Page Text
________________
सम्मत्त-लंभो णाम बीओ अवसरो तत्थ य फ़लसारनिवकहा
२२५
मत्तमायंगेसु, उल्लसिज्जमाणेसु लुंटाग-जणेसु । समाउलीभूए समंतओ रायउले, कह कह वि पविसिऊण- कण्णतेउरे, संजाय करुणेण, तास-तरलिय-नयण-तारया हा ताय! हा भाय ! एवं विलवर्षमाणी' गहिया मए एसा कण्णया । पलाणो, पच्छिमदिसमंगीकाऊण विविहाउह-जजरिय-काओ, पुरो गंतुमचयंतो एत्थेव निवडिओ, एसो पुण पंच-विज्जाहरसहिओ विणिवाइओ। एसा पुण चक्कसेण-घरिणी पउमा। इमा पुण कण्णया कुंतलाभिहाणा एयाए चेव धूया। अहं पि पुच्छामि भवंतं-"कह तुममेत्थमागओ ?" साहिओ रण्णा सखेयं करोडि-वंचणाइओ निय-वइयरो । पउमसिरीए भणियं-"महाराय ! न सा करोडी।" रण्णा भणियं-“का पुण सा?" तीए भणियं-"सुणेउ महाभागो! समागओ एगया पडिवण्ण-समणलिंगो समुप्पण्ण-केवलो अवंतिसेणो नाम मे मामगो रंगसालाए । निग्गया वंदणवडियाए नागरया। अहं पि कुंतलं गहाय गया। वंदिओ भयवं । निसुया धम्म-देसगा । पुरओ काऊण कुंतलं पुच्छिओ भयवं-को इमाए वरो भविस्सइ ? कि तस्स नामं? पुच्छिएण 'फलसारोत्ति साहियं भगवया । वंदिऊण समागया हं निय-भवणं। विहरिओ अण्णत्थ केवली। उवरओ कुंतलाए पिया । लद्धावसरो सण्णहिउमारद्धो रणवीरो । सुमरिया मए बह-रूवविज्जा। समागया भणियाय 'तहा करेसु जहा फलसार-राया तिदुग-वणं समागच्छइ । 'एवं करेमित्ति भणिऊण गया। एगेण स्वेण नहंगणे गच्छंतो पुरिसो तुह दंसिओ । बीएण करोडीछलेण वंचिऊण तुममेत्थाणीओ । संजोइयं केवलिवयणं । अओ मोत्तण विसायं एत्थेव परिणेसु कुंतलं ।' ‘एवं हवउत्ति परिणीया । नीओ रंगसालाए नरवई । ठिओ कइवयदिणाणि । अण्णम्मि दिणे सुहपसुत्तो रणवीर-कणि?-भाऊणा रणहत्थिणा भाइ-वेरं वहंतेण अवहरिओ फलसारो। नीओ हरिमेल-पव्वए । एगम्मि सिलायले अच्छोडेमि' [त्ति] वियप्पिऊण जाव चलणेसु गिण्हइ रणहत्थी ताव सहसा विबुद्धो नराहिओ । 'अवगारी एसो'त्ति संजाय-निच्छएण परामुळं कडियडं । न दिट्ठा असि-धेणुया । किं कायव्वमूढो जाव चिट्ठइ खणंतरं ताव सो चेव निय-किवाणो केणावि अदिस्समाणमुत्तिणा रण्णो करे पणामिओ। रणहत्थिणा वि संकियमाणसेण मुक्को नहयलाओ राया । मओ न वत्ति जा निरूवेइ ताव दिट्ठो पवर-पल्लंकोवरि संठिओ। संजाय-मच्छरो गहिऊण खग्गं ढुक्को। राया वि गहियखग्गो उदिओ। झुज्झिया चिरं । विणिवाइओ रणहत्थी। पुणो वि समागओ तम्मि ठाणे। नपासइ सबणीयं । 'हंत ! किमेयं ?' ति विम्हिओ चलिओ दक्षिणाभिमाह]। इओ तओ परिब्भमतेण वियडपयक्खेव-समक्कंत-भू-मंडलो अणण्णरूव-सरीरसोहाए, विचित्त-वत्थाहरण-धारिणीए, पसरताविरल-बाहजल-पक्खालियकवोलाए, नव-जोव्वण-रमणीयाए, महिलाए धाविऊण वत्थंचलेण धरिज्जमाणो पुणो पुणो, पसारिऊण बाहु-जुयलं परिरंभमाणो, वारंवारं चलणेसु निवडिऊण पसाइज्जमाणो दिट्ठो एगो विज्जाहर-जुवाणो । तं दळूण संजायविम्हओ पुरो होऊण तस्स भणिउमाढत्तो राया-“अहो महाभाग ! धीरो भवसु खणमेगं । पुच्छामि किं पि भवंतं किं कारणमरणे
विहिब-विणय-अणणयपरा परिहरिज्जइ एसा बालिया। कहिं वा इमाए वारिज्जमाणो वि तुम पत्थिओ?" तेण भणियं-“कहिज्जमाणं सुणिज्जमाणं पि लज्जायरं मे चरियं । तहा वि आयारमुणिज्जमाण-सप्पुरिसचरियस्स भवओ साहिज्जइ । कंचणमालो नाम विज्जाहर-दारिओ । एसा वि हरिमेला नाम पाणप्पिया, मह पणइणी, सव्वत्थ-अखंडिय-पसरा, परं विस्सास-ठाणं, सव्व-पओयणेसू सम्मया कालं गमेइ। अइ-गोरव-लंघिया अणुकुल-भासिणो वि मे पडिकूल-भासिणी पियकारिणो वि अप्पियकारिणी विहिउवयारस्स वि अणुवयार-परायणा, दक्खिण्णं कुणमाणस्स वि निद्दक्खिण्णा उज्झियविणया पए पए मह संतावं जणेइ परियणस्स वि न सम्मं वट्टइ । जओएगं महिला बीयं पइप्पसाएण लंघिया होइ । सयमेव जलइ [ज] *णो कि पुण पवणेण परियरिओ ।।४६३।। अज्ज पुण सिद्ध मंतिओ मए सुहि सयण-वग्गो । तस्स वि पुरओ आणा-खंडणेण खलीकओ' हमणाए ।
संजाय-निव्वेओ, 'अलं मे इमिणा दुघरवासेणं' पयंपिऊण, निवारिज्जमाणो वि सुहि-सयणवग्गेण मरणट्ठा इमं पव्वयं आरूढो । एसा वि कत्तो वि मुणिय मह मरणज्झवसाया पिट्टइओ समागंतूण एवं मरणे विग्याणि काउमारद्धा'।
राइणा भणियं-"भद्द ! किं निक्कारणमेव सयल-पुरिसत्थ-साहगे नव-जोव्वणे बट्टमाणो एत्तियं मेत्तेण वि कज्जेण अत्ताणं विकरणं करेसि? जइ एसा न ते सम्म विणएण बट्टइ ता अलमिमाए : अत्थि मे अरुणप्पहा नाम कन्नया। तं ते वियरिस्सामि । विरमसु इमाओ मरणज्झवसाणाओ। इमा वि जइ ते मणमावज्जइ तो धरणीया, अण्णहा
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |