Page Text
________________
घूयपूयाफले धनंजयकहा
२३५ महओ नामाहं । लंघियाओ अणेगाओ वसणावयाओ तद्दविणतरंडेण मए । संपयं पुण तस्स वि महाणुभावस्स चंदस्स व राहुसंगमे विसमो दसाविभागो वट्टइ। जओसुयणा सामायते वियरंति खला समुज्जला इ[ण्हि]। ओ धवला बब्बूलम्मि कंटया न उण पत्ताई ॥४८१।।
तह वि तप्पभावेणागंजिओ चेवाहमेत्थावत्थो । वसणलंघिओ अहं संपयं पि तहेव ववहरामि । असामिओ त्ति पए-पए कयत्थणं सहामि ।
___ अण्णम्मि दिणे सुवण्णसयं हारियं मग्गिउमारद्धा जुइयरा। मया वि अज्ज दलयामि कल्ले पयच्छामि वयमाणेण कइवयदिणे धरिया । अज्ज उण कुविएण सहिएण भणिया जूइयरा-"अरे! अलं कालविलंबेण जइ [अ]ज्ज न दे]इ तो कर-चरण-घाण-सवण-विवज्जियं करेह एयं ।” सोऊण भयभीओ जूइयरपेल्लिज्जंतो पलाइऊण तुह भवणमणुपविठो।" तीए भणियं-“धणंजयसरीरे उवओगंगया किंच महघरे जो अत्थो सो वि तस्स संतिओ चेव । अहवा किमत्थेण पाणा वि तस्स संतिया । ता चिट्ठसु तुम एत्थेव परिचयसु उभयलोग-विडंबणा-फलं जय-वसणं ।” चितियं चणेण-"अहो ! अहं महापावो जो वेसायणस्स वि एवमणुकंपणिज्जो। उवचारिणी य एसा महाभागा। कहं पच्चुवधारो एयाए कायवो। अत्थाभावाओ न ताव अत्थेण । वयविसेसं किंपि समणुचिट्ठामि जेण अत्तणो इमीए वि परमत्थओ उवयरियं भवइ ।" कहिऊण से निययाभिप्पायं गओ पुव्व-परिचिय-भगवसमीवे। पडिवण्णं भगव-वयं। सिक्खिओ सोयसारो किरियाकलावो। गच्छइ पइदिणं नयरदूरवत्तिणीए सरियाए सरीर-चीवर-पक्खालणत्थं ।
धणंजओ वि पइदिणं वहतो मासावसाणे पत्तो पुव-दिसाबहूमंडणं कुंडिणं नाम नयरं । ठिओ तत्थ । कइवयदिणाणि पारद्धो तत्थ वराडियाहि ववहरिउं अप्पभरो। गहियं पुण्णभद्दसेट्टिघरासपणे कुडीरयमेगं । जाओ सेटिणा सह संथवो। समप्पियं सयमेगं तेण दिणाराण। ववहरिउमारद्धो धनंजओ। थेवदिणमझे चेव सएण जायाणि अ वडिओ समच्छाओ। धरिओ कम्मयरो। पुच्छिओ पुण्णभद्द-सेट्ठी-“अत्थेत्थ कोइ जो कलंतरेण दविणं वियरइ?" पण्णभट्टेण भणियं-"अत्थि धणसारो नाम अणेगकोडीसरो सत्थवाहो। सो सयं पइरूवगं कलंतरेण [ववहरइ] धणकोडि । दो वि गया धणसारसमीवं धणसारेण भणियं-"नाहमसंथुयाण वराडियं पि देमि ।" पुण्णभद्दसेट्टिणा भणियं-"वियरसु । अहं निगम करिस्सामि।" तओ पहवरणेण दिन्ना धणकोडी धणंजयस्स धणसारेण । लग्गो महाववहारेण ववहरिउं । सोलसहि संवच्छरेहि विढत्ताओ बायालीसं धणकोडोओ। दिण्णा सकलंतरा धणकोडी धणसारस्स । गहिया गोणजुवाणया । क[स] विया देस[गमण]सामग्गी। वत्थाभरणाइदाण-पुरस्सरं विणएण पणमिऊण पुण्णभद्दसेट्टि पयट्टो नियदेसाभिमुहं । कमेण समासण्णीभूओ नियनयरस्स ।
इओ य सा जया तेण सुंदरेण पुणो पुणो पत्थिज्जमाणी वि जाहे नेच्छद्द, ताए पओसमावण्णेण, लहिऊण अंतरं, बाहि विणिग्गया गहिया । मारिया गलकरमोडणेण । 'मय'त्ति काऊण कंथारिकुडंगे पक्खित्ता । एत्यंतरे समागओ तं पएसं भगवो। काऊण नईए मज्जणं पक्खालियाणि वत्थाणि । विसारियाणी कथारि-कुडंगोवरि । अप्पणा वि निसण्णो तरुछायाए । वत्थ-गलिय-सलिल-बिंदूहि सित्ता जया सीयल-पवणजोगेण समासासिया । एयावसरे कइवयपरिस-परिवारिओ पूरओ होऊण सत्थस्स समागओ तं पएस धणंजओ। दिट्ठो परिवायगेण । जायं परोप्परं पच्चभि. पणा । साहिया दोहिं वि सबला वि सवित्थरा निय-नियपउत्ती । धणंजएण भणिओ परिव्वायओ-"सोहणं कयं भद्देण जमुभयभवभाविभई वयमंगीकयं" ति ।
एत्थंतरे ईसिलद्ध-चेयणाए दरुम्मीलियलोअणाए खलं त]पयं जंपियं जयाए-“भो वणदेवयाओ ! देसंतरगयस्स वि अज्जउत्तस्स सरोरे अप्पमत्ताहि होयब्वं ।” इमं सोऊण संजायसंका पविट्ठा कुडंगभंतरे परिव्वायग-धणंजया। दिवा तयवत्था जया। सित्ता सरिया-सलिलेण । वीइया वत्थंचलेण । संवाहियाणि सव्वंगाणि । लद्ध-चेयणा कयासण-बद्धा पच्छिया धणंजएण । आसी[सादाणपुरस्सरं संभासिया परिव्वायगेण । कहिओ तीए सव्वोवि मरण-पज्जवसाणो नियवइयरो । अमय-रसासायणं व धणंजय-समागमं मण्णमाणी, दिणयर-करंबिय कमलं व मुहकमलं वहमाणी, परमाणंदनिन्भरा जाव चिट्रइ, ताव पत्तो तं पएसं धणंजयसत्थो। आवासिओ सरिओवकंठे। जाया भोयणवेला । निर्मतियो
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |