Page Text
________________
सम्मत्त-लंभो णाम बीओ अवसरो तत्थ य फलसारनिवकहा
२२९
भणिअं-"रणविणिज्जिय-रणसाय रविज्जाहर-माया-विलसियमेयं । गच्छह तुम्हे सलिलसंचयं वेलाउलं। तत्थ ठियाण भे राइणा सह संगम घडिस्सा मि। 'एवं' ति तेहिं पडिवण्णे बहुप्पहार-जज्जरंगो कह-कह-वि एत्थ संपत्तो हं। गम्मउ संपयं सलिलसंचयं वेलाउलं । पच्छा आणंदिय-सिविरलोएहि स-नगरं' ति । तहेव कयं । पओस-समए पत्ता सलिलसंचए। आणंदिया सिबिर-लोया महामहूसवेण । गमिऊण पहरं रयणीए नुवण्णो राया सभवण-पल्लंके। पच्छिम-पहरे पेच्छा दिव्वायार-धारिणी वरवत्थाहरण-विभूसियं एग इत्थियं । संजाय-विम्हएण पुच्छिया राइणा-"भद्दे ! का तुम? किं निमित्तं मह समीवमागया ? कहं वा अंगरक्ख-रक्खियं पिहिय-दुवारं वासभवणमिणमणुपविट्ठा ?" तीए भणियं-"महाराय ! इमस्सेव वेलाउले विमलप्पही नाम राया अहेसि । तेण दाहिणदिसिभाए समुद्दवेलायडे बत्तीसं सुवण्ण-कोडीओ निहाणीकयाओ। कालेण उवरओ सो महाभागो। तं पुण निहाणं संरक्खियं मए एत्तियं कालं । अज्ज पुण घरागयस्स ते तेण पयं काउमिच्छामि । पिहिय-वासभवण-पवेसो पूण जहिच्छाचारिणी-देवयाणं न दुक्करो।' पडिवण्णं तव्वयणं राणा । 'पहाणसुरहिहेट्ठाओ खणियव्व'ति भणिऊण गया देवया । पेसिया पहाण-पुरिसा । खणियं तेहिं । लद्धं निहाणयं । समप्पियं राइणो । कयसम्माणा पेसिया सद्राणं समरसेण-कंचणमाला । समप्पियं दविणं भंडारियाण । तइय-दियहे पभाए चेव महामंडवे पवरसीहासणासीणस्स सामंतामच्च-पउर-जण-परिवारियस्स पडिहार-निवेइओ बह-जण-परिवारिओ पविटठो वेलाहिओ। काऊण पणाम विणतो तेण राया-"देव! पणट्ट-सामियाणि पडिकूल-पवणेण कत्तो वि अवकलिऊण पंच-पवहणाणि इह पावियाणि । जमेत्थ कायव्वं तं समाइसउ देवो ।” एवं सुणिय' संजायाणुकंपो वेलाउल-दसण-कोऊहलेण य गओ सयमेव तत्थ राया। पूच्छिया धीवरा-"कस्स संतियाणि इमाणि पवहणाणि? किंवा इमेस भंड?" धीवराहिवेण भणियं-"महाराय ! सुजयपुरवत्थव्वगस्स रयणसारसेट्ठिस्स संतियाणि पंच वि पवहणाणि भिण्ण-भिण्णदीवेस मक्काणि । पवासं काऊण सेट्रिणा पंच वि मलए मेलयाणि । तओ समग चेव नियनयर पइमक्काणि। तडयदिणे विसझ्या-दोसेण उवरओ रयणसारसेट्ठी। पडिकूल-पवण-पणोंल्लियाणि एत्थं पत्ताणि पवहणाणि । एगं रणदी वाओ, तत्थ बत्तीसं रयणकोडीओ। बीयं सुवण्ण-दीवाओ, तत्थ वीसं सहस्सा सुवण्णमय-इट्ट-संपुडाणं । तइयं कारोहणदीवाओ, कप्परागरु-कत्थरियाभरियं । चउत्थं कलह-दीवाओ, वर-वत्थ-भरियं । पंचमं मलयाओ, सार-सिरिखंडपति पुण्णं ।" राइणा भणियं-“अत्थि संताणो सेट्रिस्स? फूडं मंतियव्वं ।" तेहि भणियं-"नत्थि।" तओ संबलमेतं बाई विसज्जिया धीवराइया। गहियाणि राइणा पंच वि पवहणाणि । सच्चविय-सयल-निय-महीमंडलो चलिओ नियनयराभि महं। पत्तो कइवयवासरेहि। आवासिओ बाहिरुज्जाणे । कराविया मंतिणा सव्वम्मि नयरे ह-सोहा। कत्थइ लंबंतामल. हारावलिविह मावलिधराओ, झुल्लंत-कंठियाओ लंबाविय-सरूव-घंटाओ, वेरुलिय -मरगयामल-कक्केयण-पोमराय-बहराण. कर-नियर-वियलिय-रवि-कर-कंतिकरालाओ, अण्णत्थ वरहरविलंबिय-सिय-कसिण-चामरं चिचइय-अंबर-तलाओ. कत्थानिय दंतिदंतेहिं दंतुराओ विरायंति। कत्थ वि बहुसंख-सिप्पि-संपुडमाला-मालियनहयलाओ, अण्णत्थ कत्थ विय तद्दतलिया-तड्डियताराभिरामाओ, एगत्तो रेहिर-पंचवण्ण-वत्थेहि विहियसोहाओ, अण्णत्तो घण-धणसार-हार-सोहंत-गयणाओ, नारंगफणस-दाडिम-अंब-जंबीर-जणिय-सोहाओ, दीसंतन्नत्थ विलंबिराओ वरकुसुममालाओ, वर-नागवल्लिकय-तोरणाओ लंबंतपूग-रम्माओ, असि-कुंत-सेल्ल-तोमर-लंबाविय-धणुह-मालाओ, घारिय-मंडय-चप्पडि-पूरिय-इड्डरिय-विडुरिल्लावो-एवं विह हट्टीओ विणिम्मियाओ खणद्धेण ।
तओ हट्टसोहं काराविऊण गओ मंती रायसमीवे । पणाम-पुरस्सरं साहिओ पवेस-समओ । कयमज्जणोवयारो, पवरवत्थाहरण-विभसिओ, उवरि-धरिय-सियायवत्तो, मंद-मंदं निवडंत-सिय-चामरो, वरगंध-सिंधरारूढो, इओ तओ हटसोहं निरूवितो, अहामहमियाए सव्वजणेण सच्चविज्जतो, पविट्ठो रायमंदिरं । कयपवेस-मंगलोवयारो निसण्णो राया अत्थाण-मंडव-सीहासणे। समागया नागरया। मिलियाणि पायमूलाणि । कयमंगलोवयारेण जहारिहं सम्माणिऊण वत्थाइणा विसज्जिया मंति-सामंताइणो । जहावसरं तिवग्ग-संपयाणरयस्स चिंताणंतर-संपज्जंत-सयल-रज्जफज्जस्स फलसारराइणो वच्चंति वासरा।
इओय तम्मि चेव नयरे अदिण्ण-भत्तनिय-धणो धणजक्खो नाम परम-किविणो दस-दविण-कोडीसरो परिवसइ । उक्खण-निहणं कुणंतस्स वच्चइ कालो।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |