Page Text
________________
मणोरमा - कहा
२३६
भोषणेण परिव्वायगो । नीया नियआवासे जया । भोयणावसाणे ठियाणि तिणि वि नियदोस-गुण-संकहाए । परिणय पाए वासरे संचलिओ सत्थो । पत्तो नयरबाहिरियाए । सुणियवृत्तंता निग्गथा पच्चोणीए सुहि-सयणाइया । मंगलमुहलाणि मिलिऊण समागयाणि पायमूलाणि । गणग- समाइट्टे पसत्थमुहुत्ते पविट्ठो महया विच्छ्डेणं धणंजओ । दिट्ठो नरवईपहा - पाहुडेण । कयसम्माणो राइणा समागओ सघरं । अहिट्टियं जणयं-मंदिरं । समानंदिया जणणी । संतोसिया घरिणी । धरिया घरवासेण जया वि । [ति]वग्गसंपायणरयस्स संतोसिय- सुहियणवग्गस्स वच्चइ कालो ।
अण्णा समागओ तत्थ नाणगन्भो नाम अइसयनाणी मुणिवरो । गओ तस्स समीवं धणंजओ | वंदिओ भयवं । पत्तावसरेण पुच्छिओ धणंजएण मुणी - "भयवं ! कि मए जम्मंतरे कयं जेण संतराया लच्छी केण कारणेण मह वल्लहा जया [जाया] अहं पि तीसे ?" मुणिणा भणियं - " पुव्वभवे दंगियगामे -गोधणो नाम तुमं गोवालो अहेसि । जया वि मोवियाभिहाणा तुह घरिणी ।
अण्णा कहिं पिऊसवे रद्धा इमाए खीरी । भोयण - वेलाए घरमागओ तुमं उवविट्ठो भुंजिरं । भरियं करोडयं पायसस्स एयावसरे छट्ट खमण पारण गम्म समागओ साहू । तं दट्ठूण उल्लसिया तुह दणवासणा । भणिया घरिणी "पिए ! पयच्छसु पायसमेयं ।" सावि दाउमारद्वा । अद्धदिण्णे परिवडिओ तुह भावो । पुणो वि अणुसंधिओ । दाविओ सब्वो वि पायसो । इमोए दलमणीए लग्गं भावणं साहुपडिग्गहे । कया मागं दुगंछा । नियाऊयं परिपालिऊण तुमं [जाओ] सत्य [वा ] हसुओ धणंजओ, एसा वि दुगुंछादोसेण गोउलियसुया होऊण वेसत्तणं पत्ता । समुप्पण्णजाइ-सरणो पच्वइओ तत्थेव धणंजओ । सयंहि निवेसिओ घरसारे तस्स सुओ धणदत्तो । जया वि निविडचरणावरणकम्मदोसेण अप्पडिवण्ण चरणा मरिऊण घय-पूयापुण्ण-भावेण अमच्चपुत्तो उबवण्णो । सो पुण तुमं । एयं निसामिऊण संसार - कारणं घर-वासं, दाऊण जेट्ट- पुत्तस्स नियपयं, महाविभूईए निक्खत्तो कुरुचंदसूरसमवे सिक्खिओ किरिया-कलाओ । अहिज्जियं सुयं । जाओ गीयत्थो । परिपालिऊण सामण्णं मरिऊण समुप्पो अवराजियविमाणे सुरवरो । तओ चुओ सिज्झिस्सह । एयं घयपूया फलोदाहरणं दंसिऊण भणिओ पियंकराय - रिएण समुद्ददत्तो । सार-सुसुगंध-निम्मल-घएण [ज]] बिब - पूयणासत्तो । सयलसुहाई पुरिसो भोत्तूण पावए सिद्धि ||४८२ ।।
पाणियले अमरगुत्तकहा
"3
समुद्ददत्तेण भणियं "पाणियपूया - फलं नाऊमिच्छामि " । सूरिणा भणियं - "सुणेउ अज्जो !
अथ इव जंबूद्दीवे दीवे एरवए वासे जयंती नाम नयरी | सुरसुंदरी नाम गाहावई परिवसइ । अमरगुत्तो से सुओ सथलकला-कलावपरिकुसलो, ख्वाइगुण-गण-समलंकिओ, कयण्णू, दक्खो, विणीओ, मिय-महुरभासी, गुणाणुरत्त-सयलनवरलोओ, सम्मओ रायामच्चाणं, मणुयभव- दुल्लहं विसय- सुहं अणुहवंतो कालं गमेइ ।
अण्णा उरओ से पिया । कयमय - किच्चेहि अहिसितो तप्पए अमरगुत्तो सयल सहि । दंसिओ राइणो । विणय-वयण - विष्णा सावज्जिएण राइणा कओ सयल-निय - विसय- वलाहिओ अमरगुत्तो । सयलजण- सलाह णिज्जं विसयसुहमासेवमाणस्स वच्वंति बासरा ।
अण्णया समागओ बहु-समणपरिवारिओ अइसय- नाण- रयण - रोहणागिरि, अट्ठारस-सी लंग- सहस्सभारवहण समुद्धरकंधरो, धरावलयवित्थरिय - निम्मल जसो, सथलजयजीव- वच्छलो, वच्छाहिवसुओ, विजियदुज्जय- अगंग- सरप्पसरो विज[य]सेो नाम आयरिओ । समोसरिओ नयरसमासण्णसरवणुज्जाणे । निग्गया नयरलोया वंदण-वडियाए । अमरगुत्तो वि तिषयाहिणापुरस्सरं वंदिऊण सूरि-पय-पंकयं निसण्णो जहारिहं समुचियासणे पारद्धा । भयवया सजलहर-गंभीर-सरेण धम्मदेसणा
"भो भव्वा! दुल्लहा चरण धम्म-सामग्गी, जओ दुविहा जीवा भगवया महावीरेण पण्णत्ता -तसा - थावराय । तत्थ तसा किमि-कीड - पयंगाइणो पंचिदियावसाणा । थावरा पुढवाई वणस्सईपज्जता । तत्थ पुढवाईयोनिसु पविट्ठो पत्तेयं असंखिज्जा ओसप्पिणी - अवसप्पिणीओ परिवसइ । कह कह वि तओ पडिनियत्तो वणस्सईसु अनंतकालं परिभमइ ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |