Page Text
________________
२२६
मणोरमा कहा
परिहरणीया।' 'सोहणमिणं' ति पडिवण्णमणेण । राय-सासणेण रयणीए सह-पसूत्तं गहाय समागओ अरुणप्पहं नरवइसमक्खं । परिणीया गंधव्ववीवाहेण । पढम-घरिणी वि विसेसं विणयपरा जाया। संजाय-तुट्ठिणा नीओ नियनयरे राया विज्जाहरेण। उवयरिओ विविहोवयारेहिं ।
अण्णम्मि दिणे सुह-पसुत्तो चेव पहओ राया खग्गेण रणहत्थि-पुत्तेण रणमल्लेण। 'अरे! को एस नाम ? कस्स विकलेण पहरियं' जपंतो उट्ठिओ राया ! सी वि जाव पुण पहारं सज्जइ ताव पहओ दाहिण-भुया-मूले मुट्ठिपटारेण राहणा। निवडियं खगं। संपलग्गो बाह-ज ज्ञण । लहिऊण अंतरं गहिओ रण्णा चलणेस खेयरो। अणकलं ति मण्णमाणो उप्पइओ नहयले । दूरं गंतूण विधुणिया चलणा। निवडिओ राया एगम्मि नयर-समासण्णे सरिया-परिसरे सयणिज्जाओ व्व वालुयामज्झाओ । उट्टिओ गओ थेवं भूमि-भागं । दिदा य तत्थ आलिहिय-मंडलासमंतओ पुप्फबलि-विहाण-वावडठाणे महिमंडलं खणंता कावालिय-जोगिय-भगव-भिक्खुणा । खणंतरं निरूविऊण गओ राया तयंतियं । भगवंतो पणमामि । ते वि'को तुम?' ति भणमाणा सम्मूहमागया। साहिओ रण्णा निय-वइयरो। वीसत्थमाणसा पुणो वि खणिउमारद्धा। समासाइयं निहाणं चत्तारि सूवण्ण-कोडीओ। हरिसिय-माणसेहिं गहिया एक्केक्का । भणिओ य 'महाभाग ! तुहाणुभावेण एसा णे लच्छी। गिण्हेसु एयाओ जं भै रोयइ। रण्णा भणियं-तुम्हाण अण्णं पि दिज्जइ । अलममणा निबंधेण । ताहे पसण्ण-चित्तेण रोहिओ वणो संरोहणीए कावालिगेण। पणामिया य संरोहणी। दिण्णो गारुडमंतो जोगिएण, सोहग्गमंतो, भगवेण, सयलजीवभासाअवबोह[मं]तो भिक्खुणा । तत्थेव गोविऊण सुवष्णयं पविट्ठा ते नगरं। राया रयणि-विरामे दिट्ठो बहिरागएण दुग्गय-वणिणा वसुंधराभिहाणेण। पुच्छिओ सायरं-"कत्तो तुम? कहं वा एरिसाए सरीर-संपयाए इमिहिं य महाराय-पय-साहर्गेहिं सरीर-लक्खणेहिं एगागित्तणं?" न कि पि जंपियं राइणा। अणिच्छंतो वि नीओ तेण निय-घरं । कया पहाण-भोयणाइया सयं पडिवत्ती । नुवण्णा घर-मंडव-छायाए दो वि जणा। पुच्छिओ रण्णा वसुंधरो-"किं नत्थि ते घरयणो, जेण पागाइपओयणाणि सयमेव करेसि?" तेण भणियंदुग्गओ त्ति काऊण न देइ कोइ मह दुहियं । पेक्खंता वि न पेक्खंति मं सुहिसयणाइया ।।४६५॥ . जओ-- लच्छी करकमलविया सरेणु पूरिज्जमाणनयहिं । पासट्ठिया वि दीसंति नेव रोरा धणड्ढेहि ।।४६६।। विलियविहवा पुरिसा पच्चासण्णा वि नेव दीसंति । दालिइंजणगुत्ता नुणं सिद्धे व वियरंति ॥४६७।। वंसुप्पण्णाण गुणड्ढियाण सरलाण उज्जमग्गाण । फल-रहियाण सराण व नराण को आयरं कुणइ ? ।।
- एयं सुणिय विसण्णो राया । एत्यंतरे भणिओ बायसिए वायसो नियभासाए-"पिययम ! अज्ज मे रविमोयणाओ भोयणं आणेहि" । तेण अणि-"पिए ! माहं निविण्णो जीवियव्वस्स । वायसीए भणिय-"अहो ते निण्णहया? अहो ते निरप्पणया? कललवयपेण जलवहणाइयं पि को अच्चुओ।" वायसेण भणियं-"पिए ! को एस अच्चुओ?" तीए भणियं-मुणसु,
एत्थेव नयरे अच्चय-विच्चुयाभिहाणा दोणि वणिणो परिवसंति । ताण कंतिमइ कतसिरीओ घरिणीओ परोप्पर वयंसियाओ । अण्णया भणिया कंतिमइ कंतिसिरीए-"पियसहि ! अज्ज हरवल्लहा-समाराहणत्थं गमिस्सइ सध्ववि नयर-नारी-जणो । एहि अम्हेवि बच्चामो ।" कंतिमईए भणियं-"किं तत्थ गयाणं भवइ ?" इयरीए भणियं"सोहग्गं ।" तीए भणियं-"अत्थि मे सोहग्गं । जं भणामि तं करेइ दइओ" इयरीए भणियं--"जाणामि सच्चं, जइ तुह वयणेण उग्गयम्मि दिणयरे महिलायण-मज्झ-गओ घडेण जलमाणेइ, निरसणो वा अच्छइ दिणमेगं ।" कंतिमईए [भ]णियं-"को एत्थ संसओ। पेच्छउ पभाए उभयं पि पियसही ।" बीयदिणे भणिओ तीए भत्ता-“अज्जउत्त ! 'पच्छिम-जामे जामिणीए सुमिणयम्मि, किर उग्गयम्मि दिणयरे गहिय-कुंभो महिलायणमझे जलं वहतो तुम मए दिठो। करेलु सच्चं सुमिणवं, नण्णहा में मण-निव्बई।" तेण वि तहेव कयं । तीए भणियं-"भोयणं पि अज्ज ते सुभिणए निवारियं।" तं पि पडिवण्णमण।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |