Page Text
________________
२४०
मणोरमा-कहा
मे सेयंति' मण्णमाणीए, काल-विलंब-भीस्याए, अणिदाणं मरणमेव तुह साहिऊण निग्गच्छंतीए नयराओ, दिदा परिधणसमिद्धा जलण-जालावलीकराला एगा चिया। पक्खित्तो तत्थेव अप्पा। सम्म सहिऊण वेयणं समुप्पण्णा वसंतसंदराभिहाणा वाणमंतरी । विभंगण विआणिऊण पुथ्वभव-वइ[य]र, दळूण कामक दलीए सह कीलंतं नागदत्तं संजायकोवानला गहिऊण तं मिहणयं एग पुव्वसमद्दे बीयं अवरसमुद्दे पक्खिविऊण, तेसु तेसु मणोरमज्जाण-काणणेसु वणसंडसिहरिसिहरेसु रमंती इहा गया । दिट्ठा य तुम समुद्द-पडिया। पच्चभिण्णा य संपयं तुम । साहेसु कहं तुमं समुद्दे निवडिया?" बाहुल्ल-लोषणाए साहिओ सव्वो वि नियवइ[य]रो विजयाए । वसंतसुंदरीए भणियं-"अहो ! विचित्तया मोहविलसियस्स, अहो ! दारुणया कम्म-परिणामस्स, अहो ! अचिंत समत्थया विसयाहिलासस्स, अहो! वल्लहया नियजीवियस्स, जं तायतुल्ला वि महापुरिसा परपाणेहि नियपाणा रक्खंति ।" विजयाए भणियं--"अलमईयचिताए?" वसंतसंदरीए भणियं-“कीलाविया आबाला-भावाओ अहं तए भणसु जंपियं करेमि ?" जयाए भणियं-"सामिणि ! आजम्माओ दड्ढाहं दारिद-दावानलेण । जइ तुट्टा ता ममं रोहणपव्वयं नेसु, जेण तत्थ रयण-संगहेण ईसरी भवामि।" ईसि हसिऊण जंपियं वसंतसंदरीए-"जए! रोहणगिरिगयाण वि पुण्ण-विहीणाण नत्थि अत्थ-संपत्ती जहा सुजाणस्स वि।" जयाए भणियं-"को एस सुजाणो?" तीए भणियं-'सुणसु।'
__ अत्थेत्थ भरह-भमि-रमणीभालयल-तिलयभयं भमिभारं नाम नयरं। तत्थ दोणि वणिय-दारगा सहोयरा वसंति । सुजाणो डंबसो य । सुजाणो सव्वविण्णाणेसू सूजाणो । डंबसो डुबसो चेव । अणकल-विहि-वसेण वित्थरइ ताण धणरिद्धि। मह पई पुण्णाणुभावो एसो त्ति मण्णमाणी गव्वमुव्वहइ सुजाण-घरिणी।
अण्णम्मि दिणे रयणीए भणिओ तीए नियपई-"अज्जउत्त! पुढो कीरउ डुंबसो। मा नियलच्छि परलच्छि करेस। पडिवण्णमणेण तव्वयणं । अणिच्छतो वि पूढो कओ डुबसो। पुण्णाणुभावेण पवड्ढए डुबस-घरे लच्छी। हाणि गच्छइ सुजाणघरे। थेवकालेणं चेव जाओ कोडीसरो डुंबसो, सुजाणो परमदारिद्दिओ।
अण्णया सहवास-दालिद्द-परिभवमसहमाणेण कया रहणगिरि पइ गमणेच्छा । धरिज्जमाणो वि डंब सेण न ठिओ सजाणो। गओ रोहण-गिरि-समासणं कारोहणं नाम नयरिं । ठिओ दुग्गदेववणिय-घरासपणे दियह रोहणधरणिं महया किलेसण । पाउणइ भोयणमेत्तं ।
इओ य भणिओ डुंबसो सुहि-सयहिं–'निरत्थओ ते अत्थो जस्स भाऊओ देसंतरं पवण्णो।' एवं सोउं संजायपच्छायावो तस्साणयणनिमित्तिं गओ रोहणं डुबसो । पत्तो मासा [वसा]णे । पुच्छंतेण नाओ जहा दुग्गदेवघरासण्णे चिट्टइ। गओ तत्थ पुच्छिओ सो तेण-“ववहरइ तुह आवणे सुजाणो नाम वणिओ?" तेण भणियं--"आमं ।” डुंबसेण भणियं-"कहिं सो संपयं?" तेण भणियं--"रोहण-धरणिं खणंतो चिट्टइ ।' तओ गओ । तत्थेव डुबसो दिट्ठो महल्ल गड्डापविट्ठो मूसगो व भूमी खणंतो । अंतराय-भीरुणा न संभासिओ तेण । ठिओ वंचिऊण दो तडीए । एसो वि सणियं खणिऊण मट्रियं नहयलाभिमहं पविखवइ । खणतस्स मट्टियावेढिओ समागओ अणग्यमणी । मद्रियं ति मण्णमाणेण उवरिहत्तं पक्खित्तो तेण । पडिओ डुबसुच्छंगे । दूरनिवडणेण अवगया मट्टिया । दिट्ठो रवि-किरणनियरो व्व नियतेय-समज्जोइय-दस-दिसाणणो गोमणी । गहिओ सहरिसमणेण । समइक्कंता काइ वेला । निग्गओ गड़ ओ सूजाणो। दिट्ठो डुंबसो। सिणेहसारं आलिंगिओ तेण। पुच्छिओ कुसल-पउत्ति। साहिया तेण सव्वा। सुजाणेण भणियं-“गम्मउ घरं। भोयणवेला वइ ।" इंबसेण भणियं-"तए सद्धि चेव निमंतिओ हं दुग्गदेववणिणा ।" सूजाणेण चितियं-'एयस्स एसा लद्धी।' गया दो वि दुग्गदेव घरं। मज्जण-पुरस्सरं भोयाविया तेण परमायरेण । नियंसाविया पहाण-वत्थाणि । ठिओ तत्थ दो तिणि दिणाणि । डंबसो पुच्छिओ सुजाणेण-"भाय ! केवइयं ते दविणजायं विढत्तं ?" तेण भणियं“न मे उदर-भरणाओ समइरित्तं किलेसायासं कुणमाणस्स वि संपज्जइ ।” डुंबसेण भणियं-“गम्मउ निय नयरं । अहं ते कुडंबस्स निव्वाहं चितइस्सामि। परं न तए मह घरे चिता कायब्वा।" पडिवण्णमणेण। गया स-नवरं। पवेसिओ नियघरे । भणिओ नियपरियणो डुंबसेण-सम्मं वट्टियव्वं सुजाणस्स । विण्णाय पहुचित्तवित्ती सो तहेव पयट्टइ। गच्छइ कालो।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |