Page Text
________________
सम्मत्त-लंभी नाम बीओ अवसरो तत्थ य पाणियप्याफले अमरगुत्तकहा
turer समागओ पाउसो । कारिया डुंबसेण हलाइस मग्गी । सुजाणेण गणियं निमित्तं । चितियं नियमणे'विट्ठिमुहं न सोहणा होरा । किं बहुणा । जइ एयम्मि अवसरे हल -निग्गमो भविस्सइ ता चिट्ठउ धण्णागमो, पाणेसु वि संसओ सामियस्स ।' एवं चितयंतस्स दुदंत-गोणो नत्थं तोडिऊण पलाणो । पहाविया तं पइ कम्मयरा । कह कह वि गहिओ । वोलीणं विट्टि मुहं । परावत्तो सुहो मुहुत्तो । पुणो वि निरूवियं सुजाणेण - संपयं गच्छंताण सव्त्रसंपया । पुण्णवसेण तह कह वि कज्जं परिणमइ जह सुह-परिणामं भवइ । निरत्ययाणि निमित्त जोइसाणि ।
अण्णया आसवाहएण हरिओ अस्सपहाण- तुरंगमो । नीओ देसंतरं । गवेसणं काऊण ठिओ डुंबसो । कइवयदिवसावसाणे तुरंगमारूढो रयणीए समागओ एगो पुरिसो । भणिओ तेण दोवारिओ - "अरे ! दुवारमवगुणाहि ?” तेण भणियं-"को तुमं ?" तेण भणियं - "डुंबरास्स घर- चितायगो वाणमंतरी तक्कर- हरिअ-तुरंगमं गहाय समागओ । उघाड ते दुवारं सट्टा बंधिऊण आसं असणो संवत्तो वाणमंतरो । अवगओ एस वइयरो सन्वो वि सुजाणेण । एयं पि पsिपुण्णपुण्णविलसियं ।
२४१
अण्णया धाराधर-निरंतर - सलिलधारा भरियम्मि धरणितले केयार-नियर - चिताउले पामरजणे, निच्चिते डुंब से, चितियं सुजाणेण - " अहो ! सच्चमेवेस डुंबसो, अवरागयं पि जो न केयारत करेड । कि कहेमि किं पि ? अहवा पढममेव निसिद्धोहमणेण । ताव सिग्घमेव गंतूण निरूवेमि ।" गओ सुजाणो । दिट्ठो कम्मयर-वेस-धारिणा बहूवे पुरिसा केयारे कम्मं करता । विम्हिय-माणसो निरिक्खतो ठिओ खणमेगं । सुजाणेण पच्छा पुच्छिओ करे घेत्तूण एगो पुरिसो"के तुब्भे ? कस्स वा वयणेण कम्मं करोह ! " सो वि तव्वयणमसुणितो समुब्भंत लोयो- "अरे ! इमं फाडेह, इमं भरेह" इच्चाइवयणेहि सेसपुरिसे समाइसिउमाढत्तो 1 केयारकज्जाई काऊण भणियो सुजाणो तेण - " सुणसु संपयं । सुतारो नाम वाणमंतरो अहं सपरिवारों तुह सहोयरस्स संयंत कज्जाणि साहेमि ।' एवं वोत्तूण पेच्छं तस्सेव तस्स सपरियो असणं गओ । सो वि समागओ भवणं । ठिओ मोणेण सुजाणो । पुष्पणविहीणो जावज्जीवं डुंबसेण निव्वाहिओ । ओ विजए ! रोहणगिरिगमणं पि निष्फलं भागधेयरहियाण ।” विजयाए भणियं - " जइ एवं तो ममं कोसंबम्मि नयरे नय सु 1" नीया वसंतसुंदरीए । नयरुज्जाणे मोत्तूण तत्थेव वत्थब्वय- चंदण - सेट्ठिहट्टाओ हरिऊण सत्त रयणाणि कथं सम्माणाणि विजयाए गया वसंतसुंदरी । विजया वि पविट्ठा नयरं । पुव्वपरिचियता इत्तगघरपरिकहणे ठिया चंदणसेट्ठि-व-कुडीरगे । करेइ तस्स घरे वृत्ताणत्तियं । संजायपरिचयाए परिचितियमणाए - "समप्पेमि रयणाणि सेट्ठिस्स । समुप्पण्णपओयणा मग्गस्सामि ।" तहेव कथं तीए । पच्चभिण्णायाणि तेण 1 भणिया विजया- 'कहं ते एयाणि पत्ताण ? कस्स वि सुमरियं कथंतेण ? मह रयणावहारं कुणंतस्स, समप्पेसु अप्पणा वा निग्गमं करे । साहिओ जहट्टिओ रमणलाह- वइयरो विजयाए । तह विन पत्तियाइओ चंदणो । रयणापि गहिऊण निठुरं निभच्छिऊण निद्धाडिया नियधराओ । असंताभिओगुब्भव-विसाय-विस - विहुरियंगा मरणमेव सरणं मण्णमाणी निग्गया नयराओ । दिट्ठा निय-पओयण-पत्थि एण मणपज्जव-नाणावगय-सयल जण मणाभिप्पाएण गुणसार- साहुणा, भणिया य-"भद्दे ! 'अलिय भक्वाणदाण- दुमियं न सक्कुणोमि मुहुत्तगंपि अत्ताणयं धारेउ । अलं मे विडंबणापाएणं जीविएणं । मरामि उब्बंधिऊण जेण दुक्खावगमो हवइत्ति मण्णमाणो मरणमत्वं चलियासि । असंगयमेयं । न एस दुखाण विमोथणोबाओ, जो तए परिकप्पिओ जओ अप्पवहो बि पडिकुट्ठो चेव । धम्मपय वियाणएहिं भणियं चभावियजिणवयणाण ममत्तरहियाण नत्थि हु विसेसो | अप्पाणम्मि परम्मिय वज्जि [यव्वो]
पीभवो वि ॥ ४८७ ।। जं वासंताभिओगदूमियं अत्ताणयं मन्नसि एयस्स विसए जिणवक्ष्णागुणं चेन ओसहं न उण अविह्निमरणं । rs अथ ते सह-दलणेच्छा तो संपाडेहि असंपाडि - संपाडिय-पुव्वं सयलसत्त - निक्कारण- बंधवाणं, जाइ-जरा-रोगसोग-संताववज्जियाणं संसार-सागरमुत्तिष्णाणं सव्जण्णून सासणं ।"
एत्यंतरे अहो भगवओ नाणाड़ [स]ओ त्ति मण्णमाणीए आनंदजल - भरियलोयणाए पणामपुरस्सरं विण्णत्तो बिजयाए मुणिवरो- "भयवं ! अत्थि कोइ उवाओ जेण मे दुक्ख विमोक्खो हवति ?” साहुणा भणियं - 'अत्यि' ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |