Page Text
________________
तइय अवसरे समुद्ददत्तस्सभवंतरे भूरिवसु-रयणप्पहाभववण्णणं दंसिओ तेण अप्पा। साहिओ नियकुलक्कमों। पयडिओ अणुराओ। वयणमेत्तेण वि अकयपडिवत्ती पओससमावण्णो रयणप्पहाए। गओ सट्ठाणं विज्जाहरो। छिद्दनेसणपरो कालं गमेइ।
इओ य वसुसारमंतिणा विण्णाय नियपुत्ताभिप्पाएण मग्गिया रयणप्पहा । दिण्णा पुण्णसारखेयरेण । कयं उभयवग्गस्लोवधामणोरहमालासएहिं पत्तो परिणयणवासरो । एत्थंतरे कामंकूरविज्जाहरेण अंतरं लहिऊण अवहरिया रयणप्पहा। इओ तओ गवेसयंतेण जाहे न दिट्टा पिऊणा ताहे साहियं मंतिणो। तेण वि गवेसाविया सव्वत्थ । न नाया पउत्ती वि। तओ उव्वेयमावण्णा दो बि पक्खा । बोलीणो वासरो। समागया रयणी । भूरिवसू वि कलत्तहरणसंजाय-वेमणस्सो, विच्छाय-वयण-कमलो, पिययमाविओग-जलण-जालावलीकरालिय-सरीरो, कोमल-पल्लंके वि तलोविल्लि कूर्णतो, खणमेत्तं पि अलद्धनिद्दी, परिपंडुर-वयणो, रयणिजागरणायंब-लोयणो, दीहुण्हाणि नीससंतो, कह कह वि विगमिऊण रयणी सविसाओ निग्गओ नियमंदिराओ । दिट्ठो वसंताभिहाणेण वयंसएण । लग्गो सो वि तयणुमग्गेण । मिलिओ थेवंतरगयस्स, पूच्छिओ तेण भूरिवसू-"वयंस ! कहिं तुम एगागी पत्थिओ?" अदिण्णपडिवयंणो चेव चलिओ दक्षिणाभिमुहं । कइवयदिणेहि पत्तो समुद्दोवकंठं । निसण्णो कयंब-छायाए। वसंतेण वि समाहरियाणि कयलफलाईणि । भुत्ताणि दोहि वि । सम्माणियं अल्लय-पूइफलेहिं तंबोल । सुत्ता तत्थेव । दीहद्धाण-परिक्खिण्ण-सरीरत्तणो समागया निद्दा ।
एत्थंतरे इओ तओ परिब्भमतो समागओ तं पएस कामंकुरविज्जाहरो । दिट्ठो तेण वसुभूरि, णाओ य । चिंतियमणेण-"जावेस [जीव] इ, न ता ममं इच्छइ । अओ एयं निन्नट्ठ-नामं करेमि'त्ति संपहारिऊण उक्खित्तो भूरिवसू विज्जाहरेण । नीओ समुद्दमझ-संठिय-सुवज्जषव्वए । बंधिऊग कर-चरणेसु, आरोविऊण सुनज्ज-सिहरि-सिहरे मुक्को भरिवसू । कयत्थमत्ताणं मण्णमाणो गओ सटाणं कामंकुरदिज्जाहरो । ईसि हसिऊण जंपियं तेण रयणप्पहाए पुरओ"दिणावसाणे दिणयरो व्व अत्थमिओ ते पिययमो।" रयणप्पहाए भणियं-“कहं ?" साहिओ तेण जहट्ठिओ वइयरो। भणिया य 'इच्छसु ममं सपयं' ति चिंतियमणाएपियविरहो अप्पिय-दसणं च गरुयाइं दो वि दुक्खाई। ता कि करेमि संपइ एसो एवं पयंपेइ ॥३॥ ... मरणे काऊण मणं रोसारुणनयण-वयण-कमलाए । कंपतोट्ठउडाए पयंपियं तीए मद्धाए ॥४॥ रे पावकम्म ! निग्घिण ! मज्जाय-विहीण ! हीण ! गय-लज्ज ! दुट्ठायार ! नराहम ! मह कज्ज न हु
तए किपि ॥५॥ एवंविहकडुयवयणेहिं निभच्छिओ समाणो दढयरं पउट्ठो कामकुरो। चितियमणेण-"एसा वि पावा गच्छड जममंदिरं ।" बद्धा मोत्तोलीए । नीया सायरवेला संठिय सत्तसिहरिपव्वयं । उड्ढ वेहायसं गंतूण 'सयसिक्करा एसा
। मुक्का पव्वयसिहरोवरि रयणप्पहा । गओ सट्टाण विज्जाहरो। सा वि नहलाओ निवडती चेव गहिया विज्जुवेगविज्जाहरेण आणीया सत्तसिहरिपव्वयं । मुक्का पुण्णागतरुच्छायाए। पुच्छिओ विज्जवेगो रयणप्पहाए-“भाउय ! को एस पव्वओ? को वा तुमं निक्कारण-बंधवो? किं वा हं तए मरणाओ विमोइया ? कहसु ।" तेण भणियं-“भइणि ! सत्तसिहरी नामपव्वओं। विजुवेगाभिहाणो अहं विज्जाहरो। एत्थेव पव्वए पण्णत्ति-विज्ज साहतेण विज्जुक्लिासविज्जाहरेण घउसु वि दिसासु चउ-जोयणमित्तै मारिनिवारणं नियविज्जाहरा संदिट्टा। दिट्टा य मए तुम नहलाओं निवडमाणी । अंतरा चेव झल्लिऊण इहाणीया । संपयं तुम साहेसु का तुम ? किं-निमित्तं वा एयमवत्थंतरं पाविया?" वाहाविल-लोयणाए साहिओ तीए तस्स पुरओ जहट्टिओ सव्वो वि नियवझ्यरो। तेण भणियं"न तए खिज्जियव्वं । अहं ते सहोयरो। जे भणसि तं करिस्सामि।" तीए भणियं-“जइ एवं तो तहा करेसु जहा बयविसेसं किं पि काऊण परलोग-साहिगा भवामि । अलं में सुमिणय-संगम-विब्भमेण संसारिय-सुहेण ?" तेण भणिओ"उचियमेयं संसार-समावण्णगाण परम-विवेय-जुत्ताण पाणिणं । परं विसमा कम्मपरिणइ । दुह-भंजणिज्जाणि पियजणसिणेह-नियलाणि । निय-नियविसयलालसाणि दुद्दमाणि इंदियाणि । अणाइभवब्भासओ निरुब्भमाणं पि पयट्टइ विसएसु
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |