Page Text
________________
तइय अवसरे भूरिवसू-रयणप्पहा भववण्णणं
२५५
एत्थंतरे निवडिओ भवियव्वया-निओएण वलहरणाओ मुह-गहिय-घर-कोइलो ससुरभायणोवरि सप्पो। उसिणपायस-परियाव-पोडिएणमुक्को सप्पेण घर-कोइलो। पक्खित्तो ससुरेण कवल-गहणनिमित्तं भाषणे हत्थो। डक्को भुयंगमेण ।' खद्धो-खो' त्ति पोक्करियं तेण । आणीओ पईवो । दिट्ठा भायणमज्झे मुक्कजीविया घर-कोइल-भुयंगमा । विसवियार-विघायणसामग्गि कुणंता[ण] चेव [ताण] उवरओ [सो] बंभणो। अक्कंद-सह-भरिय-भवणोयर : कयं उद्धदेहियं । सक्कारियं तक्कडेवरं। विस्सरं विलवंताण वोलीणाणि तिणि दिणाणि। विणा वि. कलत्तेण पडिनियत्तो धणचंदो। चितियं चाणेण-"महाणत्थपरंपरा-निबंधणं रयणिभोयणं । धण्णा लच्छो - जीए तबिरई कया ।" एवं वियप्पंतो पत्तो सनगरं। पविठ्ठो नियमंदिरं। दिट्ठो विसायमावण्णो धणावहेण, वज्जरिओ य-"वच्छ! किण्ण आण या घरिणी। किं वा विसण्णो विय लक्खीयसि?" साहिओ तेण सवित्थरो ससुरमरणपज्जवसाणो बइयरो। निदियं राइभोयणं । पसंसिया लच्छी। ठिओ मोणेण धणावहो।.
अण्णम्मि दिणे तत्थ समागओ अइसयनाणी सूविवेगो नाम आयरिओ । गया तव्वंदणानिमित्तं नागरजणा । जिणधम्माभिमुहमाणसं दठ्ठण धणचंदं जंपियं लच्छीए-“जइ. भे धम्माधम्मवियारेणेच्छा तो गम्मउ सूरि-समीवे विवारिज्जउ धम्मतत्तं ।" पडिवण्णमणेहिं । गया समं जिणमईए । वंदिया सरिणो । सूया धम्म-देसणा । भाविया माणसे । पडिवण्णो सम्मत्तमूलो देसविरइधम्मो। वंदिऊण सूरि समागया नियमंदिरं । मासावसाणे विहरिया अण्णत्थ सूरिणो । सुविसुद्ध-सावयधम्म-परिपालण-परायणाण धणावह-धणचंदाण बच्चइ कालो । सुसंतुट्ठो धणचंदो । लोभाभिभूआ धणावहो चितेइ अत्थोवज्जणोवाए । . अण्णया भणिओ तेण धणचंदो-“करेमो भंडसंगहं ।" धणचंदेण भणियं-"महग्याणि संपयं भंडाणि न दिति सुरक्खियाणि वि लाभं ।". तेण भणियं-"तहा करिस्सामि जह समग्घाणि भविस्संति । तओ [धणावहेण] मायाबहुलेण कया अलिया परचक्कागमणवत्ता । पसरिया सव्वम्मि नयरे । एयस्सेव अत्थस्स संवायणत्थं विरुद्धा रायकूडलेहा लिहिऊण नियपुरिसेहिं छड्डाविया रायपहे । दिट्ठा तडाणागय-रायगुज्झगे। वाइयं उरिमनाम-पयं । दिह्र अमच्चनामं । संगोविओ लेहो । दंसिओ राइणो । तेण रहसि वाइओ जहा-"स्वस्तिश्री नागपुरात् श्रीमदरिमर्दननराधिपो यत्रस्थममरगुप्तमंत्रिणं संबोध्य वदतिकुशलं । नः सर्वप्रयोजनेषु प्राप्तो युष्मत् प्रहितो लेखः प्रभूतं च कार्यमिदं । कतिपयदिनमध्ये वयमागमिष्यामो । भवतापि राज्ञः प्रति सर्वेपि सामंता विमुखी कार्या । हस्त्यश्वसाधनचिंतका अपि भेदक्षमा धार्या इति ।" लेहत्थं संपहारिऊण संखुद्धचित्तेण सद्दाविओ मंती राइणा । सुणाविओ लेहत्थं । मंतिणा भणियं"अबद्धमूलो [एस] लेहो । कवडं केण वि कम्मवियं । नाहमेयस्स कम्मणो कारी।" राइणा भणियं-"को एत्थ परमत्थो?" तेण भणियं-"सुज्झामि ।" रण्णा भणियं-"पच्चक्ख-लेहे का सुद्धी ।" सव्वस्स-हरणो काऊण मक्को अमच्चो । दाविओ सम्वमि नयरे डिडिमो । भणिओ लोगो-“भो भो नायरया पंचदिणमझे सारधणं घेत्तुण कुंडलि-सिहरि-सिहरे समारुहियव्वं ।" अप्पणावि गहियकरि-तुरय-साहणो गहिऊण भंडारं पव्वयमारूढो । राया-रहियं -हल्लोहलियं नयरं । भीयाभंडसालिया । समग्घीयाणि भंडाणि । धणावहो वि अइसमग्घाणि गिण्हइ । कओ तेण महल्लो संगहो । पहाणभंडभरिया तोलिऊण मुक्का अणेगे हट्ट-घरा । अप्पणा वि जणेण सद्धि समारूढो पव्वयं । ठिओ सत दिणाणि समं नायरएहि पब्वयसिहरे राया । तओ पेसिया पच्छण्णा पासंडवेस-धारिणो चरा-विवक्खनरवइनयरे मणिय परमत्था] समागया कइवय दिणावसाणे पुच्छिया राइणा-"किं तत्थ वट्टइ ?" तेहि भणियं-"महाराय ! सघरे चेव तस्स राइणो जेट्रपुत्तजवराएण सह विरोहो। अलियं केण विभय-कारणं देवपायाण निरूवियं । काऊण मलद्धि कीरउ तस्स निग्गहो । एयं सोऊण उत्तिण्णो राया पव्वयाओ । समागया लोया । पारद्धो ववहारो वणिएहिं । धणावहो वि । जं दसहि गहियं तं सएण देइ । एवं ववहरतेण तेण संपिडियं भूरिदविणजायं ।
- अण्णम्मि दिणे सुहनिसण्णो पुच्छिओ धणचंदेण-"कहं तए नायं जहा समग्घी भविस्संति भंडाणि । कहं वा गहणसाहसमणुट्ठियं ?" तेण वि ईसि हसिऊण साहिओ सव्वो वि जहट्ठिओ नियवइयरो । धणचंदेण भणियं-"न सोहणं तए कयं । एगं ताक मूलालिय-विरइ-वयं खंडियं । बीअं रायविरुद्धमायरियं ।" तेण भणियं-“वयभंगपायच्छित्तं
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |