Page Text
________________
समत्त भो णाम बीओ अवसरो तत्थ य पाणियपूयाफले अमरगुत्तकहा
तओ वि पडिनियत्तो किच्छेण लहइ पंचिदियत्तणं, तत्थ वि माणुसत्तणं, तत्थवि सग-जवण - सबर- बब्बराई अणायरिय-देसपभूय-तणओ आयरिय- देस - जम्मं । तत्थ वि चंडाल चम्मयरसउणिबंधाइ कुच्छिय- कुलवहुत्तणओ इक्खागाइकुलजम्मं । तत्थ वि काण - कुंट- पंगुलंधलय-व । हिय-पउरत्तणओ निरुवद्दवे सरीरया तेत्थ वि दंडवास-रज्जु - सत्थमाइवि वहोवक्कमोडुयाण बहुपुण्णपावणिज्जं अहाऊअपरिपालणं । तत्थ कोह- माण- माया-लोभ-राग-दोस-मय-मोहियमइणो जीवस्स किलेसेण घेप्पइ धम्म- बुद्धी । तत्थ वि बहुविहेसु इंदियाणुकूल जण मणोरमेसु अण्णाणिय-पवत्तिसु कुधम्मे पत्तो जहट्टिय - सव्वण्णु-भासियं सिद्धिसुह-साहण-पच्चलं धम्मं दुहेण पाउणइ । तत्थ वि अणाइभव-परंपरम्भत्थासुह-भावणाओ असंपत्तपुव्वं सिद्धि-वहू-पढम पाहुडं सद्धमसद्धं । तत्थ ठियस्स परोवधारयं महापुरिस - सेवियं एगंतपसंसणीयं निरूवमसुहसागं चरण धम्मं । एवं लहिऊण एवं सामरिंग जाइ - जरा - मरण - सोगरहियं पि पाउणति जीवा । ता एय संपायणे करेह उज्जमं । अलं कलत्ताइपरिग्गहेणं । परिग्गहो हि नाम निरोसहो वाही, कुलहरं महामोहस्स, अवच्चओ धाईए, मुही - वक्खेवस्स, पडिवक्खो मोक्ख-पहस्स, मंदिरं मयणस्स, वेरिओ सुहज्झवसायस्स, पभवो दुक्ख समुदयस्स, निसग्ग सत्तू सुहाणं, महल्लकंदो असुभकंदलीए । परिग्गहासत्ता पंजरगया विवसाअ समत्था वि होऊण माणुसभावलंभेण सीयंति पाणिणो । अहो ! माहप्पं मोहस्स जेण चिंतामणिसन्निहजिणवयणे बोह-संगयं कम्म भूमीए लहिऊण माणुसत्तणं सोऊण असासया सव्व-संजोगा, समासण्णो विणिज्जियसुरासुरो मच्चू, एगरुक्ख-निवासि सउणतुल्ला पिय-जण- समागमा, विसं व विवाय दारुणा विसथा, इच्चाइ धम्मो से सिद्धि - सुह - साहण-सहे तित्थयराइपरम - पुरिस सेविए चराचर -सयलजीव-बंधूभूए चरण-धम्मे न उज्जमंति पाणिणो ।” एयं सोऊण संवेगमावण्णेण संजाय - चरण- परिणामेण भणिओ सूरि अमरगुत्तपुत्तेण सुमंतेण–“भयवं ! मोयावेऊण अम्मा- पियरं चरण धम्मपडिवत्तीए सहलं करेमि मणुदजम्मं ।" सूरिणा afra - "afari देवाणुप्पिया ! मा पडिबंधं करेसु दविण - पुत्त - कलत्ताइसु ।" तओ निरूवियं अमरगुत्त-वयणं सुमंतेण । भणियं-"वच्छ ! जुत्तमेयं संसारसमावण्णगाणं पाणिणं । केवलं बालो तुमं । जइ पुण अवस्समेव कायव्वं तो घरे गम्मउ । साहिज्जउ नियसमीहियं जणणीए । तस्सम्मएण कीरमाणी पवज्जा उभयभवसुहावहा हवइ ।" "एवं होउत्ति भणिऊण वंदिऊण सूरि-पय-जुयलं । गओ पिउणा सद्धि नियमंदिरं । भुत्तुत्तर - कालं विण्णत्ता वय- गहण - विसए जणणी । निरूवियंतीए अमरगुत्तवयणं तेण "भणियं मए जं भणियव्वं, संपयं भणसु ।”
तओ बाहुल्ल-लोयणाए जंपियं जणणीए - "वच्छ ! अम्हमेयमुचियं । तुमं पुण पडियग्गेसु मणिमोत्तियाइयं सारदव्वं ।" सुमंतेण भणियं - "अम्मो ! का एत्थ सारया ? किं समत्थमेयं मच्चुणो रक्खेउ ? नहुति वा एयप्पभावाओ जम्म [मरणा] इया वियारा ? किं वा तीरइ इमिणा सयलच्छिवग्गस्स मणोरहापूरणं काऊं ? किं वा न परिच्चयइ मं पतरक्खियं पि खीणभागधेयं पुरिसं ? किं वा होइ दव्वजुयमयस्स परलोगे को वि गुणो ?" अम्मा- पिईहिं भणियं"ता कि इमिणा निरत्थएण पडियग्गिएण ? अणुमण्णेउ मह गुरु महापुरिस - सेवियं कम्म सेल वज्जासणि पब्वजं ।" अमरगुत्तेण भणियं - " पुव्वमेव साहियं वच्छस्स जहा - बालो तुमं । विसमा गई जोव्वणस्स । दुद्दमाणेत्थ इंदियाणि । वियंभइ अणिवारियप्पसरो विससरो । उवविति विषय - विसम-तक्करा ।" सुमंतिण भणियं "ताय ! न खलु अविवेगओ अण्णं जोव्वणं । दीसंति इत्थ अविवेय- महागहगहिय माणसा, वुड्ढा वि होऊण अणियत्तविस [या] हिलासा, अवियाणिऊण freeeen विभागं, अगणेऊण लोयवयणिज्जं, अवियारिऊण तत्त-परमत्थं, अत्ताणयं विडंबेमाणा, तारुण्णवये उवजीवंति राणा पति [वि] हवियारे, जपंति तरुणीयणपुरओ, सिंगारसाराई अजंपियव्वाई, पयट्टति विविहवसणाई अप्पेच्छित झीणमप्पाणयं न चिति [ज्जंति] जम्मंतरं ति । अण्णे पुण सुवियाणिय परलोगमग्गा, तरुणत्तणे व समुल्ललसंत'विसिटु - विवेया, अकज्जायरण-भीरुणो, नाऊण विज्जुलयाडोव - चंचलं जीवियं संझन्भराय पसर- सरियं जोव्वणं, इट्ठविओगाणि संपओगपरिगयं मणुयाण जीवियं करि- कण्ण चंचलत्तणं रिद्धीणं, विरस-विवागं च पमाय- चेट्ठियस्स, हरिणयाfar मरणकारणाण उत्तत्था, [ नरजम्म] पाविऊण सेविति परलोयबंधुभूयं चरणधम्मं ति । अओ अकारणमेत्थ जोव्वणं । जओ-
Jain Education International 2010_04
२३७
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |