Page Text
________________
मणोरमा - कहा
अण्णा कट्टभारं हाय आगच्छंतेणं दिट्ठो तए असोगसुंदरुज्जाणे जणाण धम्मं वज्जरंतो [तो ] ससुंदरो नाम सूरि । समुप्पण्णसुहवासणेण चितियं तए - "धण्णा इमे लोया जे संपज्जतसमीहिया वि धम्मं सुगंति । अहं पुण कट्टहारघट्टसिरो वि धम्मायरण-परम्हो परियडामि । एवं संवेगमावण्णो मोत्तूण कट्ठहारयं गओ सूरिवंदण- निमित्तं । वंदिओ सूरि । एत्थंतरे भणियं सूरिणा - " जो जिण-पडिमा पुरओ अखंड - पुडिय-चाउलेहि दप्पणाइए अट्टमंगलए समालिहर तस्स भवंतरे अक्खया अक्खया भवंति । पुच्छिओ समासण्णसावओ-" को एस जिणो ? का वा तस्स पडिमा ? केरिसाणि अट्टमंगलगाणि ?" सावए [ण] भणियं - "अहं ते दंसइस्सामि ।" धम्मदेसणावसाणे सावरण सयबाहू [णो] दंसिया जिणभवणब्भंतरे सव्वण्णुणो पडिमा अट्ठ मंगलगाणि य । संजाय बहुमाणो गओ नियघरं । गहिया पयत्तसंगोविया तंदुल - सेइआ । समागओ जिणहरं । उल्लसिय-रोमंचेण दप्पण-भद्दासण-वद्धमाण- वरकलस-मच्छ-सिरिवच्छा-सत्थिय-नंदावत्ता लिहिया अट्ठ- मंगलया । पुणो पुणो पवड्ढमाणसुहभावो कयत्थमत्ताणयं मण्णमाणो - 'अहो ! सोहंति जिणपडिमा पुरओ मंगलगा। कयत्था इमे चाउला जे एत्थ उवओगं गया ।' एवं सुहज्झवसाएण तए बद्धं मणुयाउयं । अहाउयक्खएण मरिऊण समुप्पण्णो सेट्ठी सुओ । तप्पुण्णाणुभावेण वड्ढिया तंदुला । जं पुण संतराया तत्थ इमं कारणं - ' अद्धलिहिएसु मंगलगेसु मणागं परिवडिओ ते भावो- जहा पभूया चाउला गच्छिस्संति ।' पुणो वि लोएहि सिज्जमाणेण सविसेस - समागय-परिणामेण संधिओ । तेण ते सविच्छेया तंदुल सामग्गी जाया ।" एवं सुणिय समुप्पण्ण-जाइसरणो संवेगमावण्णो जेट्टपुत्तं कुडुंब - सामियं काऊण सुहि-सयण-समणुष्णाओ निक्खतो महामहसंवेण कणसारसेट्ठीसुरसुंदरगुरुसमीवे । निरइयारं सामण्णं चरिऊण समाहिमरणेण मरिऊण समुप्पण्णो वेजयंतविमाणे सुरवरो । तओ चुओ नेव्वाणं गमिस्सह ।
२२२
एवं अक्खय-पूयाफलोदाहरण-पुरस्सरं भणिओ समुद्ददत्तो पियंकरायरिएण-
ककहरामररिद्धि इच्छह जइ मोक्ख- सोक्खमखंडं । तो अखंडे विमले जिण पुरओ अक्खए खिव ||४६२ ।। समुहदत्तेण भणियं - "भयवं ! संपयं फल- पूया फलं भणउ ।" सूरिणा भणियं-'सुणसु'
फलपूयोवरि फलसारनिवकहा-
अत्थि इहेव सयल - भारहालंकारभूयं कुसुमपुरं नाम नयरं । कुसुमावीडो राया । कुसुमसिरी से महादेवी । दिट्ठों य अण्णया पच्छिम रयणीए पल्लं कणुवण्णाए विविह-फल- समुदओ वयणेणं उदरं पविसमाणो रुक्खो सुमिणए । तक्खणfarare साहिओ दइयस्स । आनंदिया तेण पहाण - पुत्तजम्मेण । सुहंसुहेण गब्भं वहमाणीए पत्तो पसूइया पुण्णचउसीए । जाओ दारओ । पइट्टावियं समए सुमिण दंसणाणुसारेण दारगस्स नामं फलसारो त्ति । सुहंसुहेण पवड्ढमाणो जाओ अट्ठवारिसिओ । समप्पिओ लेहायरियस्स । जाओ थेवकालेणं चेव सयलकलापारगो । कारिओ समुण्णय रायवंससंभवाणं अट्ठण्हं वरकण्णगाणं पाणिगहणं । अहिसित्तो जुवराय - पए सुहसागरावगाढस्स वच्चइ कालो ।
अण्णम्मि दिने पलिय- दंसण-संजाय-संसारनिव्वेओ अहिसिचिऊण नियपए फलसार- कुमारं निक्खतो दमघोसायरिसमवे कुसुमावीडो । फलसारो वि नियगुणाणुराय-रत्त मही-मंडलो हेला विणिज्जिय-नमंत सामंत-संदोह-सेविज्जमाण-पय-कमलो कालं गमेइ ।
अण्णया निष्फण्ण-सयल सस्से मेइणीतले ऊसिय-पुंडरीयायवत्ते निवडंत-कास- कुसुम- चामरे सिहरिसिहर-गंधवारणमारूढे सयल-जणाणंदकारए महियलमोइण्णे सरय - नराहिवे सयल-सामग्गीए देस-दंसणत्थं निग्गओ फलसारनराहियो । पइनगरं पइगामं पूइज्जतो पउरजणेण, पडिच्छंतो सामंताईहि उवायणीकयाणि करि तुरय-मणि-सुवण्णाईणि, विवाहितो रायकण्णगागणं, कमेण परिभमंतो पविट्ठो कंतारमेगं । कारियं एगम्मि गिरिसरियापरिसरे उप्पयाणयं । जहा- ठाणं कयावासेसु मंति- सामंत - पमुहसिबिरलोएसु, तओ उभय-पाससंठिय-वार- विलासिणी कर-कमल-विहणिज्जमाणससि-कर-धवलचामरो, सेवा समय-समावडंत महासामंत-संदोह सम्मह-खुडियंग्य-रयण-किरण-पणासियंधयारं, उद्घट्ठियनर-सय- कलिय-दीवियासयसमुज्जोइयं, फार-फारक्क परिवेढ - गूढ-संचारं, पवसंतवर-वार- विलासिणी-चरण- नेउरारावभरिय भुवणोदरं, संपत्तो राया अत्थाण मंडवं । निसण्णो सिंहासने । चिरं चितिऊण रज्जकज्जाणि सम्माणदाण-पुव्वं
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |