Page Text
________________
२६०
मणोरमा-कहा
अण्णम्मि दिणे सट्ठाणे दविण जायमपेच्छंतो उम्मत्तलीभुषो छारंगार-कमवरेसु पुणो पुणो लोट्टंतो, कयाइ दंडिनियंसणो, कयाइ विवसणो, डिभरूवविंदपरिवारिओ, 'कहिं दसकोडीओ ? नद्राओ, विनदाओ दसकोडीओ, देह में दसकोडीओ, देह मे दस कोडीओ ।' एवमाइ वहविहं पलवंतो, आस-बाहणिया विणिग्गएण दिट्ठो फलसार-राइणा । संजायाणुकंपेण सहाविओ भणिओ य-"केण अवहडाओ दसकोडीओ? थिरो भवसु । अहं ते विपरामि ।" एयं सुणिय सत्थावत्थमाणसो जाओ धणजक्खो । समाइट्ठो राइणा नियभंडारिओ-"अरे ! वियरसू हमस्स भंडागाराओ दस दविणकोडीओ।" पणाम-पुरस्सरं भणियमणेणं-"जं देवो आणवेइ"त्ति समप्पियाओ दसकोडीओ । पह-माणसेण गहियाओ तेष पक्खित्ताओ य धरणीतले । कइवयदिहि गएहि निरूवियं तेण, न य दिवाओ । ताहे पुणो वि तयवत्थो जाओ धणजक्खो । विण्णत्तो भंडारिएण राया-"देव ! देववयणेण दिण्णाओ तस्स दसकोडीओ । परं अज्ज अण्ण दविणपक्खेवणत्थं भंडागारं निरूवयंतेण ताओ दसकोडीओ दुगुणाओ दिद्राओ। न नज्जइ केणइ अदिह्रण पक्खित्ताओ । संपयं देवो पमाणं"ति । चितियं च रण्णा-'अणुकूल-कम्म-पारणइ-चोइएण केण वि दिव्वरूवेण धणजक्खसंतियाओ वि मम भंडागारे छुढाओ संभाविज्जंति। सव्वहा अचिता कम्म-परिणई।"
अण्णम्मि दिणे तत्थेव य वत्थव्वो धणपालो नाम ईसरो समागओ राय-समीवं । चिण्णत्तो राया--"देव ! केण वि मुळं मह मंदिरं । गयाओ दविण-कोडीओ।" राइणा भणिओ भंडारिओ-एयस्स वि देसु जत्तिय-मेत्तं दविणं गयं ।" तहेव समप्पियाओ। पुणोवि तहेव दिट्ठाओ भंडागारे। निवेइयं राइणो। चितियं च तेण-"अहो ! अच्छेरयं । को एत्थो आसि न नज्जइ । अहवाजीवाण गई कम्माण परणई पोग्गलाण परिणामो । मोत्तूण जिणं तह जिणमयं च को साहिउँ तरइ ।।४७१।।
एवमाइ चिंतयंतो विण्णत्तो दोवा रिएण राया-"देव ! नयर-बाहिरुज्जाणे अवंतिसुंदरराइणो तणयस्स कुमारभावे गहिय-समणस्स निदड्ढ-घणघाइ-कम्मिधणस्स गुणसुंदरस्स तीयाणागय-वत्थुवियाणगं केवलनाणं समुप्पण्णं । एयं . सुणिऊण हरिसवस-विसप्पमाणमाणसो निय-अंगलग्गं पसाई काऊण वत्थाहरणाइयं दोवारियस्स सपरिवारो गओ केवलिवंदणत्थं फलसारराया। वंदिओ केवली निसण्णो उचियासणे। पारद्धा केवलिणा धम्मदेसणाजह जीवा बझंति मुच्चंति व जहव संकिलिस्संति । अट्टवसट्टोवगया नरय-गई जह व गच्छति ।।४७२।।
जंजं संसयं पुच्छेइ तस्स पच्चक्खमिव साहयंतं दट्टण चितियं राइणा-“अहो! नाणालोओ एस भयवंतो । अहं पि पुच्छामि निय संसयं' एवं विगप्पितो भणिओ तरवइ केवलिणा "महाराय ! एस ते संसओ-'कहं विजंता वि लच्छी धण-जक्ख-धणपालाण न हवंति, कहं वा मह भंडागारे दुगुणा लच्छी समागच्छइ ।" राइणा भणियं-“भयवं! एवमेयं ।" भणियं केवलिणा-"जम्मतरेसु कयपुण्णाणुभावेण जंघाबलो नाम जक्खो तुह घर-चितं करेइ । सिबिर-निग्गम-कालाओ तुह सरीर-रक्खं कुणंतो एच्चिरं हिंडिओ। सलिल-संचय-वेलाउले पवहणाणि वि अवकूलिऊण इमिणा चेव तुह दिण्णाणि । धणजक्ख-धणपाल-धणं पि इमिणा चेव तुह भंडागारे पक्खित्तं । जम्मंतररिणिया तह इमे । राइणा भणियं-“भयवं! कहमिमे महरिणिया? केरिसं वा मए कम्म जम्मंतरे सुहमणुचिण्णं जेणेरिसो सुह-फलविवागो?" केवलिणा भणियं"महाराय ! सुणसु ।”
इओ पुव्वभवे कुसुमसमिद्ध-नयरे उवरयभत्तारा वाल-वच्छा सुजसा नाम महंत-मलय-सामिणो मालिणी तुममहेसि । अप्पणा मलयसिंचणाइयं काउमसमत्थाए धरिया तीए देवड-दुग्गडाभिहाणा दोण्णि वंठा । कया सह तेहि क्वत्था-'तुब्भाण कुसुमाणि, मह फलाणि ।' पडिवण्णमिमेहिं तहेव कुणंताण वच्चइ कालो।
अण्णम्मि दिणे थाणयनिमित्तं भूमी खणंतीए दिट्ठो कवलिकंठओ सुजसाए । इओ तो निरूविऊण ढंकिओ धूलिए । तं पुण तीए चेव पुन्व-पुरिस-संतियं । चिंतियं च णाए-महानिहाणमेयं काऊण बलि-विहिणाइयं उवयारं गहिस्सामि।' घरमागया। दिलृ च एयं दुग्गड-देवडेहिं । खणियं तद्राणं । लद्धं निहाणं । परिसंखियं तेहि। जायाओ दो कोडिओ। अद्धमद्धं काऊण गहियं तेहिं ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |