Page Text
________________
२३४
मणोरमा-कहा
नियघराओ।"तीए भणियं-"अम्मो ! न संगयमेयं संतियमम्ह घरे भूरिदविणं पविट्ठ । तीए भणियं-"वच्छे ! मुद्धा तुमं । न एस वेसायण-धम्मो।" तओ अवण्णं काउमारद्धा वाइया । दठ्ठण माण-खंडणं सयमेव निग्गओ धणंजओ। गओ संघरं । दिट्रमण्णेहि अहिट्रियं । विम्हयमाणसेणं] पृच्छिओ घर-दोवारिओ धणंजयेण-"किमेयं सुसीम-सत्थवाह-म भणियं-"आसि, संपयं न हवइ।” कहिओ सव्वो वि वइयरो । विरत्तो चित्तेण धणंजओ पुच्छिओ-पुरिसो-“कहि सत्थवाह-घरजणो । कहियं "तेण-अमु गत्थ" । गओ [ध]णंजओ । दिट्ठाओ तेण कुडीरगयाओ सुत्तं कत्तंतीओ जणणि-घरणीओ। अहोमहो ठिओ खणमेगं दुवारदेसे । दिट्ठो जणणीए । वाह-जल-भरिय-लोयणाए 'एहि वच्छ एहि भणमाणीए उढिऊण सहरिसं समालिगिओ । निवेसिओ उच्छंगे । पुच्छियमणेण-"को एस वइयरो !" तीए भणियं-“पुत्त ! तुह जणयदिणयर-अत्थमणे तमंधयारमिव भुवणमम्हाण जायं । किं बहुणा ? जाया धण्णाहं जीए जीवमाणं ए तुह मुहमवलोइयं ।" पिउ-मरण-सवण-संजाय-सोगसंभारो "हा ! ताय, हा ! सुयवच्छल ! कत्थगओ? कत्थ दट्ठव्यो।" इच्चाइ विलवंतो कह कह वि संठविओ जणणीए । कइवयदिणेहिं जाओ विसोगो । करेइ किंपि तुच्छभंडेण ववसायं । तहाविहलाभाभावेण न सरति घरपओयणाणि। तह वि भावो सोंडीरो चेव न दंसेइ दीणतंणं। करेइ सूमरणमेत्तेण सव्वपओ[य]णाणि । जओ विगलियधणा वि धीरा नजति महाधण व्व चरिएहिं । इयरे संते वि धणे विगलियविहव व्व वियरंति ।। देइ सयलस्स जोण्हं कलावसेसो वि मंडले चंदो । दूरुन्नयाण चित्तं धवलइ खलिए वि धणविहवे ॥४८०।।
एवमइक्कंतो केइ] कालो।
इओ य धणंजयाणुरागममुंचमाणा भण्णमाणा वि पुणो वाइयाए नेच्छइ अण्णपुरिसेण सह संवासं जया । आगच्छइ अंतरंतरा धणंजय-भवणं । रायपहेण वोलिति दळूण संजायाणरागो गओ उवरोहियसुओ सुंदरो नाम जया-भवणं । आलवणमेत्तेणावि अकयपडिवत्ती तीए विलक्खवयणो नीहरंतो भणिओ अक्काए-“वच्छ सुंदर ! अयाणया एसा मह ध्या। अणुरत्ता दुग्गय-सत्थवाह-सुए धणंजए। ता तह कहवि कयत्थेसु जह पुणो न एसा तस्स घरे गच्छद।" पडिवण्णमणेण।
. अण्णया धणंजयघरे गवाए कइवयपुरिसपरिवारिओ अणुमग्गेण समागओ सुंदरो । भणिया तेण नियपूरिसा"अरे! दढं कयत्थिऊण बंधेह एवं दुळं-दारियं । एयं पि दारिद्दिय-दारयं दढं दंडाईहिं ताडिऊण हत्थगयं करेह । तहेव कयं । मिलिया आरक्खिया नयरजणो य । नीया दो वि पक्खा दंडवासिएण मंतिसयासे य । पुच्छिओ तेण उवरोहियसुओ-"किं निमित्तं तए एयाण कयत्थणा कया ?" तेण भणियं-"मह भाडि गहेऊण इमस्स घरमागया एसा ।" मंतिणा भणियं-" को एत्थ पच्चओ?" तेण भणियं-“इमं एव जणणी पुच्छिज्जए।" सद्दाविया अक्का। पुच्छिया मंतिणा । अलिओ वि पोसिओ सुंदरपक्खो तीए । अलियब्भक्खाणदावाणल-दज्झमाणमाणसो पुणो पुणो पुच्छिज्जमाणोवि मंतिणा मोणमासिओ धणंजओ । सुओ एस वइयरो राइणा 'महासत्थवाहपुत्तो । न जुत्ता एयस्स कयत्थण' त्ति कलिऊण विसज्जाविओ । गओ नियघरं विमणदुम्मणो । दिणमइवाहिऊण रयणीए सयणिज्जगओ चितिउमाढत्तो -"अहो ! मे जिहण्णत्तणं, अहो! मे कापुरिसया, जो हं एक वीस सुवण्ण-कोडीसरसुओ होऊण संपयं धणहीणो त्ति काऊण दुज्जणजणेण एवं परिभविज्जामि । अलं मे इहट्रिएण । अहितो चेव निग्गओ नियघराओ । पभाए अमणियवृत्तंताओ अणिट्रसंकाए रोविऊ पवत्ताओ जणणिघरणीओ । जया वि तविओयहम्मिय-माणसा वेणीबंधं काऊण धणंजयं वज्जिऊण जावज्जीवं मे बंभचेरं ति गहिऊण नियमणे निच्छयं ठिया। - अण्णम्मि दिणे साससमाऊरियाणणो वारं वारं पच्छाहत्तं नियंतो 'महाणुभावे ! परित्तायह' त्ति भणंतो एगो जूयबरो पविट्ठो जयाभवणं । तीए भणियं-"भद्द ! कओ ते भयं ?" तेण भणियं “जूय करेहितो हारियं किंचि मए । तं निमित्तम्मि मे कयत्थि" ति। पुच्छाविया जयाए जयारा "कित्तियं भो हारियमणेण?" तेहिं भणियं-"सुवण्णसयं।" सुवण्णसयं दाऊण विसज्जिया जुइयरा जयाए। भोयणावसाणे सम्माणिऊण वत्थाइणा पुच्छिओ तीए जूययरो-“भद्द ! दिट्ठपुरोविय तुमं कत्थ वि मए ।" बाहुल्ललोयणेण जंपियं तेण-"महाभागे ! धणंजयस्स [ग]परि]चाराँग[अंग]
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |