Page Text
________________
तइय अवसरे भूरिवसू-रयणप्पहा भववण्णणे बीयाणुव्वयफलं
२५३
आणंद-विवस-विलसिरसरूवजण-विजय-सग्ग-सोहग्गं । सोहग्ग-समुद्धरमत्तकामिणी जणियजणमयणं ।।७२।। मयणमहाभडमाहप्पदलणसोडीर-मुणिजणाइण्णं । मुणिजण-आइण्णायार-सवण-तल्लिच्छ-धम्मियजणं ॥ धम्मिययणकयावास-जिणमंदिर-सिहररुद्धगयणग्गं । गयणग्गलग्गपासाय-पति-पायडिय-वरविहवं ।।७४।। वरविहाव]लोहवाणियविवणिट्ठियदीसमाणपवरकुसं। 'कुस-करं वड्याइण्णं कुसत्थलं नाम नयरं ति ॥७५।।
तत्थ य सबल-माहण-पहाणो पुरिसोत्तिमो नाम माहणो परिवसइ। धणावह-धणचंदा से पुत्ता। परिणीयाओ तम्मि चेव नयरे सिरिहर-सिरिदेवाभिहाणाण बंभणाण धूया लच्छि-लच्छिमइ नामाओ।
अण्णया मरणपज्जवसाणयाए जीवलोयस्स उवरओ पुरिसोत्तिमो। कय-मय-किच्चा विगय-सोगा घर-वावारं चिंतिउमारद्धा धणावह-धणचंदा । चंदस्सेव चंदिमा, महुमहणस्स वि लच्छी, अच्चंत-वल्लहा धणावहस्स लच्छो । तीए पुण जिणदत्त-सावय-सूया जिणमई नाम बालवयंसिया ।
अण्णम्मि दिणे गया जिणमईभवणे लच्छी । कयसम्माणा तीए दिण्णासणे निसण्णा लच्छी । ठियाओ परोप्पर संकहाए खणमेगं । तओ उद्विया जिणमई। पुच्छिया लच्छीए-"पियसहि ! किं निमित्तं कहारसविच्छेयं काऊण लहं चेव उट्ठिया ?" तीए भणियं-“चाउम्मासियं पव्वदिणमज्ज। गंतव्वं मए साहुणि समीवे। गहियव्वं चउविहाहारस्स अहोरत्तपच्चक्खाणं। कायव्वं पोसहाइयं पव्वदिणाणदाणं । साहेयव्वो दयासारो जिणप्पणीओ धम्मो।" लच्छीए भणियं-"अहं पि तए सह समागमिस्सामि धम्मसवणट्ठा।" जिणमईए भणिअं-"को कल्लाणे विरोहों" ? गयाओ कल्लाणसिरिगणि[णी]समीवं वंदिया । गणिणी। संभासिया विसेसेण लच्छी । पयासियं गुरुदेव-धम्मतत्तं। उभयलोग-दहावहं दंसियं निसिभत्तं । पसंसिया वित्थरेण धम्म-तरुबीयभूया नरामर-सिव-सोक्खसाहिगा जीवदया। लच्छोए भणियं-"भयवइ! सोहणो धम्मो। सोहणतरं सम्मत्ताइ-धम्मसाहणं। देसु मे [सम्मत्तपुरस्सरं] निसि-भोयणनियमं । अण्णे वि मह-मज्ज-मस-पंचंबरिपरिहारप्पहाणे नियम-विसेसे । गणिणीए भणियं-"धण्णा तुमं जीसे सुइसवणे वि एरिसी सद्धा । विसेसकज्ज वज्जिऊण दिण्णो सम्मत्तमूलो निसि-भोयण-नियमो । ओसहाइकज्ज परिवज्जिऊण दिण्णा महु-मज्जाईण नियमा । गहिया सारं। भयवईए भणियं-"पडिवण्ण-नियमपरिपालणे पयत्तो कायव्वो।।" लच्छोए भणियं-“भयवइ! जहा-सत्तीए जइ. स्सामि।" वंदिऊण गणिणि चलियाओ सघराभिमहं। जिणमईए भणिय-"पियसहि ! धण्णा तुम जीए अणेगभवकोडी. समज्जियासुह-कम्म-कंदुक्कंदण-कुद्दालकप्पो जिणधम्मो पडिवण्णो। अज्ज मह तए सह भावसारो सहिभावो।" एव. मुवहणापुरस्सरं धम्मे थिरं काऊण लच्छि गया जिणमई नियमंदिरं । लच्छीए वि गंतूण साहिओ धणावहस्स जिण. धम्मपडिवत्तिवइयरो । कालीकय-वयण-कमलो अदिण्ण-पडिवयणो अहोमुहो ठिओ एसो । अट्ठमभाए दिवसस्स कय वेयालियं लच्छीए। गच्छइ पइदिणं जिणमंदिरे समं जिणमईए। पज्जुवासेइ जइजणं । जाया निच्चलमाणसा जिणधम्मे न करेइ मिच्छदिदिकज्जाणि, न वंदेइ अण्णतित्थिय-देवयाणि । न नमसइ परपासंडिणो। अहिगय-जीवाजीवा, उवलद्धपुण्णपावा, निग्गंथे पावयणे गहियटा य विणिच्छियट्ठा, अयमाउसो निग्गंथे पावयणे अठे, सेसे अणठे, अट्ठिमिंजपेमाणु रागरत्ता अट्ठमि-चाउद्दसि-उद्दिट्ठ-पुण्णमासिणीसु पडिपुण्णं पोसह पालेमाणी, समणे निग्गंथे फासुएणं एसणिज्जेणं असणपाण-खाइम-साइमेणं वत्थपडिग्गह-कंबल-रओहरणेणं पीढ-फलग-सेज्जा-संथारएण पडिलार्भमाणी कालं गमेइ ।
- असम्मय मेयं धणावहस्स। परं अइसिणेहलंघिओ न कि पि जंपेइ। एगम्मि दिणे भणिया धणावहेण लच्छी"पिए ! जिणसासणमेव सग्गापवग्ग-कारणं तब्विवरीयाणि सेसाणि जं भणेसि, तं ते राग-दोसविलसियं ति संभाविज्जइ को वा दोसो रयणि-भोयणे जेण न भुजिज्जइ?" जिणसासण-कुसलाए तत्तो निच्चलमणाए निस्संकाए भणियं-"नाह ! निसामेसु एगमणो-- १. कसक्करुवडुया० आदिनाथ चरित्रे
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |