Page Text
________________
२२४
मणोरमा-कहा
विमलमड़ णाम-मंतिणा दिट्ठ-सिद्ध-ववहारेण सया सयाचार-लोयस्स सह वासिणो, 'तरलो, कोउहल्लि, कीडापरायणो, अजिइंदिओ एसो' त्ति संभावियस्स धिरत्थु मे जीवियस्स ।” एवविहिचिंताउलो जाव चिट्ठइ राया ताव नहयलाओ गहिय-कण्णगो-"महाभाग ! परितायह" खलंतक्खरं पुणो-पुणो जंपतो पुरओ पडिओ पुरिसोत्तमो नाम पुरिसो । 'न भाइयव्वं' ति भणमाणेण थिरीकओ राइणा ।
एत्थंतरे गहिबाउहा नहयलाओ उवयंता दिट्ठा अट्ट विज्जाहरा- भणिओ पुरिसेण राया-"महाभाग ! इमेहितो भयं ।" एयं सुणिय ठिओ तेसिमभिमुहो गरवई । झुज्झिया चिरं विणिवाइया पंचजणा नरिंदेण । तिण्णि पलाणा । नराहिवो वि समरपरिस्समेण तण्हा-छहाहि य किलामियसरीरो निवडिओ असोग-तरतले । सो वि पूरिसो वत्थंचलेण विजिउमारद्धो । एयावसरे घेत्तूण पाणभोयणं, पुप्फ-तंबोल-विलेवण-भरिय-छज्जिया-वावड-कराए समणुगम्ममाणा दासचंडीए आगया पउमसिरिविज्जाहरी । विणयपुव्वं भणिओ तेण नरनाहो-"महाभाग ! समागया संपयं भोयणवेला, करेसु देवच्चणाई ।" तहेव कयं राइणा । तरंगलेहाविहिय-चलण-सोओ निसण्णो सहयार-छा[या]ए। दिण्णं कणगथालं । भत्तो पवरविहीए समं पूरिस-कण्णयाहिं, विलित्तो सव्वं घणसारमिस्सहरिचंदणेण । बद्धा सिरे सुरतरु-कुसुममालगहियं पंचसोगंधियं तंबोलं। विसमिओ खणमेत्तं । पच्छा पूच्छिओ पूरिसो रण्णा-"भट्ट ! कस्स दुहिया एसा कण्णया? किमभिहाणा? के वा इमे विज्जाहरा? जे अत्तणो भयकारणं ? भवया समाइदा का वा एसा भोयणं गहाय समागया इत्थिया ?" पुरिसेण भणियं-"अकहणिज्ज पि कहिज्जइ परमोवयारिणो तुह नियचरियं ।'
अत्थि वेयड्ढदाहिण सेढीए रंगसाला नाम नयरी। चक्कसेणो विज्जाहर-राया । पउमसिरी से महादेवी । कुतलाहिहाणा तीए धूया । अण्णया बहुरूविणी-विज्ज साहेमाणो दिट्ठो चक्कसेणो रणवीर-विज्जाहर-राय-भइणीए तरंगमालाए संजायाणरायाए सणियमवसप्पिऊण भणिओहमिमाए-को एस विज्जाहर-राया जेण विज्ज साद्यंते तओ मए चिंतियं-'दुक्कर-तव-खविय-सरीराणं मणीणं पि मणमोहणाणि जारिसाणि दीसंति इमीए विब्भम-विलसियाणि नेत्ताणि मयणुम्मायमंतरेण न संभवंति । परं पुच्छामि जेण निस्संसयं हवइ त्ति वियप्पिऊण भणिया सा मए-"किं तुहइमिणा? भणसु निय-कज्ज जेण साहेमि ।" तीए भणियं-“न मे अण्णं कज्जं मयणसरसल्लिया एयस्स सरणं पवज्जिस्सामि।" मए भणियं-"भद्दे ! अणवसरो खु संपयं । अओ मोत्तण तरलत्तणं, संजमिऊण इंदियगणं, निवारिऊण चक्खुप्पसरं, अंगीकाऊण महत्थत्तणं, निरंभिऊण चंचलत्तणं पंचबाणस्स, तहेव विहेसु जहा न विनडिज्जसि वम्महेण ।" एवं भणिया विसा न विरमिया । गया चक्कासेगसमी । पयडियतानाविह-वियाराए बाणावलि व्व कुसुमबाणस्स, उच्छल्लबाल-झस-फार-संचारा तरंगमाल व सिंगार-जलहिणो, धवलीकयदिगंतरा जोण्ह ब्व मयलंछणस्स, वीर-जण-वसकारिणी जाल व्व रागानलस्स, विब्भम-समल्लासिएक्कभ-लया आण व्व जोव्वण-महारायस्स, मंदा मएण, वित्थारिया विम्हएण पेरिया अहिलासेग, विसमिया लज्जाए, वुट्टिमिव अमयस्त, निक्खित्ता तीए असमए वि चक्कसेण मुहे दिट्ठी । मोत्तूण लज्ज पयडमेव पत्थिआ। अवहीरिया तेण। तह विन ठाइ । पूणो पूणो उवसग्गेती गहिऊण खग्गं विगयसवणनासाकया। तयवत्थाए गंतूण साहियं रणवीरस्स जहा 'हं पत्थिया चक्कसेणेण अणिच्छंतीए एयावत्थं पाविया ।' तं सुणिय कुविओ रणवीरो। चक्कसेणस्स वि सिद्धा बहुरूविणी विज्जा । समागया नियनयरं। वढियं वेरं समं रणवीरेण । परोप्परं छिहमण्णेसयंताण वच्चंति वासरा ।
. अण्णया उवरओ चक्कसेणो अहिसतो तस्स पुत्तो समरसेणो रज्जे । छलं लहिऊण समागओ रणवीरो । पणट्ठो समरसेणो।
- तओ सार-करि-तुरय-पत्ति-संपरिवुडेण निय-वावारिय-निसिय-सत्थ-दुव्वारेण समंतओ परियरियो वीरकूहेण वज्जमाण[तूरेण]नयरलोयं । तओ थेवकालकयसंगरेसु निहणमुवगएसु पहाणपुरिसेसु, पहार-वियलसरीरावयवेसु जमातिहिभूएसु कण्णतेउर-महल्लएसु, भयतरलतारलोयणेसु गहिज्जमाणेसु वंदुरातुरंगमेसु, आलाणबद्धेसु विद्यारिज्जमाणेसु
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |