Page Text
________________
सम्मत्त-लंभो णाम बीओ अवसरो तत्थ य फलपूयाविसए फलसारनिवकहा
विसज्जियासेस-सेवगजणा । सप्पणयमुवसप्पिऊण भणिओ अइगरुयजराभरजज्जरंगेण पंडुर-रोम-समूह-संछण्ण-वच्छत्थलेण ईसीसिकंपंत-कंधरेण कुलकमागरण विमलमईमंतिणा-"महाराय ! जई वि पुवकयसुकथाणुभावेण गुणगणो सय चेव तुह सरीरे संवसइ तह वि अइसिणेह-लंघिओ आपारो वा एरिसो त्ति कलिय किंपि भणामि । रूवं-जोव्वणं संपया य एक्केक्कं उम्माय-कारणं किं पुण मिलियं? अओ न जहा रूवाभिमाणपिसाओ छलइ, न जणेइ जोव्वणमुम्मायं, न पयट्टावेइ अपहेण लच्छीओ, हरिणच्छीओ वा न वसीकुणंति, कसाया वा पसरं न गेण्हंति, इंदियचोरो वा न हरंति विवेय-रयणं, कोऊहलेण वा केण विन तरलिज्जसि, तहा जइयव्बंति [भणि]ऊण मोणमासि]ओ विमलमई । एवं सुणिय विणयं राइणा नियगरुयत्तण-सरिसं तं तं सिक्खावयणं सिक्खाणरूयं करिस्सामि त्ति भणिऊण विसज्जिओ मंती। अप्पणा वि उदिओ अत्थाणमंडवाओ । पूरओ-पज्जलंत-कणय-दीविया-संरुद्धंधयारो निय-नियठाण-परिसंठिय-थाणंतरसुहडसंजणिय-रक्खं दुवार-देसं संलग्ग-पडिहार-पडिय-जण-निग्गमपवेसं एगं दुलक्ख-वंक-दुवारं वासभुवणमणुपविट्ठो । णुवण्णो पवरपल्लंके कोमल-तूली-सुह-फास-लद्ध-निहाभरो। वोलीणे जामिणीए जाम-दुगे केण वि चलणंगुलीसु छिक्को व्व विबुद्धो नराहिवो । उट्ठिओ सणिज्जाओ दिण्णा समंतओ खंधारे दिट्ठी । दिट्ठा निब्भर-निदाए घोरता जामइल्ला ।
एत्तरे नहयलेण पुव्वाभिमुहो गच्छंतो समवलोइओ रण्णा एगो पुरिसो। " हंत ! को एसो ?" एवं चिताउलो जाव चिट्ठइ ताव दिट्ठो दूरे धरणियलाओ समुच्छलतो बहलुज्जोओ। संजायविम्हओ तन्नियाण-जाणणट्ठा करे काऊन करवालं अलक्खिओ चेव निग्गओ पच्छिम-वारेण । गओ थेवं भमिभागं । कर-नियर-करंबियंबरंतरा पंचवण्ण-रयणेहि समंतओ जडिया भूमि-पडिया दिट्ठा एगा करोडी । गहणाभिप्पाएण गओ तयंतियं । पसारिओ करो । सा वि हा, हा, सद्देण हसिऊण उप्पइया गयणंगणे । गंतुण थेवंतरं पूणो वि धरणीयले निवडिया । राया वि प[च्छा]हत्तं पहाविओ पत्तो तीए समीवं । पुणो वि सा गया नहयलं । एवं तीए निवडतुप्पयंतीए विलक्ख-बगो अकय कज्जो वलिउमचयंतो दूरं पाविओ राया।
एत्थंतरे पभाया रयणी। उग्गओ सूरिओ। न नज्ज इ कहिं पि गया करोडी। तओ पयडपरिभाविज्जमाणे निण्णुण्णय-पविभागाए पयडपलोइज्जमाणे काणणंतराए भूमीए गंतूण निसण्णो एगम्मि गिरिसरिया परिसर-संठिए कयंबपायवे । संजाय-पच्छायावो चितिउं पवत्तो-'किं-निमित्तं मए अलिय-कोऊहल-तरलिय-माणसेण करोडि-मग्गमिणमणुसर. माणेण लहुत्तणं पाविओ अप्पा ।. अणिरुद्धिदियपसरेण बालतवस्सिणा व निप्फलाणुभूओ सीय-बायाइ-जणिओ काय. किलेसो। कत्तो महमेयमणवइट्रमणणसीलियमचितियमेव चावलं पाउब्भूयं । अहो ! चंचल-सहावया चित्त-परिणईए अहो ! वियार-बहुलत्तणं तारुणस्स, अहो! दुक्खदायगत्तणं सुहाभिलासाणं, अहो ! वसगदाण-दक्खत्तणं अणहीणयाए अहो ! कज्ज-परिणइवियार-विमहया रहसविलसियाणं, अहो ! मइविवज्जय-पयाण पउणत्तणं विहि-पडिकुलयाए 1 तस्स तहाविहस्स ताय-सिक्खापयत्तस्स, तस्स विज्जागहणस्स, तस्स नीई-सत्थसवणस्स, तस्स हेओवाए य तत्तपडिविण्णाणस्स, तस्स य सहावसिद्धस्स इंदियवग्गसंजमस्स केरिसो विवाओ जाओ ? किमियाणि करेमि ? समारद्धकज्जसिद्धि-बद्ध-निच्छएण वि मणसा अपज्जवसाणाए अणवधारियाए गंतव्व-भूमीए कए.. कत्थ.व वच्चामि ? कहं वा आलंबभद्रमक्कडो व्व असिद्ध-समीहिओ पच्छाहत्तं वलामि? कह वा पडिनियत्तो अदसणसंजायचित्तरेवाहस्स, समकालमेव पयाणुसारेण पहावियस्स, निरंतरपचलियाणेग-मायंगघडासंरुद्ध-गयणंगणस्स संमतओ पसरंतसाहणपूर-पूरियासामुहस्स, अद्धपह एव मिलियस्स सामंतलोयस्स मुहा-गमण-लज्जा विलक्खं मुह दंसिस्सामि ? कहं वा दूराओ चेव दंसियदरहसियस्स, समीवमागयस्स, 'कहिं गया ? कि निमित्तं वा गया ? किं दिट्ठ ? किमणभ्यं ? किमासाइयं ? इच्चाइ पुणो पुणो पुच्छंतस्स पणइवग्गस्स अच्चंतलज्जायरं नियचरियं कहणीयं । कहं वा सट्टाणमुवागएण दुव्विणय-जणय-संतावा सच्छंदत्तणवियमाणसा सव्वे वि समप्पियसाहिगारा पसायणिज्जा रज्ज-कज्ज-चितगा पहाण-पुरिसा । कहं वा हियय-दाह-लंघियाणुवित्ति-वयणाणं वयवुड्ढ-नियबंधूणमहोमुहेण सहियव्व। सवण-परुसा समुल्लावा ? सव्वहा चावलोवहयस्स, अण्णप्पवसगस्स, उज्झिय-महिमस्स, असमिक्खिय-कारिणो तेण
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |