Page Text
________________
सम्मत्त-लंभो णाम बीओ अवसरो तत्थ य फलसारनिवकहा
२२७
बीय-दिणे कंतिसिरिसमक्खं पुणो वि जंपियमिमाए-"पिययम ! अज्ज पुण मए एरिसो सुमिणो दिट्ठोबहा तए एग-पाएण गयणंगणगएण गोमुत्तं गोमयं भुंजियं । पञ्छा मरू सह एग-भायणे पायसं ते भुत्तं । भायणं पि तए चेव सारवियं । एसो वि सच्चो कीरउ।" तहेव कयं अच्चएण। संजाय-पच्चया गया निय-घरं कंतिसिरी। नाह ! महिला-वयणेण दुक्करं पि कुणंता दीसंति तुम पुण अइ-निळुरो" डंखेण भणियं-पिए ! अवगण्णिऊण महिलायणस्त वयमाणि जत्थ पुरिसेहि किज्जति । सयल-कज्जाणि ताणि गेहाणि गेहाणि ।४६९ फ्यईए चेव तुच्छा जं पि घरे कारणं हवइ महिला । कह होज्ज तस्स वुड्ढी घरस्स जह सुंदरि इमस्स ।४७०।
__वायसिए भणियं-"किं इमं महिला-दोसेण विनठं?" रिट्टेण भणियं-"आमं।" इयरीए भणियं-"कहं चिय?" तेण भणियं-"सुणेउ सुंदरी ।" "उवरयाए वसुंधर-जणणीए वासव-सेट्ठिणा परिणीया वसुसिरी नाम सेट्रिध्या। जाओ तव्वसो। जं सा भणइ तं सो करे।
अण्णया दाहजर-परिगओ मोत्तण सयणिज्जं समागओ घरुज्जाण-सहयारतलं । तहिं ठियस्स समागया वससिरी। भणिया सेट्ठिणा-"पिए ! गाढं मे सरीर-कारणं । संति एत्थ सहयारतले पंचदीणारकोडीओ। मया चेव निहाणीकया। अपूत्ता तुम। जइ भणहि ता वसुंधरस्स साहेमि ।" तीए भणियं-"अलमिमाए संकहाए अहं चेव जहा जत्तं करिस्सामि ।" ठिओ सो मोणेण । निसुओ मए एस वइयरो सहयार-साहागएण । कइवय-दिणावसाणे मक्को सेटठी पाणेहिं।
अण्णम्मि दिणे सा वि विसूइया-दोसेण उवरया। एस पुण वराओ वसुंधरो उब्भंतदालिद्दिओ कालं गमेइ । एवं सोऊण पहसिओ राया। पुच्छिओ वसुंधरेण हास-कारणं । साहिओ राइणा निहाण-कहण-पज्जवसाणो वायसालावो। हरिसिओ वसुंधरो । पूया पुरस्सरं गहियं निहाणं । परिणीया वासवदत्तसेट्ठिणो धूया वसंतसिरी । जाओ सयलजणमाणणिज्जो। मण्णइ परमोवयारीणं रायाणं ।
अण्णया अकहितो चेव वसुंधरस्स रयणीए निग्गओ राया । कमेण पत्तो नयरमेगं । आवासिओ न[य]र-बाहिरियाए। एत्यंतरे निसुओ आघोसणा-सद्दो-'जो रायाणं अहिणा दहें जीवावेइ सो अद्धरज्जिओ कीरइ । एयं सुणिय गओ फलसारो पउत्तं गारुडं। पउणो राया। निमंतिओ रज्जद्धेण । न पडिवण्णं फलसारेण । विम्हिओ राया चितिउमारतो--"अहो! महत्थया। अहो! परोवयारित्तं । भवियव्वं महाकुलप्पसूएण इमिणा । अणिच्छंतस्स वि दिण्णा रयणसिरी नाम निय धूया। ठिओ कइवयदिणाणि।
अण्णम्मि दि]णे रयणीए सयणिज्जगयं समंतओ-गहिय-खग्गेहिं चेवावडियं विज्जाहरसुंदरीहिं नहयलेण विज्जतमप्पाणं दळूण पडिबुद्धो। 'हण हण'त्ति भणमाणीओ ढुक्काओ विज्जाहरीओ । राइणा वि सिरोवहाणहेढा संठियं
यणं । भीएण मुक्को रणमल्लेण । सयणिज्जेण समं चेव निवडिओ धरणीए । पुरओ होऊण सगव्वं जंपियं रणमल्लेण-"अरे! सो हं रणहत्थि-पुत्तो रणमल्लो। इमाओ वि रणवीर-रणहत्थि-घरिणीओ पइ-वेरियं तमं दठण समढीविय-कोवाणलाओ कालरत्तीओ इव तुह वहण?मागयाओ।" एवं भणिऊण ढुक्को रणमल्लो। पहओ राया खग्गाभिघाएण। कोलाहलं कुणमाणीओ पत्ताओ विज्जाहरीओ । राइणा वि सरोसमुट्टिऊण वावाइओ रणमल्लो। ताओ वि विगय-नासाओ काऊण भेसियाओ संरोहणीए रोहिओ चलिओ पव्वय-भूयभूमीए पच्छिमाभिमुहो । थेवंतरं गएण सविसाओ पूण्णागतरुतले दिव्वागई दिट्ठो एगो पुरिसो । गओ राया तयंतियं । अब्भट्रिओ तेण । दिण्णमासणं । पच्छिओ रणा "भड ! को वा तमं? किं कारणं सविसाओविय लक्खीयसि ?" तेण भणियं-"महाभाग ! एस विसमकडो नाम पव्वओ । अहं पि एत्थ-निवासी चेव वसंतसुदरो नाम जक्खो। विसायकारणं पुण इम-"अत्थेत्थ पव्वए मए समहिट्रियं इच्छा-पूरगं नाम पडणं । जो जं इच्छिऊण इमाओ निवडइ सो तेण कुल्जाइ । अज्ज पुण कंचणनयराओ मिहणयमेत्थागयं भणियं भत्तारेण-'जइ इच्छियं पि पाविज्जइ ता जम्मतरे वि इमीए सह संगमो मे नो होज्जा।' इयरीए पण भणियं-'जह सच्चं तुम इच्छा पूरयंता भवे-भवे एसो चेव मह भत्ता जह होइ तहा करेज्जसु' ति भणिऊण समकालमेव
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |