Page Text
________________
समुहृदत्तस्स भवंतरे भूरिवसु - रयण पहाभववण्णणं ।
भणियं जं भणियव्वं तारावलि तह समुहृदत्तो य । भूरिवसू - रयणप्पहा संपइ एयं निसामेह || १ ||
अत्थि इहेव जंबुद्दीवे भरहखेत - विक्खंभ-विब्भमकारि, चंदनिम्मल-मनोहर-रययमय ब्भंलिह-सिहर-संचय संरुद्धजय मंडलो, पुव्वावरेण लवण-सागरमोगाढो, वेयड्ढो नाम पव्वओ । तस्सोकरि दृष्णि विज्जाहरसेढीओ उत्तरी दाहिणा म तत्थुत्तरसेढीए अस्थि समत्थसुरसत्थ - विज्जाहर- माणसानंदकारणं, निवासो सयलसमिद्धि-समुदयस्स, वावि-सरोवरुज्जाणाराम-काणण-दीहियासयकलियं, सुविभत्त-तिय- चउक्क- चच्चरोवसोहियं, तिथ[स]रूव विणिज्जियागंग-सुविज्जविज्जाहर पूरियं, नहसुंदरं नाम नयरं ।
जस्स य पेरतेसु पइव्वया जणमणो विय पर पुरिसालंघणिज्जो पायारो, गिरिकंदर व्व सीहवरालय-समद्धासियाई दुवार- तोरणाई जंबुद्दीव व लवणसमुद्दवेला वारिपूर- पूरिया समंतओ पायारं परिवेढिया ठिया परिहा । सरयब्भबिन्भमा अब्भंलिहा पासाया ।
गुरुविकरणकलिओ गुणानुरागी कयण्णुओ सरलो । परहिय-रओ सुसीलो जम्मि जणो गुणनिही वसई | २ |
तत्थ य अखंड-पाव - परितावियासेस सामंतमंडलो आखंडलो नाम विज्जाहरराया । तस्स य दीणानाह किविणजण वच्छलो बंधुयण - कुमुयसंड- ससहरो नियबुद्धि-विहव-विणिज्जिय-विहप्फई तिवग्ग-संपायणरओ वसुसारो नाम मंती । समाणकुलसीलसालिणी परमरुव-समद्धासिया कणयसिरी नाम भारिया ताण व परोप्परं अदिट्ट - विओगं पणट्टमोगं सिणेहतारं विसय सुहमणुहवंताण वच्चइ कालो ।
अण्णा अवच्चचिताउला विमणदुम्मणा दिट्ठा वसुसारमंतिणा कणयसिरी । पुच्छिया य- "पिए ! किमेवमुव्विग्गा far लक्खीयसि ?" तीए भणियं "अज्जउत्त ! असंजायपुत्तभंडा बहुजणसमाउलं पि सुण्णमिव जयं मण्णामि ।" मंतिणा भणिय - "पिए ! परिचयसु विसायं । कुणसु धम्मायरं । देव-गुरु-पाय-पूया-रयाण सुय-सामग्गी वि न दुल्लहा ।" 'जमज्जउत्तो समाइसइ'त्ति भणिऊण गया सद्वाणं ।
तओ चेव दिवसाओ आरम्भ जाया धम्मपरायणा । अण्णया सो समुद्ददत्त जीवो चइऊण तओ देवलोगाओ समुपण कणयसिरीए कुच्छिसि पुत्तसाए । दिट्ठो य तीए चेव रयणीए सिमिणयम्मि केलास - सिहरसणिहो, सत्तंगपट्टिओ, लीलावस-मंथरगई, अणवरय-गंडस्थल- झरंत-मय- वा रिसित्त-धरणीथलो, पढमपाउसो व्व गहिरं गुलुगुलितो, सिय- चारुचामर-भूसियाणणो, अंकुशक्कतकुंभत्थलो, घुम्मं तचारुलोयणो, सव्वंग सुंदराभिरामो, मत्तगयवरो वयणेणं उदरं पविसमाणो । पासिऊण तं सुहविउद्धार साहिओ मंतिणो । तेण वि समासासिया पहाणपुत्तजम्मेणं ।
तओ सा भत्तार वयणमभिनंदिऊण पट्टमुह-पंकया जाया । विसेसेण धम्म-कम्म-निरयाए सुहं सुहेण गब्भं वहमाणीए पत्तो पर समओ । पसूयाए सा जाओ पुत्तो । कारावियं महया विच्छड्डेण वद्धावणयं । मासावसाणे पट्टावियं दारयस्स नामं भूरिवसू । कमेण पवमाणो जाओ अट्ठवारिसिओ । समप्पिओ लेहायरियस्स । कयं कलागहणं ।
एत्यंतरे सा वि तारावली-जीवो तओ देवलोगाओ चविऊण समुप्पण्णा तम्मि चेव नयरे पुण्णसारखेय रस्स कणगमालाभिहाणाए खेरीए कुच्छिसि धूयत्ताए । उचियसमए जाया । पइट्टावियं नामं रयणप्पहा । तओ कमेण पत्ता जण-मणहरण- हेऊ भूयं जोव्वणं । दिट्ठा उज्जाणगएण सहिअण-सहिया उज्जाणसिरि समालोययंती भूरिवसुणा । सो तीए । परोप्परं संजाय - सिणेहाणुबंधाई पुणरुत्तं नियंताणि खणमेगं अच्छिऊण पत्ताणि ठाणं । अण्णोष्णाणुरत्ताण वच्चति दिणाणि ।
अण्णम्मि दिणे दिट्ठा दाहिण सेढिसमागएण कामंकुराभिहाणविज्जाहरकुमारेण कणयकंदुएण कुट्टिमतलंसि कीलमाणी रयणप्पहा । संजायाणुराएण चितियमणेण - 'अहलो मे जम्मो जइ इमीए सह विसयसुहं नाणुभवामि । तओ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |