Page Text
________________
मणोरमा कहा
को तस्स अहव दोसो, नियपयई चेव अणुसरतस्स । दुद्ध - महुसित्त- मूलो वि, होइ किं महुरओ लिंबो ? ।। २४ ।। ताचि तस्स कहा, न तेण मह एत्थ किंपि कज्जं तु । अब्भत्थिओ वि वंको, बीआ-चंदो व्व सो जम्हा ।। २५॥ पुव्वायरिय - विणिम्मिय-कहा- पबंधाऽमयम्मि विज्जते । कलुस - जलम्मि व विबुहाण, माणसं कह रमेज्जेत्थ । २६ । तह विममाओवि जडा, जयम्मि दीसंति पाणिणो केइ । तेसि विणोयणट्टा, नियचित्त-निरोहणट्ठा य ।। २७ ।। एसो कहा- पबंधो, कओ मए मंद बुद्धिणा वि दढं । कत्थइ चरिय-समेओ, कत्थइ पुण कप्पियाणुगओ ||२८|| अहवा सव्वं चरियं न कप्पियं किंपि अस्थि भुवणम्मि । जमणंते संसारे, तं नत्थिह जं न संभवइ ।। २९ ।। नरसीह - नरिंदेणं, रंभावलिए य गुण - पसंसाए । जह संपत्तं बीयं, तह भणिमो अवसरे पढमे ||३०|| बीयावसरम्म पुणो तारावलि तह समुहृदत्तेहि । जह पत्तं सम्मत्तं सवित्यरं तं तहा भणिमो ।। ३१ ।। तइयावसरे रयणप्पहाए, सह भूरिवसुमच्चेण । विरयाविरई लद्धा, जह तह सव्वं भणीहामो ||३२|| जह सूरसेण राया, मणोरमा तस्स चेव जह देवी । पडिवज्जियं पवज्जं उप्पाडिय केवलं नाणं ॥ ३३ ॥ निव्वाणमुवगयाई, तह भणिमो अवसरे चउत्थम्पि । एवं कहासरीरं, मनोरमाए वि णिद्दिट्ठ ।। ३४ ।। इह चउगइह-पहिया, कम्म-भर-पणोल्लिया बुलुढुलिता । सिवपुरि-पह पाहेयं, अलहंता धम्मवर - रयणं । ३५ । चुलसीइजोणि- लक्खेसु, तिक्ख दुक्खेहिं दुखिया दीणा । रीणा तह वुण्णमणा ताथा रमविदमाणा य ।। ३६ ।। अकय-परलोय-मग्गा, परव्वसा हिंडिऊण संसारं । आरिय-देसे कह वि हु लहंति मणुयत्तणं जीवा ।। ३७ ।। पत्तं पि अपत्तसमं, पुरिसत्थ-विवज्जियाण मणुयत्तं । छालिय-गल-धणयाण व अहलिय- जम्माण पुरिसाण ।। ३८ ।। बंमंडोदर संठिय-मसग सरिच्छेहि दिनट्ठेहि । संखा - पूरणपुरिसेहि, अहह कि तेहि जाएहि ? ॥३९॥ जे पुण धम्मत्थई, विहलुद्धरणेण पत्त- माहप्पा | देव - गुरु-भत्तिमता, सहलो जम्मो जए ताणं ॥। ४० ।। जओ-
२
जम्माण गणिज्जइ, सकयत्थं जीवियं जए ताण । जे जणणि जणय - गुरु बंधवाण, हिय इच्छियकरा उ । ४१ ।। एवंविहा उ पुरिसा, पुरिसत्य - पसाहगा निओगेण । पुरिसत्थेसु य पवरो, धम्मो धणियं दयासारो ॥ ४२ ॥ सो कहिओ नज्ज, धम्मत्थीहिं पिपायय-नरेहिं । ता तस्स कहा- कहणे, समुज्जमो एस मह जाओ ।। ४३ । अह भणसि दुक्करो खलु, धम्मो कह तीरए करेउ जे । सच्चं कुपुरिस - किविणाण दुक्करो न उण वीराण ।४४ ।।
------
गिरिमुद्धरति परंति य सायरं महियलं पि लंघति । तं नत्थि जए वित्थिष्ण - साहसा जं न साहिति ॥ ४५॥ ता परिसाए धम्मो, अगिलाए चेव परिकहेयव्वो । जम्हा परोवधारो, परमो भणिओ जिणिदेहि || ४६॥ परिसावितिहि भेया, जहष्णिया मज्झिमा य उक्कोसा । दुविधड्ढ - अजाणिय- जाणिया य कमसो मुणेयव्वा ॥४७॥ दुहं परिकहियव्वा, परिसाणमुवट्ठियाण धम्म- कहा । कुग्गहगह संगहिया, दुवियड्ढा वज्जणिज्जा य ॥ ४८॥ सोयव्वं पुण पासे गुरुणो सिद्धतसार कुसलस्स । उस्सग्गववाय वियाणगस्स समसत्तु - मित्तस्स ।। ४९ ।। . अहिणि गमावण्णणेक्करसियस्त । परहिय - निरयस्स सया, संसारुव्विग्ग - चित्तस्स ।। ५० ।। धम्मम्म होइ थिया, तत्ताण विणिच्छओ विसेसेणं । नव-नव-संवेगो वि य, सुगुरु- समीवे सुणंतस्स ।। ५१ ।। एवं च होइ सहल, पत्तं मणुयत्तणं इहरहा उ । जलनिहि - निवडिय रयणं व दुल्लहं मंद- पुण्णाण ।। ५२ ।।
Jain Education International 2010_04
-
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |