Page Text
________________
२२८
मणोरमा-कहा
पडमाणाणि खणमेत्तंमए धरियाणि । कि-कायव्व-विमुढो एवं चिताउरो चिद्रामि।" रण्णा भणियं-"एहि ताव ताणि पेच्छामो।' गया दोवि जणा। भणिओ रण्णा पुरिसो-"भद्दमह ! पंच-दिणाणि जाव न लब्भइ एत्थ निवडणं काउं । अओ परं जहिच्छा भवउ ।' पडिवण्णमणेण । दिण्णो राइणा तस्स घरिणीए सोहग्गमंतो। गयाणि स-नगरं। मंत-पहावेण अईव वल्लहा सा भत्तुणो। अदिविओगा विसयसुहमणुहवंती कालं गमेइ । . .
इओ य वसंतसुंदरेण भाणओ राया-“अज्ज इमाओ कज्जसंकडाओ नित्थारिओ हं तुमए। निवारिया अप्पसिद्धी पडणस्स । परोवयारपवणमाणसा पुण्णेहि जायंति तुम्हारिसा । कयत्थो हं तूह दंसणेणं । परं किंपि पत्थेमि । गिण्हस इमं चिंतामणिरयणं । न अण्णहा मे मणनिव्वुई।' नाऊण निबंधं गहियं राइणा।
एत्यंतरे लेहं गहिऊण समागओ कंचणमालो। चलणेसु निवडिऊण समप्पिओ लेहो । सहरिसमालिंगिऊण पुच्छिओ रण्णा-"कत्तो तुम? कुसलिणी वा वच्छा अरुणप्पहा ? केण वा एस लेहो पेसिओ?' काऊण पणाम भणियं कंचणमालेण-"तम्हाण चेव गवेसणं कुणमाणो समंतओ संचरंतो पत्तो हं नगरमेगं । दिटठो समाउलो एगो परिसो । पच्छिओ य-"भद्दमुह ! किमेवं विच्छाओ विगयाणंदो सदुक्खं रुयंतो मरणाभिमहो रायलोगो दीसइ ? भयभीओ य इओ तओ संचरइ नायरजणो?" तेण भणियं-"भद्द ! आगंतुगो विय लक्खीयसि ?' मए भणियं [...] 'जइ एवं ता सुणसु ।'
'अत्थि सुयपुव्वो भवया फलसारो नाम राया।' मए भणियं-'एवं ।' पुरिसेण भणियं-'सो अण्णया चउरंगबल-सहिओ देस-दसणत्थं निग्गओ। एगम्मि कंतारे समावासिए सिबिरे रयणीए न नज्जइ केणइ अवहरिओ। एवं विरलं परवत्ताए अणिढवत्ताए, आउलाउलेसु सविसेसोवलंभत्थमिओ तओ धावमाणेसु रायपुरिसेसु, सिरोदेसनिठुराभिघाय-जणियजण-दुक्खेसु पउणभावंतेसु, पइवेलमवलोयणक्कंदेसु सविहचारिचारेण करु[ण]गीय-सह-संजणियमासण्ण-जण-परम-निव्वेएसु, मरिऊमुच्चलिए सुवेला वित्तएसु, 'अहो कळं' सह-समुच्चार-मुहरासु ठाण-पिडियासु, पयासयंतीसु विरसयं संसारस्स पंडिय-मंडलीसु, विणिवारिय-तूरेसु अणारद्धमंगलगीएसु, वणवासं पइ चलिएसु थेर-सामंतेसु, नयणवारिपूरेण पुत्त-रज्जाभिसेयं कूणमाणेसु सयणवग्ग-सामंतेसु, पहाण-पुरिस-निवारिज्जमाण-नियदेह-दारण-समुज्जय-दास-दारय-गणे ठियाभिमुहचलियचे[व] परिहरिज्जमाणवालावच्च-कडु-विलाव-दलिय-दयालु-जण-माणसे, पाणनिरबेक्खंगरक्खविखिप्पमाण-दविणधावंत-रोरकुल-कओद्दाम-कोलाहले, विणिवारिय-गीय-नट्टाइयस[य] लपुव्व-ववहारे, दुक्खमए इव, उद्देगमए इव, विसायमए इव संजोए राय उले, कमलकेऊ नाम रायमाऊलो रायंगणोवविट्ठो. पहाण-रायलोएण परिवारिओ अहोमुहदिटठी जाव चिट्टइ, ताव विमलमइरूवधारी परिमिय-पुरिस-परिवारो समागओ एगो पुरिसो। कहिलं तेण कमलकेउपहाणपूरिसाण जहा-उवरओ राया । करेह मय-किच्चाई। अहं पुण विसमाट्ठय-सविर-संरक्खणत्थं [गच्छामि त्ति भणिऊण निग्गओ। तं सुणिय निरंतर-रुइय-सद्द-भरिय-भुवणोदरो दारेंतो विव दयालुजण-हिययाणि उच्छलिओ अंतेउरे अक्कंदारावो। सुमरिय-सामि-सम्माणो मरणं पइ पत्थिओ रायलोओ। भणिओ मए पुरिसो-“महाभाग ! दंसेहि कमलकेऊ।" तेण भणियं-"आगच्छउ भवं ।" गओ हं तयणुमग्गेण सास-पवण-संवढिएण समालिगियसरीरो दाहेण, खणं निसण्णो, खणमासीणो, खणं परावत्तमाणो, 'अहो विडिओ स ते महग्गहदिट्रिवाओ। पत्ता अलीगत्तणं नेमित्तियासो खीणो महारायलक्खणाणमणुभावो । एवं [चितयं]तेण तो दिट्ठो कमलकेऊ, पणमिओ य । तेण भणियं-“कत्तो भवं?" मए वि ताण समासासणत्थं, "महाराय-फलसार-समीवाओ"त्ति जंपियं । तेण भणियं-"को तुम? किमभिहाणो वा?" साहिओ मए निय-वइयरो। कमलकेउणा भणियं-"महाभाग ! जइ राइणं घेत्तूणागच्छसि ता सयल-रायलोयजीवियप्पयाणेण उवयारी भवसि । ‘एवं करेमि'त्ति भणिऊण उप्पइओ गयणंगणं । पण्णत्ति पुच्छिऊण एत्थागओ।
एत्यंतरे गुरुपहार-विहलंघलो समागओ सूरसेणो। पच्चभिण्णाओ रण्णा । पुच्छिओ-“कओ तुमं? कहं वा अवस्थमेयं पाविओ?" सो वि पणट्टचेयणो जंपिउ पि न तरइ। तओ कावालिग-दिण्ण-संरोहणीए रोहिया वणा । पउणसरीरो एवं जंपिउमारद्धो-"तुहअण्णेसणं कुणतो इओ[तओ] भमिऊण कांतारपारमहमणुपविट्ठो । दिळं तत्थाणाहं तुम्ह बलं रणवीरपुत्तेण रणसायरेण विलोलिज्जमाणं । तओ जुज्झिओ हं रणसायरेण सद्धि । कह कह वि विणिज्जिओ सो मए पावो। समासासियं ते सिबिरं। एत्थंतरे नगराओ सिबिरं समागओ कमलकेऊ । अब्भुट्टिओ मंति [प]मुहेण रायलोएण। पूच्छिओ तेण मंती-“कहं तए रायमरणं जाणियं?" तेण भणियं-"न जाणामि । कि तुम नगरं नागओ?" तेण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |