Page Text
________________
२४६
. मणोरमा-कहा
माणसं। भुयाहिं समुद्द-तरणं व अप्पसत्ताण विसमं सुमणि-चरियं अंगीकय-वय-परिपालणं च। इहलोए वणिज्जनिबंधणं, परलोए दुग्गइसंबंधणं च । ता तुलिऊण अत्ताणयं, वियारिऊण धम्म-विसेसं, नाऊण परमतत्तं, जुत्तो एस ते संसारपरिच्चाओ। न उण एवमेव । तीए भणियं-“जइ एवं तो पाणच्चायं केण वि पयारेण विहेमि ।" तेण भणियं-“एयं पि न जत्ति-संगयं, जओ जीवंताण पिय-समागमो संभाविज्जइ मयाण पुण भिण्णगइ-गामित्तणेण विओगो चेव।।
एत्यंतरे फुरियं रयणप्पहाए वाम-लोयणेणं। चलियाओ भुयाओ, पसण्णं माणसं पकंपिओ अहरो। भणिओ तीए विज्जवेगो-“फुरइ मे वाम-लोयणं, आणंद-भरभरियं व रोमंचिज्जइ सब्वंग इच्चाइ सव्वं पि सुहसूयगं पिव लक्खीय।" एवं भणिऊण जावज्ज वि न विरमइ रयणप्पहा, तावागओ भूरिवसु गहाय गीयरुई नाम विज्जाहरो । पुच्छिओ विज्जुवेगेण-"वयंस ! कहिं ते एस पुरिसो पाविओ?" तेण भणियं-"सुवज्ज-पव्वयाओ पडतो।" विज्जुवेगेण भणियं"को एसो? किमभिहाणो वा?" तेण भणियं-"न मे पुच्छिओ।" संपयं पुच्छिओ विज्जुवेगेण । भूरिवसुणा वि साहिओ निय जाइ-कूलाभिहाण-पुरस्सरो समुहवेलोवकंठयं व तरुतलसूयणपज्जवसाणो अत्तणो वइयरो । सुहपसुत्तो चेव केण वि कयंतपुरिसेण व कर-चरणेसु दढं संजमिय पव्वय-सिहराओ मुक्को । उवलाओ भूमिभाए कत्थ वि उच्छुडंतो कत्थ विसम-निवार्य पडतो पणट्ठजीवियासो संचुण्णिय-सव्वंगोवंगो रुहिरोमालिय-सरीरो पत्तो इमिणा तुह वयंसएण । पउणीकाऊण आणीओ तुह समीवे । एयं सुणिऊण समुप्पण्णनिच्छ्याए चितियं रयणप्पहाए-'हियय ! समस्ससिहि, समस्ससिहि, संपयं सो चेव एसो मह मण-मयर-समुल्लास-कारणं नियकुल-नयलचंदमा सुगहियनामधेयो भूरिवसू। साणुकलेण विहिणा कत्तो वि आणीय संजोइओ। - तओ वियसियवयण-कमलं अणिमिसदिट्ठीए भूरिवसु पलोयमाणी दळूण रयणप्पहं पुच्छिया विज्जुवेगेण-“भइणि! किं दिट्ठ-पुब्यो एस ते?" रयणप्पहाए भणियं-“सो चेव एस मह संकप्प-पिययमो।" विज्जुवेगेण भणियं-धण्णा तुम जीए अचिंतिउपिययनेण सह समागमो जाओ । जइ पुण मया हुंता तो कहमिमिणा सह संगमो ? जीजीवंताण नराणं कालेण कयाइ होइ संपत्ती। इट्ठजणेणं सुंदरि ! मयाण पुण संगमो दुलहो ।।७।। अणुकूलविहिवसेणं धरमाणो जीवियं निओगेणं । इट्ठफलेणं जुज्जइ मयाण भिण्णा गई पायं ।।८।।
पियजण-समागमेणं पत्तं तए जं पावियव्वं भणसु जमण्णं पि ते पियं करेमि ।" रयणप्पभाए भणियं-"कारेसु एत्थेव इमिणा सह संखेवेण पाणिग्गहणं।" तहेव कयं विज्जुवेगेण । वित्तो विवाहो । ठियाणि परोप्परं गुणदोस-संकहाए कि पि कालं .
एत्यंतरे दिह्र जलहिमज्झे महावीईहिं बुब्भमाणं, कुविय-वाणमंतर-णिवाइय-सव्व-जणं, जायरूव-भरियं, सुवण्णदीवाओ पडिनियत्तं जाणवत्तं । वेगेण उट्ठिऊण सच्चवियं विज्जुवेगेण । हरिसिय-माणसेण आणिऊण समाप्पय भाए, भणिया एसा-“भाउय-दक्खिणा पडिवज्जउ भइणी !" तोए भणिय-"जं तुम भणसि ।” तओ विउव्वियं तेण वरविमाणं । भरियं सूवण्णस्स। समारोविया तत्थ सम भरिवसूणा रयणप्पहा । अहिट्रियं अप्पणा । खणंतरेण पत्तं वसुसारं [मं]तिमंदिरं विमाणं । भरिऊण भंडारं सुवण्णस्स रयणिमज्झे चेव कयसम्माणो भूरिवसु-रयणप्पहाहि गओ सट्ठाणं विज्जाहरो। पभाए नवकंकण-कलिय-करं दळूण वर-वहू-वरं विम्हिओ सपरियणो वसुसारमंती। सद्दाविओ पुण्णसारो। मंतिणा तस्स समक्खं पुच्छियाणि ताणि । साहिओ तेण पाणिग्गहण-पज्जवसाणो नियवइयरो। पमुइयमाणसेहि काराविओ दोहिं वि नियमंदिरेसु बद्धावणय-महसवो । सुवण्णभरिय-भंडारदसण-विम्हिय-माणसेण विण्णत्तो मंती भंडारिएणं-"न नज्जइ केणा वि रयणिमज्झे चेव भरिओ भंडारो सुवण्णस्स।" मंतिणा वि पुच्छिओ भूरिवसू-“वच्छ! को एस वइयरो?" तेण वि साहिओ जहट्टिओ। सविसेसमाणंदभर-निब्भर-माणसेण गाढं समालिगिओ भूरिवसू मंतिणा। दंसिओ राइणो। तस्सम्मएण निवेसिओ नियंपए भूरिवसू । मंती वि गओ अप्पणा वणवासं । भूरिवसू वि नरवइ-सयल-सामंत-नागर-जण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |