Page Text
________________
सम्मत्त भो णाम बीओ अवसरी तत्थ य पाणियपूयाफले अमरगुत्तकहा
खुडिय- कुसुम-मयरंदुद्दाम -गंध-लुद्ध-रुणरुणित-मिलंत - छप्पयावलि-मंडिय-महीयलं, उद्दाम - नागवल्ली - निवह-समालिंगियासेसपूय-संडतल - सन्निवि-गंधव्व-मिहुण-समारद्ध- रइसुहं, दरिय-वण-करि-करायड्ढण-भग्ग- समुत्तुंग-गलंत- चंदणवणं, तीरासण- समग्ग-महल्ल--महीरुह सोहंत-साहंत--समोहसिय- जल- निहि--- वेलाजलं, मिरिय-मंजरीसमासाय णुसव्वत्त-सद्द - खंतविहि-विहगरवापुरिओसं मलयदीवं ति मुक्का नंगरा । पाडिओ सिडो । ठियं जाणवत्तं । उत्तारियं भंडं । पारद्धो संववहारो । वित्तं भूरि-दविण जायं । गहियं पडिभंडं । मुक्कं नियदेसाभिमुहं पवहणं । कइवय दिणेहिं समुद्दमज्झमोगाढं ।
एत्यंतरे सिग्ध - वेगागमण जणिय-वाय विहुयखुहिय - जलहिजला, खर- फरुस - सरेणाकंपयंती जाणवत्त-संठियजणं tris - विज्जू विथ अभकारिणी लोय- लोयणाणं ठिआ पुरओ पवहणस्स विज्जुसिरी नाम वाणमंतरी । भणिया तीए नाइत्तगो- "अरे ! अकाऊण भयवओ रयणायरस्स पूयं कहिं तुमं पत्थिओ ?" संबुद्ध-चित्तेण भणियं नाइत्तगेण - "भयवई ! जइ न कया तो संपयं करेमि । खमेउ भयवई !" तीए भणियं - " वोलीणो कालो खमाए । संपयं माणुस बलि वासु, सव्वे वा भे मारेमि ।" किं- कायव्वविमूढो चितिउमारद्धो नाइत्तगो । तज्जिओ देवयाए - "रे ! अज्ज वि काल- विलंब करेसि ? " अफ़रतोवाएण विजयं चेव उक्खिविऊण पक्खित्ता जलहिजले । देवrry भणियं “ एगं ताव after ati कम्मरी । केण तुम एरिसं बलिविहाणं सिक्खाविओ ? जइ इत्थियं ता निय-घरिणीं पयच्छसु, जं वा तं वा पुरिसं देसु, जड़ कल्लाणेण कज्जं । अण्णहा नत्थि भे जीवियं ।"
२३९
ओ पक्ति जलहिजले नाइत्तगेण कुंभगो नाम घर दासो । पडिच्छिओ देवयाए । पयट्ट जाणवत्तं । सा वि समासाइय-खोड-खंडा उब्बुड - निब्बुडणं कुणमाणी दिट्ठा मलयाओ हिमवंतं गच्छमाणीए वसंतसुंदराभिहाणाए वाणमंतरीए । पुव्वपरिचियाय सा विजयाए - "हो ! किमेयं' ति भणमाणीए पयडिय - पुव्वख्वाए उक्खित्ता तीए नहयले विजया । पाविया जलहित | मुक्का माहवी लया - मंडवे । पुरओ होऊण भणिया वसंतसुंदरीए - " विजया ! पच्चभिजाणसि ममं न वा" ? विजयाए भणियं - " नागसेहर - नाइत्तग-सुया विवजयसिरी विय लक्खीयसि ? तीए भणियं "सुट्टु नायं" विजयाए भणियं - "कहमिह तुहागमो ?" तीए भणियं दइयावमाणेण तुह साहिऊण मरणत्थमहं निग्गया । एयं ताव तुज्झ वि सिद्ध चेव । " विजयाए भणियं - " एवमेयं परं कहं तुमं दइएण अवमाणीया ? इमं साहेउ सुंदरी ।" तीए भणियंसुणेसु --
अत्थि ताव परिणीया हं नागदत्तेण - अच्चंताणुरता खणमवि मए सह विओगमसहंता तुमं चैव मह पिया । तए चैव जीवलोगो मह वसइ । इच्चाइ वयणपुरस्सरं मए सह विसयसुहमणुहवंतो कालं गमेइ ।
अण्णा दिट्ठा ते कामकंदली नाम बेसा । समुप्पण्णो तं पइ अणु [ रागो] तत्थेव अंतरंतरा । अण्णम्मि दिने कवडं काऊण भणियाहमणेण - " पिए! अज्ज मे सिरोवेयणा । तओ न गया हं वास-भवणं । नुवण्णा हेट्टिम - पल्लं । समोगाढा रयणी । वोलीणो पढमपहरो । समुग्गओ निय-किरण-नियरनिव्वविय-सयल जीव- लोगो माणिणी-माण-सेललिवज्जार्ण: ससहरो । तओ संकाए हं समारूढा उवरिमतलं । दिट्ठ मए मणि रयण-मंगल-पईव निण्णासियतमंधयारं कुट्टिमतल-विक्किण्ण- पुप्फ-पयर-परिमलं, मिलंत - रुटंत- महुयरं, कत्थूरिया - वित्ति - देहली-गंधलुद्ध-नहंगणा भोगं; विचित्त-चित्तवत्थ-रइय-विधाणयं समासण्णीकय-सुवण्ण-मणहर-पडिग्गहूं, लंबाविय - सुरहि- कुसुम-दामविलिव्विलं, उज्झतकालागरु-सार- घणसार भरिय - कणय - घडिय मुह-नीहरंत बहल - धूमंधयारिय- दिसाचक्क कलहंस- पारावय-सुय-सारिया मिहुगोवसोहियं कप्पूर-पूर-पूग-फल- नागवल्लीदलेला लवंग-कक्कोल - जायफल- भरिय-पडल-सणाहं, सन्निहिय- विविह-विलेवणपडिपुण्ण-मणिवट्टयं, दीसंत- विविह-पडवास भरिय सुवण्ण-वट्टयं पवर पड घुरिय- कोमल - गंडोवहाण- पल्लंक -सणाहं सविसेसं कामसमाउल-माणसा गया हूं वासभवण दुवारं । कामकंदलाए सद्धि कोलंतो दिट्ठो पिययमो ।
दट्ठूण दइय-चरियं सयखंडं तक्खणे गयं पेमं । करि चलण - चंपणुच्छ लिय- तुच्छ - तोयं पिव दिसासु ॥४८४॥ माणसा पडिनियत्ताहं चितिउ पवत्ता - "अहो ! मे जहण्णत्तणं, अहो ! मे लाघवं, अहो ! मे दोहग्गं, जं मए धरमाणीए वि मह घरंगणमिमीए समक्कतं । ता किं मे दोहग्गकलंकिएण खंडियाभिमाणेण जीविएण ? मरणं
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |