Page Text
________________
सम्मत्त-लंभो णाम बीओ अवसरो तत्थ य समुद्ददत्तसेट्ठीकहा समत्ता
२४३
एवं सोऊण पडिवण्ण-निरइयार-सम्मत्त-परिपालणाभिग्गहो, सम्म जिणपूया संपायण-समुल्लसंत-विसुद्ध-परिणामो, वंदिऊण पियंकरायरिय-पाय-पंकयं समं तारावलीए पविट्ठो नयरं समुद्ददत्तो । विहरिया अण्णत्थ सूरिणो । जहावसरं तिवग्गसंपायणरयस्स-विसुद्ध-सम्मत्त-परिपालणानिरयस्स ससहरस्स' व समाणंदिय-बंधुयण-कुमुय-संडस्स सरयकाले पत्तो समुद्ददत्तस्स । .
अण्णया दिण्ण-सिहिउलसंतोसो, दिसि-दिसि-दूसह-दूरिय-दहा राराव-भरिय-मेइणीमंडलो, नीडारंभ-समाउलदीसंतवायससमूहो, समागओ पाउसो । समारूढो पणय-कुविय-पियमापसायगत्थ पासा [यस्स] उवरितलं समुद्ददत्तो। निरूवियं समंतओ सिहिगल-गवल-तमाल-दल-सामलं नहयलं । तओ सविम्हयं भणिया तारावली-“पिए ! पेच्छसू घणघणावलि मझेण जंतिया तिहुयण-विजयसमुद्धर-मयरद्धय-हारा य कित्ति व्व साहइ एसा बलाहयवंतिया । तहा उण्णयपओहरियकंबुया इंदगोव-घट्टिल्ला । सेलनियंबा संदरि ! सोहइ वसुहा नव वहु व्व ।।५०१।। पेंच्छसु मयच्छि ! पुरपरिसरेसु पसरंतगयवर-कुलाई । खर-पवण-पहयनिवडियमेहाण व खंड-खंडाई ।। गज्जियरवेण मास्य-डंडप्पहएण पाउस-कुटुंबी । कसिणब्भ-माहिसेणं नह-कप्पं गाहइ पहट्ठो ॥५०३।। दो पक्ख-पाडणीओ लंघियमेराउ कलुस-हिययाओ। दुस्सीलमहेला इव संपइ वड्ढंति सरियाओ ।।५०४।। कालो उत्तासणओ उल्लालितो पुणो पुणो चेव । निसियग्गकत्तियं पिव विज्जु उत्तरदिसाहितो ॥५०५॥ कवलिउकामो तुरियं तज्जितो गहिरगज्जियरवेण । पइविरहियाण सत्थं सुंदरि ! घणरक्खसो एइ ।। धाराकयंबपरिमिलंतअलियवलयगिज्जमाणगुणो । कुडवकुसुमेहि पहसइ सेस-रिउ पाउसो सुयणु ।। घण-घण-छण्णं दद्रूण नहयलं सुणिय सिहिकुलारावं । मणयं न सुयंति जियं पउत्थवइयाओ तरुणीओ।। एक्कुए वालिय नहय बद्दलु अण्णइ जलहर रसइ अस मुद्दलु । सिहि संतुट्ठउ गायइ नच्चइ केम्ब न विरहिणि
जीविउ वच्चइ ॥५०९।। सयलजणजणियहरिससविसेस विइण्णविसमसर-पसरे । जो रुट्ठो सो मुट्ठो पिएसु खलु पाउसे काले ।५१०। एवंविह वयणेहिं सविसेसपसण्णपिययमाए समं । उवभुंजियविसयसुहं परिपालिय आउयं तत्तो ।।५११।। सम्मत्तपहावेणं पंचणमुक्कारमणुसरेमाणो । मरिऊण मज्झिमाऊ ईसाणे (सु] सुरवरो जाओ ।५१२। जम्मंतरगरुयसिणेहनिब्भरा विलविऊण खणमेगं । तेणेव समं तारावली वि जलणे पविट्ठ त्ति ।।५१३।। तत्थेव सा वि जाया उक्कोसाऊ महड्ढिया देवी । नियतिकलावेणं भासयंती दस दिसाओ ॥५१४।। पंचविहविसयसोक्खं उवभंजताण ताण दियलोए । वच्चइ सुहेण कालो परोप्परं नेहजुत्ताणं ।।५१५।। सिरिवद्धमाणसूरिहिं विरइयाए मणोरमा कहाए । दसणलाभावसरो भणिओ य समुद्ददत्तस्स ॥५१६॥
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |