Page Text
________________
घूयप्याफले धनंजयकहा
२३३
अण्णया अणुक्कमेण विहरंता समागया तत्थ साइसया कुरुचंदसूरिणो । निग्गया वंदणवडियाए नागरया । मइसारमंती वि सुणिऊण पउत्ति सपरिवारो गओ सूरि-पायंतिअं। वंदिओ भयवं । निसण्णो सुद्धधरणीतले। पारद्धा धम्मदेसणा। नाऊण साइसयं भयवंतं नियरिद्धि-विम्हिएण पत्तावसरेण पुच्छ्यिं मइसार-मंतिणा-"भयवं! किं मए भवंतरे कयं जस्सेरिसो साणुबंधो सुहविवागो वेइज्जइ ?" सूरिणा भणियं-"सोम ! सुणेउ।"
पुव्वभवे जयाभिहाणा गोउलिणिदारिया तुम अहेसि । परिणीया मयहरसुएण सामडेण । अण्णया पयोयण-वसेण अडवीए परिब्भमंतो वावाइओ सो सीहेण । मासावसाणे समकालं समबलेहि मग्गिया जया जोगाइच्च-जवखडाभिहाणेहि मयहर-तणएहिं । पहाणविरोहो त्ति काऊण न दिण्णा पिउणा, नियघरेव धरिया ।
अण्णया घयं गहाय गओ पिया समं जयाए जयपुर-पट्टणे । गहियं घयं अरिहसार-सावएण। तस्स वसहीए साहुणो चिट्ठति । समागया जया सह पिउणः । तम्मि घरे दिट्ठा साहुणो । कोहहलवसेण गया तयंतियं । एत्यंतरे धम्मदेसणं कुणंतेण कमागयं सव्वण्णुणो घयपूयाफलं भणियं-सुव्वयसाहुणा, "जो जिणपडिमाणं घएण पूर्व करेइ सो देवासुरमणुपाण सुहपरंपरं भोत्तूण परमपयं पि पाउणइ । तओ सुणिऊण साहु-वरण-संजाय-सद्धाए चिंतियं जयाए “अहो! बहुफला घय-पूया भगवया परूविया । अहं पि घयं संपाडेमि ।” पुच्छिओ अरिहासार]सावओ-“कहिं जिण-पडिमाओ?" तेण भणियं-"कि ते पओयणं?" तीए भणियं-"पूयं करिस्सामि ।" दंसियं तेण समारद्धमज्जणमहसवं जिणमंदिरं । पवढमाणसद्धाए आणियाणि तीए जिणपुरओ सुगंधि-सप्पि-भरियाणि नव-नव-मल्लगाणि जिण-हाण-निमित्तं दिण्णं भूरिघयं । पारद्धं जिण-मज्जणं । दिट्ठा धएण पहाविज्जमाणो तीए जिण-पडिमा । हरिसभर-निब्भराए पुणो-पुणो अणुमोयमाणीए बद्धं मणुयाऊयं । मज्जणावसाणे बहुजण-सहिया निग्गया जिण-भवणाओ । मग्ग-पब्भट्ठा इओ तओ परियडती अयाणमाणी पविट्ठा खुद्द-कुदृणि-गेहं । पुच्छिया तीए-"कओ तुम ?" साहिओ जहट्ठिओ सव्वो वि तीए नियवइयरो । सिणेहसारं जंपियमिमोए-"वच्छे! नियं घर चेव पत्ता तुमं न विसाओ कायव्वो ।" एवं भणिऊण सायरं मज्जाविया भोयाविया य । जहेग दिणं तहेव पंचदिणाणि । आवज्जिय माणसा । जंपियं अणाए-"अम्मो ! उवयारं करेसि चेव तुम न उण कारवेसि । अइसंखोहेण न चयेमि चिरमत्थिउं, न यावि अंबा सिणंहतंतुसंदाणिया । सूणिय निवडंतकवडंसुयाए जंपियं तीए-“वच्छे ! जाव तुमं ताव मे जीवियं । एवं नाऊण जमुचियं तं करेसु ।" जयाए भणियं-“जइ एवं तो टिया हं।" तीए भणियं-“अहं पि चिरजीविया जाया ।" सिक्खविया तीए वेसायणसमायारं। थेव काले णं चेव वसीकय-कामयजणा। निग्गय-सद्धा गणिया जाया। पिया वि काऊण गवेसणं सत्तरत्तं जाव तओ सगोउलं गओ विगथ-सोगो नियकज्जाणि काउमाढत्तो।
इओ य सुसीमसत्थवाह-पुत्तो धणंजओ नाम नियवयंसपरिवारिओ उज्जाणाओ पडिनियत्तो उम्मिठहत्थिभयभीओ पविठ्ठो जयाए भवणं । दिठो वाइयाए। सणियं भणिया जया तीए-“भद्दे ! महिडिढयसत्थवाह-सुओ धणंजयाभिहाणो एस सायरतरमुवयरिज्जउ ।” तहेव कयं तीए । सोवयारं भणिया तव्वयंसया अक्काए-“तहा तुब्भेहिं कायवं जह एस सत्थवाहसुओ इहागच्छइ ।" पडिवण्णमणेहिं । तेहिं उवाएहिं आणिति पइदिणं । विविहोवयारेहिं हरइ तस्स हिक्यं जया। दढाणरायरत्तो विसज्जिऊण वयंसए तत्थेव ठिओ धणंजओ । अणकल-हाण-भोयण बियड्ढविणोएण चिट्ठतस्स अइसिणेहलंघियमणस्स अइक्कंता कइ वि दियहा । जाणिओ से वइयरो जणएण । चितियं मणेण-'उचियमेयं जोव्वणस्स । धण्णा चेव संझब्भराय-चंचलं जोव्वणं विसयासेवणेण सहलं कुणंति ।' भणिओ भंडारिओ तहा करेज्जसु जहा इच्छाविवज्जओ न जायइ धणंजयस्स । पेसियं तहिं ठियस्स चेव भूरि दविण-जायं । दिण्णं धणंजएण जयाए। हरिसिया एसा न तहा धणागमेण जहा तग्गुरुजणाणुण्णाए। गुरुजणस्स वि बहुमयमेयं ति सुणिऊण धणंजयनाम मुद्दादसणेण तं तं वत्थुमुद्दिसियसमाढत्ता सत्थाह-घराओ धणमारिसिउं । एवं जहेग दिवसो तहा दस संवच्छरो। तत्थ ठियस्स उवरओ धणंजयस्स पिया । तहेव महादसणेण पेसंतीए समागयं दारिद्रं धणंजयजणणीए।
अण्णम्मि दिणे पेसियं अत्तणो वहयाए संबंधि आभरणं । तहसणेण वियाणियं वाइए एस पज्जंतो दविणस्स । तेण निययाभरणाणि पेसियाणि । ताणि वि गहिऊण भणिया वाइयाए जया -"पृत्ति! खीणो बिहवो। एस नीसारिज्जउ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |