Page Text
________________
२५४
मणोरमा-कहा
परिहरिऊण अधाऊं [धाउ] बलगसंगहं करेमाणो । धाउवाइय पुरिसो न दोसवत्तव्वयमुवेइ ।।७६।। बीयाबीए नाउं मोत्तुमबीए य करिसओ बीए । वावइ रोहणजोग्गे न तस्स सो पक्खवाओ उ ॥७७॥ कंकुडए को दोसो जं अग्गी तं न पश्यदिण्णो वि। को वा इयरे रागो पयणसहावग्गिमुग्गम्मि ॥७॥ गयलवखणे कुमारे सलक्खणे पुच्छिओ नरवइस्स। जइ साहइ सामुद्दो किं सो विसमो त्ति वत्तव्यो ॥७९॥ जइ सुमिण[स]त्थकुसलो जहट्ठियं कहइ सुविणयस्से फलं । रत्तो त्ति वा दुट्ठो त्ति वा किं सो वत्तव्वओ होइ ८० एव मज्झ वि पिययम ! जहट्ठियं [सग्ग]सिवसुहकरेंति । जिणसासणं भयंतीए नत्थि रागो ण वा दोसो॥८१॥ वत्थसहावो एसो जत्थ दया विसयणिग्गहो जत्थ। सो धम्मो सो हु तवो सेसो संसारमग्गो त्ति ॥२॥ निसिभोयणम्मि दोसे समासओ संपयं निसामेहि । न य निद्दोसं वत्थं को वि सयणो परिहरेइ ।।३।। निसियर-भूय-पिसाया[ णिसाए] हिंडंति अक्खलियपयारा । उच्चिट्ठमण्णमएहिं कहणु भोत्तन्वयं होइ ।।८४॥ चिट्ठउ ता परलोगो रयणीए भोयणं कुणताण । इहलोए वि अणत्था विछुअसप्पाइसंजणिया ॥८॥ जइ वि हु पिवीलिगाई दीसंति पईवजोइ उज्जोए । तह वि तस-थावराणं सुहुमाणं] सणं कत्तो।८६॥ संति संपाइया सत्ता अईसा मस-चक्खुणं । तेसि संरक्खणट्ठाए वज्जियं निसिभोयणं ॥८७।। भणियं चजइ वि हु फासुयदव्वं कुंथूपणगाइ तह वि दुप्पस्सा । पच्चक्खनाणिणो वि हु राईभि]त्तं परिहरंति ।।८।। हंसाइ पक्खिणो वि हु गयाइणो पसुगणा वि पाएण। अथम्मिए दिवसयरे भोयणरहिया परिवसंति ।।८९।। भुंजामो भुंजामो त्ति जे मणे चिंतयंति रयणीए। वायाए भणंति इमं काएण तमेव कुव्वंति ॥१०॥ पसुधम्मो वि न ताणं नराण निन्नट्ठसिट्ठचिट्ठाणं । दूरे दुग्गईहरणो जीवदयालंकिओ धम्मो ।।११।। जह आरंभा पिययम ! पाएणं सूर-सक्खिया सव्वे । तह भोयणं पि जइ को वि कुणइ का वारणा तत्थ ।।१२।। अण्णो वि हु एस गुणो रयणीभत्तं विवज्जयंताण । उववासेणं अद्धो जम्मो वोलेइ मणुयाण ॥९३।। रक्खसभुत्तं भत्तं रयणीए ण संगयं भवइ भोत्तुं । अण्णेसि पि नराणं विसेसओ सोयवाईणं ॥९४॥ तम्हा दिणयरदिठें अट्ठमभाए दिणस्स भुंजतो। इहलोए परलोए जीवो सुहभायणं होइ ।।९।।
एवं सोऊण पडिवणं धणावहेणावि भावसारं निसिभोयणविरई। वच्चई कालो।
अग्णया भणिओ धणचंदेण धणावहो-"विणासियं लच्छीए अम्हाण घरं । न वयं सुद्दा न बंभणा। सहियं [मए एत्तियं] कालं, संपयं नियाणमेयं-लच्छि वा परिहरसु पुढो वा भवसु ।" उभय पक्खसमाहाण]करणासमत्थो अज पिरो चेव ठिओ धणावहो । पुणो पुणो भणमाणेण भणिओ धणचंदो धणावहेण-“वच्चसु ताव ससुरकुलं आणेसु निय परिणि पच्छा जहाजत्तं करिस्सामो।" 'संगयमेयं' ति। पडिवण्ण धणचंदेण। गओ ससुरकुल। तम्मि य माहमासेसोहग्ग-सत्तमि दिणाओ समारब्भ सोहग्ग-निमित्तं रयणि-चरिम-जाम-महत्तमेत्तकालं आकंठजलावगाहेण सग्गाहारेण य] हरवल्लहाराहणनिमित्तं ठिया सत्त-दिणाणि धणचंदसालिया । सत्तमो सो वासरो । पडिवण्णतवविसेसाए पारणय-निमित्तं पारद्धो समारंभो । तत्थ पुण एस कप्पो-अखंड-सालि-तंदुलेहिं तव्वेल-दुद्ध-पारिहट्टखीरेण रद्धो पायसो महुणा सह पईवाइ-वज्जियाए रयणीए भोत्तब्वो। धणचंदो वि धरिओ सव्वदिणं निरसणो! समागया रयणी । भोयणथमवट्रियं सव्वं पि कुडुबयं । निवेसियं पंतीए मूले निसण्णो समं ससुरसालएहिं धणचंदो । परिविट्ठो महुणा सह पायसो । करपरामरिसेण भुंजिउमारद्धा।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |