्जमाण-वियसिय-दलदसणिज्ज-सोहा जाया कमलायरा । कय-गोस-किच्चा चलिया उज्जाणाभिमुहा ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |