Page Text
________________
२३२
मणोरमा-कहा
.... साहिओ. गणिणीए खंताइ-दस-विहो विसुद्धो साहु-धम्मो। चरणावरणकम्मोदएण न परिणओ तीसे । तओ साहिओ पंचाणब्बइओ सत्तसिक्खावइओ विसुद्धसम्मतपरिपालणम्लो सावय-धम्मो । तेण वि अविरअ-बंध-कम्म-दोसेण असमल्लसिय-जीववीरियाए भणियं च णाए-"भयवइ ! अजोग्गा हमिमस्स वि धम्माणुट्टाणस्स । अओ सुह-परिपालणीय-नियम-विसेसेणाणुग्गहं करेसु ।" गणिणीए भणियं-"भद्दे ! जिगपूयापणाम-पुरस्सरं भोषणं कायव्वं, एस ते नियमो।' सुजसाए भणियं-"भयवइ! फलेहिं पूया भद्दा । जओ-अप्पायत्ताणि मे फलाणि परायत्ताणि पूप्फाणि। गणिणीए भणियंभद्दे ! विविह-फलेहिं जिणपूर्य कुणंता भवंतरे विविहफल-भायगं भवंति जीवा ।" तओ वंदिऊण पवत्तिणीं-"भयवइ ! एसो अभिग्गहो जावज्जीवं निव्वाहेयव्वो मए'त्ति भणिय गया घरं सुजसा । पूएइ पइ-दिणं बहुविहफलेहिं जिणबिंबाणि । ... अण्णया पारद्धा जिणभवणे अट्टाहिया महिमा । दळूण महसवं चितियं सुजसाए-"अदिणाणि जाव सव्वेहिं वि मलयफलेहि.जिणपूया कायव्वा । अलं विक्कएण। तहेव संपाडियं । कयत्थमत्ताणयं मण्णमाणीए पुणो पुणो नियसुकडासेवणमणुमोयमाणीए सुहपरिणामपरिणयाए बद्धं भोगसारं मणुयाउयं । अहाउयक्खएण समुप्पणा फलसाराभिहाणरायपुत्तत्ताए। सो पुण तुमं । ते य दुग्गड-देवडा दोवि मरिऊण मज्झिम-गुणजोगओ समुप्पण्णा धणजक्ख-धणपालाभिहाणा वणियदारया। संपिंडियाओ तुह कए दोहिं वि दह-दह कोडीए। पुव्व-भव-हरिय-धण-कोडी दिपणा तेहिं भवओ दुगुणा । एयं मणियसंजायजाई-सरणो संसारावास-निविण्णमाणसो जेट्रपुत्तं रज्जे अहिसिंचिऊण दीगागाहाण दाऊण महादाणं निक्खंतो गुणसुंदरो केवलिसमीवे फलसारो। निरद्रयारं सामण्णमणुपालिऊण समाहिमरणेण मरिऊण समुप्पण्णो जयंतविमाणे सरवरो । तओ चओ मणयसहमणभविऊण नेव्वाणं गओ। फलपूयाफलभणणपुरस्सरं भणिओ समहदत्तो पियंकरसूरिणाकक्कोल-लवंग-नालिएर-जंबीर-माउलिंगेहिं । नारंग-चंग-अंबंय-जाई-फल-कयलएंहिं च ।।४७७।। दांडिम-करुणय-कोहल-दक्खा-खज्जूर एंलमाईहिं । पवरफलेहि जिणिदं पूयंतो सिवसुहं लहइ ।।४७८।।
समुद्ददत्तेण भणियं-"भयवं ! संपयं घय-पूया-फलं पयसिज्जउ ।” सूरिणा भणियं-'सोम ! सुणसु ।" घयपूयोवरि धनंजयकहा--
अत्थि इहेव भारहेवासे हरिचंद उरं नाम नयरं। मिथकसेणो राया । मइस[ग]रो मंती । मइसिरी से भारिया। मइसारो से पुत्तो। पाणप्पिओ जणणि-जणयाण गुरुजणजणियपक्खवाओ परिमियाणवज्जवयंगभासी बालो वि वुड्ढचरिओ पढमाभिभासी महुव्वमहुरवयगो विणयगुणावज्जियसबगो रूवगुणविणिज्जियसमागवयवेस-वयंस-परिवरिओ उज्जाणाइसु कीलंतो कालं गमे ।।
अण्णया रयणीए समागंतूण भणिओ मइसागरो अमच्चो सुगुत्तमंतिणा-"अस्थि मे विनयसुंदरी नाम कन्नया । जइ भे रोयइ तो दिज्जइ मइसारस्स ।" मइसागरेण भणियं-“को कल्लाणे विरोहो ।" समाहूया संवच्छरिया । निरूविओ विवाहवासरो। कयं चेवं तीए महामहसवेण वरणयं। समागओ परियणमणोरहेहिं विवाह-वासरो। तओ वज्जतेहिं विवाहमंगलतूरेहि, नच्चंतेहिं विलासिणीजणेहिं, पढतेहिं मंगल-पाढएहिं, परिगओ मंगल-मुहलेहि अविहव-नारी-जणेहि, पहाण-सिवियासमारूढो, समंतओ परिवारिओ सुनेवत्थ-वयंस-विदेहि, पुणो-पुणो पलोइज्जमाणे पासायमालातलगयाहिं पुरसुंदरीहिं, पत्तो सुगुत्तमंदिरदुवारं । मइसारो अवयरिओ सिवियाओ ' कओ भालयलमुसलछिवणाई सम्बो समायारो । पविट्ठो बहजण-संवाह-विवाह-मंडवं । उचियसमए विवाहिया विच्छड्डेण विणयसुंदरी । वित्तं पाणिग्गहणं । सम्माणिया वत्थाहरणाईहिं सुहिसवणाइया । गओ गहाय विणयसुंदरि सभवणं मइसारो। तीए सह सिणेहसारं विसयसुहमणुहवंतस्स जाओपुत्तो मइसारस्स। पइट्टावियं नामं विमलमइ त्ति । पुत्तमुहदंसणेण कयकिच्चमत्ताणयं मण्णमाणो अणुण्णविय रायाणं निक्खंतो जिणमएण। मइसारो वि राइणा कओ सव्वाहिगारी। न करेइ अप्पणा रज्जचितं, सुहसागरावगाढो अंतेउरगओ कालं गमेइ । मइसारो विसयल-सामंत-सेविज्जमाणपय-कमलो उज्झियपडागारोविए सयलाहिगारिणा कुणंतो सयसाहस्सिए य उवयारे पडिच्छंतो चाणक्को व्व बिबंतरियं रज्जं भंजतो वासरे गमेइ ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |